Nehemías 1:3 - Kashibo-Kakataibo Biblia

³ Ñukákëxunbi ka ësokin ꞌë kakëxa: “Axa Babilonianu kuanima Jerusalén ëmanubi bërúkë unikama ax ka bërí bëtsi bëtsi ñu inuti ꞌaisamaira tëmërai ñuñuma ꞌain atumi uni kuaikëbë rabinkë ꞌikën. Usaia atux ꞌimainun ka Jerusalén ëma anun kënëa axribi rurupakë ꞌimainun aín xëpútikama axribi në́nkëxuan tsin këñukëx rurukubua ꞌikën.”

Nehemías 1:3 ပူးပေါင်းရင်းမြစ်များ

1 Reyes 9:7

ꞌën atu ꞌinan me anua Israelkama chikínti ꞌain, chikíanan anuxun ꞌë rabiti xubu ꞌamikë a ënun ëmikëbë ka Israel kamami bëtsi menu ꞌikë unikama kuaiti ꞌikën.

2 Reyes 25:10

usakin ꞌamainun ka abëa kuankë Babilonianu ꞌikë suntárukaman, anun buinarakin Jerusalén ëma kënëara kënë a rurupakëxa.

Nehemías 2:13

A imë́bi kana ꞌëx ami me sapan ꞌikë xëkuë ami kikiani kuantankëx amia ꞌumpax manánuax xobuti timë́kë Dragón kakë a ꞌimainun anu ñu puti kuanti xëpúti ami kikiani kuainakëkin, Jerusalén anun kënëara kënë a rurupakan a isanan kana aín xëkuë në́nkan akamaribi isakën.

Nehemías 2:17

Kaxumabi kana ꞌën pain istankëxun atu kakën: —Mitsúnbi kamina upíokin ꞌunanin, nux kananuna ꞌaisamaira ñu inuti tëmërain, Jerusalén ëma ënëx ka anun kënëa akama rurupanan aín xëpútikamaribi në́nkan ꞌaish ꞌaisama ꞌikën. Usa ꞌain kananuna anun Jerusalén ëma kënëara ꞌikëa rurupakan ënënu mëníotëkënun kamáxbi timë́kanti ꞌain, numima unikama kuaia usa ꞌain kananuna mëníotëkënti ꞌain.

Nehemías 2:3

usai ꞌikin kana ꞌapu ësokin kakën: —¡Mix ꞌapu ꞌaish kamina ꞌitsa baritia buini tsóti ꞌain! ¿Uisa ꞌaish karana ꞌëx ꞌën aintsikama anu maían ëma axa rurupakë ꞌimainun aín xëpútikama axribi në́nkëxa rurukubua ꞌain nitë́xëtima ꞌiti ꞌain?

Isaías 43:28

mitsun ꞌapukaman ka anuxun ꞌë rabiti xubunuxun atun kuëënkësa okin ꞌaisama ñu ꞌakankëxa; usakin ꞌaia kana Israel unikama Jacobnën rëbúnki mitsu masókin këñuanan mitsumi kuaikanun ëankën kiax ka Dios kiakëxa.

Isaías 5:5

Asábi ka usa ꞌain kana uisakin ꞌën uvas ꞌapákëkama ꞌati karana, bërí sinani a mitsu kati ꞌain: bërí kana anun bëarakin i muxañukama ꞌapákë a anun atsínxun vacan ꞌatima otanun biti ꞌain; bianan kana anun kënëara maxá ꞌakëkama aribi anun atsínxun vacan ꞌaisama okin amátanun amanu amanu kinioti ꞌain;

Jeremías 52:14

usakin ꞌanan ka Babilonianuax kuankë suntárukama anun buinarakin Jerusalén kënëara kënë a rurupakëxa.