Nehemías 1:11 - Kashibo-Kakataibo Biblia

¹¹ Dios ꞌën mi ñukákëxun kamina kuati ꞌain, ꞌimainun kamina min unikaman ñukákëxunribi kuati ꞌain, usa ꞌain kamina an mishi rabitisa tankë unikaman ñukákëxun kuati ꞌain. ꞌImainun kana ësokinribi mi ñukatin ꞌapuan ꞌën kakëxun ꞌëmi upíokin sinánkin ꞌakinun kamina sinánmiti ꞌain.”

Nehemías 1:11 ပူးပေါင်းရင်းမြစ်များ

Génesis 24:42

Usa ꞌain kana bërí ꞌën anua ꞌumpax biti kini anu bëbaxun abë banakin ësokin Nukën ꞌIbu kan, ꞌën ñu mëëxunkë uni Abraham aín Dios: Asérabi kamina ꞌëx ënu uti ꞌë ꞌakian,

Génesis 32:11

Usa ꞌain kamina mix kikësabiokin ꞌakianan ꞌë ië́miti ꞌain, ꞌën xukë́n Esaúnën ꞌë ꞌati sinani kana rakuë́tin. ꞌImainun ka ꞌë ꞌakin xanukama ꞌimainun tuákamaribi ꞌati ꞌikën.

Génesis 32:28

Ësokian kakëxun ka unin kakëxa: —Bërí ka min anë Jacob kakë ꞌitima ꞌikën. Min anë ka Israel kakë bërí ꞌiti ꞌikën, mix kamina Nukën ꞌIbu Diosbë tananan, ꞌimainun kamina bërámabi bëtsi unikamaribi usaribi okin kanánkën.

Génesis 40:1

Usai ꞌitankëxa basikëbë ka an uvas baka xëati Egipto menu ꞌikë ꞌapu ꞌinánkë a ꞌimainun an pán ꞌakë uni aín kushi rabë́ axribi, an ñu mëëxunkë ꞌapu Egiptonu ꞌikë ami ꞌatimati banai ami ꞌuchakëxa.

Génesis 40:2

Usa ꞌain ka faraón Egipto menu ꞌikë ꞌapu ax a uni rabë́ ami ꞌaisamairai nishkin an ꞌain xëati iskë aín kushi ꞌimainun an pán ꞌakë iskë aín kushi kuëntankëxun,

Génesis 40:21

Xukëxun bitsínkin bëia ka an aín xëati ꞌinánkë unikaman kushi aín ñu mëëtinubi bëráma ꞌakësabi okin nantëkëanan ka faraónën aín xëati ꞌinántëkënun anubi nankëxa;

Génesis 40:23

Usakin aín namákë ñuixunkëxbi ka an ꞌapu ꞌain xëati ꞌinánkë uni ax Josémi sinanima ami manúakëxa.

Génesis 41:9

Usakian atun ñuixunkëbëma ka an faraón aín xëati ꞌinánkë uni aín kushi, ax kiakëxa: —Bërí kana sinanatin usai ꞌiti ꞌaímabi kana ꞌëx a sinanima manuan.

Génesis 43:14

Usa ꞌaínbi ka Nukën ꞌIbu Dios ax kamabi kushiñu an mitsua uisabi okima nuibanun ꞌimianan, min xukë́n sipunu ꞌikë a ënun sinánmikin Benjamín utëkënun upíokin sinánmiti ꞌikën. Usa ꞌain kana ꞌën bëchikëkama nëtë́këbë, bëchikëñuma ꞌëx ꞌiti ꞌain.

Esdras 1:1

Anúan Ciro kakë uni Persia menu ꞌikë ax ꞌapu ꞌikin pëutabakë anun ka usai ꞌitia Dios kia bana ꞌikëa Jeremías kiásabi oia a bana sënë́nkëbëtan, Ciro kakë an Diosanbi sinánmikëxun, banan kananbi kirikanu kuënëoxun ënë bana buámiakëxa:

Esdras 7:6

Esdras ënëx ka achúshi sacerdote an upíira okin ꞌunánkin Diosan ꞌamikëxun Moisésnën kuënëomia bana ꞌunánkë ꞌiakëxa, usa ꞌikëa Diosan ꞌakinia ka ꞌapu Artajerjesnën kuëënkin an ñukákësabi okin kamabi ñu ꞌaxuankëxa. Ësokin pain ñu ꞌaia ꞌunánxua ꞌapun xukëx ka Babilonia menuax Esdras kuankëxa,

Nehemías 1:6

ꞌën mi ñukákëxun kamina bërí kuati ꞌain, imë́ ꞌimainun nëtën kana min uni Israel unikama mi ñukáxunin. ꞌËnbi kana ꞌunanin Israel uni nukamax kananuna mimi ꞌuchan; ¡ꞌën aintsi ꞌibu kamabëbi kana ꞌëxribi mimi ꞌuchakën!

Nehemías 2:1

Usa ꞌixun kana Marzo ꞌuxë këñutia Abril ꞌuxë ꞌirukë anun achúshi nëtë ꞌikëbëtan anua veinte baritia ꞌapu ꞌikë anun, kana ꞌën uvas baka buánxun masá nuitukë ꞌaish bëtsi sinánkëshi ꞌixun aín xëati ꞌinánkëxun iskin,

Nehemías 2:8

ꞌimainun kana ësokinribi kakën bëtsi kirikaribi kamina ꞌë an ni bërúanti ꞌapun nankë Asaf a ꞌëa i anun ëmanu atsínti xëpútikama anuxun Dios rabiti xubu ꞌikë ꞌurama ꞌikëkama a mëníonan, anun ëma kënëarakë kënë ꞌikëbia rurupakin masókan a mëniomianan anu ꞌëx ꞌiti xuburibi ꞌaminun ꞌinánun kirika kuënëoxunti ꞌain. Usakin kakëxun ka ꞌapun ꞌën ñukákësabi okin kamabi ꞌë ꞌaxuankëxa ꞌën Diosanbia ꞌë ꞌakinia.

Salmos 130:2

¡ꞌËn ꞌIbu Dios ꞌëx mi ñukáti munuma kia kamina kuati ꞌain! ¡Min kamina ꞌën ñukákëxun min pabitan kuati ꞌain!

Proverbios 1:29

usa ꞌaínbi kamina mitsun ꞌën ꞌunánmikaskëxunbi, ꞌunanima ꞌianan Diosan bana kikësoi ꞌisamatankanin.

Malaquías 3:16

Usa ꞌain ka an Dios rabikë unikama atúxbi ësai kánani kiakëxa, kia ka atúxa kikë bana a bëmë́kin kuakëxa. ꞌIanan ka Diosan ismainunbi achúshi kirikanu an rabikë unikaman anë kuënëokëxa, a ka an Dios rabikë unikaman sinánti ꞌikën.

Hebreos 13:18

Cananuna ꞌunanin, ñu ꞌatima ꞌaquinma upí ñuishi ꞌaisa tania ca Nucën Papa Diosan nu upí isia quixun. Usa ꞌicë camina nu Nucën Papa Dios ñucáxunti ꞌain.