Nehemías 1:9 - Kashibo-Kakataibo Biblia

⁹ ꞌaínbi kamina ësokinribi kakën, mitsun mi ꞌëmi sinanakin ꞌën bana kikësabiokin ꞌatëkënkin a tania kana uinu ꞌikë menu kara bëtsi unikaman buánkëxa anuabi mi timë́nun ꞌimitëkënkin, uinu karana anuxun ꞌë rabiti xubu ꞌati ꞌën kaisakë anubi mitsu bëtëkënti ꞌain.

Nehemías 1:9 ပူးပေါင်းရင်းမြစ်များ

1 Reyes 8:48

asérabi amiribishi atun Dios ꞌikë mi kuëënkin këmëkinma mimi sinanakian, anua ami nishkë unikaman ñatanbiankin atu buánkë me anuxun mi ñukákin, nun chaitiokë kamami ꞌinan me ënëmi sinánkin ꞌanan minbimi atu ꞌinan ëma ënë ꞌimainun anuxun mi rabiti xubu ꞌamikë ënëmi okin iskin ñukákëxun kamina,

1 Reyes 9:3

ami mërakin ka ësokin kakëxa: ꞌËn kana ꞌëbë banakinmi ꞌë kakëxun kuan, ꞌimainun kana anuxun ꞌë rabiti min ꞌamikë anu ꞌëx mitsubë ꞌiti ꞌain. Anu mitsubë ꞌixun kana uisaxunbi xënibua ꞌaínbi mi ëntima ꞌain.

Esdras 6:12

¡ꞌImainun ka Diosan Jerusalénnu ꞌikë unikama atunbia aín anë rabinun kaisa anbi uinu ꞌikë ꞌapun kara axa kikë bana a kuaisamatankin ax kikësabiokin ꞌaisama tankin anuxun Dios rabiti xubu Jerusalénnu ꞌaiabi ꞌatima okin ëmitisa tania ax ꞌatimokë ꞌiti ꞌikën! ꞌËx ꞌapu Darío ꞌaish kikë bana ax ka anuxun ꞌën pëukë anuxunbi upíira okin unin tankë ꞌiti ꞌikën.

Salmos 107:3

usa ꞌain ka atu bëtsi mekamanu ꞌiabia timëkin, aín tsipumia ꞌanan aín rëbumi ꞌikë akama ꞌianan, amiaxa bari urukë ꞌimainun, amia bari kuabúkë amiaxa timë́nun ꞌimiakëxa.

Jeremías 31:10

Bëtsi me kamanu ꞌikë unikama, mitsun kamina ësai kana ꞌëx ki kuati ꞌain, ꞌianan kamina parúmpapa kuëbí ꞌura tsókë unikama aribi ñuixunti ꞌain: Nukën ꞌIbun ka Israel unibu ꞌikë nukama abístanun ꞌimiakëxa, ꞌaínbi ka amiribishi timëtëkënkin bërúanxun an ñuina bërúankë unían aín ovejakama bërúankë usaribi okin ꞌati ꞌikën.

Jeremías 6:22

Ësai ka Nukën ꞌIbu kiakëxa: Aín tsipumia ꞌikë ꞌuraira me anuax ka achúshi ëma chaiira ꞌaish kushiira ax mitsu ꞌai unux mëníokatia.

Ezequiel 36:24

ꞌËn kana a menu ꞌikë ëmakamanua mitsu chikínti ꞌain, chikínxun kana mitsun menubi timë́nun bëtëkënti ꞌain.

Mateo 24:31

Manë banañu bana ocëbë uquin cana ꞌën ángelcama xuti ꞌain, ꞌënan ꞌinun ꞌën caíscë unicama camabi menua ꞌëbëa ꞌinun ꞌë timëxunun.

Deuteronomio 12:21

Anuxun a rabiti xubu ꞌatia Nukën ꞌIbu Diosan mitsu ꞌura kaisa me anu ꞌaínbi kamina a ꞌura ꞌixunbi anuxun mitsun ꞌarakakë, vaca ꞌimainun ovejakama Nukën ꞌIbu ꞌinánkëkama a rëxun piti ꞌain, anumi mitsux ꞌikë me anuxunbi, usakin ꞌai kamina xubusa okin chupa ꞌakë anu kuantima ꞌain.

Deuteronomio 12:5

ꞌAínbi kamina mitsun aintsi ñaká achúshi anu tsókë me a Nukën ꞌIbun kaísa anu xubusa okin chupa ꞌatankëxun anuxun ashi rabi kuanti ꞌain.

Deuteronomio 30:1

Uínsaran kara: ꞌËn mitsu ñuixunkësabi oi upí ñu ꞌianan ꞌaisama ñu ꞌia Dios kikësabi oí ꞌia, anun kamina uinu ꞌikë menu kara mitsumi nishkë unikaman mitsu buania a menuxun kamina ënë banakama sinánti ꞌain,