Miqueas 6:7 - Kashibo-Kakataibo Biblia

⁷ ¿ꞌËn mil carnero ꞌinánanbi, xëxá ꞌumpax iskësaira xëniribi ꞌinánkëx kara Nukën ꞌIbu kuëënti ꞌit? ¿ꞌIanan karana ꞌën ꞌatima ñu ꞌai ꞌuchakë kupín ꞌë a tërënxunun ꞌën bakë bëchikë apan ꞌinánuxun ñukati ꞌain?

Miqueas 6:7 ပူးပေါင်းရင်းမြစ်များ

2 Reyes 23:10

Josíasnënribi ka aín uni rairi Ben-hinom kakë me sapan anuxun ñuina xarokë aribi masótanun xuakëxa, anuxuan bëráma ꞌakësokin uínbi aín bakë bëchikë ꞌimainun ꞌini bëchikëkama bërama Israel unikaman dios Moloc kakë a ꞌaxuansa okin ꞌaxuma ꞌanun masónun ka xuakëxa.

Salmos 51:16

ꞌËn kana kuëënkin ñuina rëtankëxun mi xaroxuanan a mi ꞌinaínshiti ñukama mi ꞌinánti ꞌain, ꞌaínbi kamina min a ñukama ꞌaxunti kuëëniman.

Salmos 51:18

Min kamina upíokin Sión kakë me a ꞌati ꞌain ꞌanan kamina Jerusalén; ëma anun kënëara a birutëkënun ꞌamiti ꞌain.

Proverbios 15:8

Nukën ꞌIbu Diosan ka uni ꞌatima sinánñukaman ñu ꞌaxunkëxunbi a upí isima, ꞌaínbi ka uni upí sinánñukama an ñukákëxun kuni kuatia.

Isaías 1:1

Amósnën bakë bëchikë Isaías an ka namákësokin uisai kara Judá ꞌimainun Jerusalén ꞌinuxun ꞌaia kixun, ënë ꞌapukama ꞌain Diosan ismikëxun isakëxa, akamax ka ꞌiakëxa, ꞌapu Ozías, Jotam, Ahaz ꞌimainun Ezequías ënëkamax ka Judá menu bëtsix bëtsix ꞌiax chikikëbë ꞌapu ꞌiakëxa.

Isaías 40:16

Kamabi Líbanu mekamanu ka ñuina ꞌitsairama ꞌikën usa ꞌaish ka bënë́kinshi ꞌatankëxun ꞌaímai këñutanun a xarotibi ꞌaíma ꞌikën, ꞌianan ka anua karu bënë́kinshi a tíkati bisamabi ꞌikën.

Jeremías 19:5

ꞌAnan ka anuxun atun bakë bëchikëkama Baal kakë atun dios a ꞌaímai këñutanun xaroxunti ꞌakëxa, ꞌaínbi kana usakia ñu ꞌanun káma ꞌain, ꞌianan kana ꞌënbi usakin ka ñu ꞌati ꞌikë kixun sinánma ꞌain.

Jeremías 6:20

¿Uisoti kaina mitsun Sabá menu ꞌikë sanuira ñu a ꞌimainun ro ua sanuira ꞌura ꞌikë me kamanua ꞌikë a ꞌë bëxun kanin? ꞌËx kana kuëënima ꞌaímai këñutanun xarokë a ꞌianan, bëtsi ñukamaribi bëxun xarokëxbi ka ꞌën iskëx upíma ꞌikën:

Jeremías 7:31

Usa ꞌain ka Ben-hinom kakë me sapan anuxun ñuina xaroti Tófel kakë ꞌakëxa, anuxun ka atun bakë bëchikë ꞌimainun ꞌini bëchikama xarokëxa, ꞌakin ka usakin ka ñu ꞌanuxun, ꞌaia kixun ꞌën sinánkëma ñuira ꞌakëxa, usa ꞌain kana ꞌëxbi kin.

Oseas 5:6

Achúshi nëtën ka atun ovejakama ꞌimainun vacakama buánxun ꞌë barikanti ꞌikën, usokin ꞌakinbi ka atun ꞌë mërakantima ꞌikën, atunuax urakin kana ꞌën ëankën.

Oseas 6:6

Usa ꞌain kana mitsunmi ꞌë nuibati a kuëënin, ꞌën kana mitsunmi ñuina rëtankëxun xaroxunti a kuëënima, usa ꞌain kamina ax ka Dios ꞌikë kixun ꞌë ꞌunánkanti ꞌain, usakin ꞌunánkin kamina ꞌë ñuina rëtankëxun ꞌaímai këñutanun xaroxunkantima ꞌain.”

Amós 5:22

ꞌËn kana mitsunmi ñuina ꞌaímai xarátanun ꞌë xaroxunkë abi kuëëniman, ꞌimainun kana ꞌë ꞌinaínshiti bikë ñu bimikama abi istisama tanin; ꞌianan kana vaca bakë xuairabu anúnmi mitsux ꞌuchakë mëníokakanti ꞌë ꞌaxunti mi bëkankë akamabi istisama tanin.

Filemón 1:12

Minu cuantëcënun cana a xutin. ꞌËn nuibairacë ꞌaish ca ax ꞌën taná bëchicësa ꞌicën. Usa ꞌicë camina upí oquin biti ꞌain.

1 Samuel 15:22

Usokin kakëxunbi ka Samuelnën kakëxa: Nukën ꞌIbun ka kuëënia ax kikësokinshi ꞌaxúnti, usa ꞌain ka ñuina xaroxuntishi kuëënima; ax kikësabi okinshi ꞌati ax ka ñuina xaroxuanan carnero aín xëni xaroxunkë usamaira ꞌikën.