Miqueas 7:20 - Kashibo-Kakataibo Biblia

²⁰ ¡ꞌËn ꞌIbu mix upí ꞌixun nu nuibakin kamina bërámami nun chaitiokëkama Abraham ꞌimainun Jacob kásabiokin nuribi ꞌakinti ꞌain!

Miqueas 7:20 ပူးပေါင်းရင်းမြစ်များ

Génesis 24:27

asabi ka kakin: ¡ꞌËn ꞌibu Abraham aín Dios, ax ka abë upí ꞌianan a nuibakë ꞌixun ꞌëx aín aintsikaman xubunu bëbanun ꞌë bërúanxun bëaxa kiax kiakëxa!

Génesis 32:10

ꞌëx kana upíma ꞌain minmi ꞌë bërúanan upíokin ꞌakinkë ꞌaínbi. ꞌËx kana Jordán kakë baka ënë, añu ñubi bëíma ꞌën tsatishi tuianx min kakëx sikákën, ꞌaínbi kana bërí ꞌaisamaira ñuina ꞌarakakëñu ꞌimainun an ꞌë ñu mëëxunkë uniñu ꞌain, akamax ka rabë́ ëmanu ꞌikë unisa ꞌikën.

Deuteronomio 7:12

Ësokin ka Moisésnën aín aintsi Israel unikama raíri kakëxa: Asérabi mitsun ꞌën ꞌunánmikë bana ënëkama kikësabiokin ꞌakëbëtan ka Diosan an nun chaitiokëkamabëtan achúshi ñu ꞌakin kásabiokin mitsu ꞌakinti ꞌikën.

Deuteronomio 7:8

Nukën ꞌIbun ka Egipto menuax ꞌaisamaira tëmëraiabi mitsu chikíankëxa, ꞌimainun ka aín kushínbi ꞌapu faraónën ꞌibuaxun ñu mëëmiabi mitsu chikíankëxa, usa ꞌixun ka an mitsu nuibakin nun chaitiokëkama kásabiokin ꞌakëxa.