Nehemías 1:10 - Kashibo-Kakataibo Biblia

¹⁰ Nukamax kananuna min kaisa ꞌaish min uni ꞌain, usa ꞌikë kamina atu min kushínbi chikínbëtsinkin Egipto menua bëakën.

Nehemías 1:10 ပူးပေါင်းရင်းမြစ်များ

Salmos 89:14

Min kamina achúshi ꞌapun ꞌakësokin upíira okin ñu ꞌain; usa ꞌixun kamina min kushínbi kamabi ñu ꞌakin ënkinma nu nuibati ꞌain.

Éxodo 15:13

Min kamina min unikama ꞌitsaira nuibatin, usa ꞌixun kamina min kushi chaiira ꞌixun nukama ië́mikin ꞌakian; usa ꞌain kamina anuxun mi rabiti xubu anuxun rabikë ꞌiti ꞌain.

Éxodo 32:11

Ësai nishi kiabi ka abë banakin Moisésnën Dios ësokin kakëxa: ¿Nukën ꞌIbu uisoti karamina min unibu Egipto menua min kushínbi chikínbëtsinkin bëtankëxun min ami nishkin këñuti ꞌain?

Éxodo 6:1

Usai kia ka Nukën ꞌIbun Moisés kakëxa: —Bërí kamina uisakin karana ꞌapu faraónën kuëënkimabi ꞌën kushinbi ꞌamikëxun mitsu xunun ꞌami isti ꞌain, usa ꞌaínbi kana anbia mitsu aín menua xunun sinánmiti ꞌain; usa ꞌain ka, anbi mitsu ënuax kamina kuanti ꞌain kixun kati ꞌikën.

Éxodo 6:6

Usa ꞌain kamina Israel unibu anu kuanxun kai kuanti ꞌain, ꞌëx min ꞌIbu ꞌixun kana tëmëramikian ñu mëëkë anua chikínti ꞌain. Usa ꞌain kana ꞌaisamaira egipcio unibunën ñu mëëmikin tëmëramikë anua chikínti ꞌain; ꞌimainun kana ꞌën kushi atu ismikin ꞌëx upí ꞌixun mitsu ꞌakësamaira okin atu tëmëramiti ꞌain;

Éxodo 6:7

tëmëramianan kana mi kamaxmi ꞌën uni ꞌikë mitsu ië́miti ꞌain, ꞌëx kana mikaman Dios ꞌain. Usakin ꞌakëbëtan ka ꞌëx kana mitsun ꞌIbu Dios ꞌain kixun ꞌunánti ꞌikën, usa ꞌain kana ꞌën egipcio unibunëan amiribishi tëmëramikin ñu mëëmitëkëntima okin mitsu ꞌimiti ꞌain.

Isaías 64:9

Nukën ꞌIbu ꞌaisamairai kamina nishtima ꞌain, ꞌianan kamina nun ꞌatima ñuira ꞌakin a tanti bana kikësokin ꞌakinma uni ꞌakëkama a sinántima ꞌain. ¡Kamina isti ꞌain, nux kananuna min unikama ꞌain!

Deuteronomio 9:29

Usa ꞌain ka atux min unibu ꞌaish min unibubi ꞌikën; min kamina Egipto menua min kushínbi atu chikiankën kixun ka Moisésnën Dios kakëxa.