Miqueas 6:6 - Kashibo-Kakataibo Biblia

⁶ ¿Uisa ñu uani kuanxun karanuna, Nukën ꞌIbu Dios manámi ꞌikë a rabiti ꞌain? ¿ꞌIanan karana vaca bakë achúshi baritiañukama ꞌaímai këñutanu xaroxunti ꞌain?

Miqueas 6:6 ပူးပေါင်းရင်းမြစ်များ

Salmos 116:12

¿ꞌËn ꞌIbu Dios uisoxun karana kamabi ñumi upíokin ꞌë ꞌaxunkë usaribi okin mi ꞌaxunti ꞌain?

Salmos 22:29

Usa ꞌikë ka ami ñanati tëtúbukin ashi rabi kamabi uni axa ꞌuakamë ꞌëoi tsókë unikama ꞌimainun, axa ñuti ꞌurama unikama, atúnribi ka mimi ñanati ꞌikin mi rabikanti ꞌikën.

Salmos 95:2

Usai ꞌi kuëëni kananuna a ꞌuramanuax ꞌikësai kantai, anun kantati ain bana ꞌakë anun kantai ꞌasabi ka kai kuëënti ꞌain.

Salmos 95:6

Usa ꞌain kananuna rantinpuruni ꞌikin a rabiti ukanti ꞌain; a rabi kananuna Diosan ismainunbi rantinpuruni ꞌiti ꞌain, an ka nuribi uniokëxa.

Éxodo 12:5

A ñuinakamax ka aín bënë achúshi baritiañu ꞌaish, uisaibi ꞌikëma aín upíira ꞌiti ꞌikën, a kamina carnero bëna ꞌakima cabra bëna ꞌati ꞌain.

Proverbios 15:8

Nukën ꞌIbu Diosan ka uni ꞌatima sinánñukaman ñu ꞌaxunkëxunbi a upí isima, ꞌaínbi ka uni upí sinánñukama an ñukákëxun kuni kuatia.

Isaías 40:16

Kamabi Líbanu mekamanu ka ñuina ꞌitsairama ꞌikën usa ꞌaish ka bënë́kinshi ꞌatankëxun ꞌaímai këñutanun a xarotibi ꞌaíma ꞌikën, ꞌianan ka anua karu bënë́kinshi a tíkati bisamabi ꞌikën.

Jeremías 6:20

¿Uisoti kaina mitsun Sabá menu ꞌikë sanuira ñu a ꞌimainun ro ua sanuira ꞌura ꞌikë me kamanua ꞌikë a ꞌë bëxun kanin? ꞌËx kana kuëënima ꞌaímai këñutanun xarokë a ꞌianan, bëtsi ñukamaribi bëxun xarokëxbi ka ꞌën iskëx upíma ꞌikën:

Daniel 3:26

Ësai kiküatsini aí ka ꞌapu Nabucodonosor tsi rëkirukë xëkuë a ꞌurama oi munuma banai kiakëxa: —¡Sadrac, Mesac ꞌimainun Abed-negó, Dios kushiira naínu ꞌikë aín unikama anuax chikíküatsini ka ënu ukan! Usakin kakëx ka uni bënákama ax tsi rëkirukë anuax chikíküatsini uakëxa,

Daniel 4:9

Beltsasar an ñu tankë unikaman kushi ꞌën kana ꞌunanin Dios upíira aín bëru ñunshin an ka mi ꞌakinia, usa ꞌixun kamina min kamabi ꞌunántisama ñu abi ꞌunanin kixun kan. Usa ꞌain kamina ꞌën namákin iskë a mi ñuixunkin kamainun kuati ꞌain, kuakin kamina uisakin namákë kara ꞌën namákin iskë ax ꞌikë ꞌë ñuixunti ꞌain.

Daniel 5:18

Dios manámi ꞌikë kushiira an ka, min papa Nabucodonosor, axa ꞌapu ꞌaish chaiira ꞌikëa kamabi menu ꞌikë unin uisakinbi kakëma ꞌinun ꞌimiakëxa.

Daniel 5:21

Usakin ꞌatankëxun ka uni ꞌikëbi unikamanua chikinkin achúshi ñuinasa ꞌinun ꞌimiakëxa; usokëx ka ñuina raëkëma ꞌimainun vaca bënëkamabëtan pasto pi nitsia ka, nibítan ꞌibúkin aín nami chabókëxa, usa ꞌain ka Dios manámi ꞌikë an kushiira ꞌixun kamabi menu ꞌikë unikama ꞌakianan, ui kara ꞌapu ꞌimitisa tania a ꞌapu ꞌimia kixuan anun ꞌunánti nëtë ꞌitámainun ꞌakëxa.

Oseas 5:6

Achúshi nëtën ka atun ovejakama ꞌimainun vacakama buánxun ꞌë barikanti ꞌikën, usokin ꞌakinbi ka atun ꞌë mërakantima ꞌikën, atunuax urakin kana ꞌën ëankën.

Amós 5:22

ꞌËn kana mitsunmi ñuina ꞌaímai xarátanun ꞌë xaroxunkë abi kuëëniman, ꞌimainun kana ꞌë ꞌinaínshiti bikë ñu bimikama abi istisama tanin; ꞌianan kana vaca bakë xuairabu anúnmi mitsux ꞌuchakë mëníokakanti ꞌë ꞌaxunti mi bëkankë akamabi istisama tanin.

Mateo 19:16

Anuaxa cuania ca bëná uni achúshinën anu cuanquin Jesús cacëxa: —Mix camina upí uni ꞌain. Usa ꞌixun camina ꞌë ñuixunti ꞌain, ¿ꞌëx nëtë́timoi Nucën Papa Diosan nëtënu abë ꞌinuxun carana uisa ñu upí ꞌati ꞌain?

Marcos 12:33

Cëmëima asérabi cuëëni, ax cuëëncësabi oi ꞌi ami sinánan unin axa bërúancacësaribi oquin aín aintsicama nuibanan ꞌaquinsa ꞌicë ꞌaquincëbë ca Nucën Papa Dios cuëënia, judíos unían aín ꞌucha cupí ꞌaracacë ñuina rëxun xarocëbëa ꞌicësamaira oi.

Marcos 5:7

Usaria ca Jesusan ñunshin ꞌatima cacëxa: —Ñunshin ꞌatima, ënë uninuax ca chiquit. Cacëxun ca munuma cuëncë́nquin Jesús cacëxa: —Dios, naínu ꞌicë, aín Bëchicë Jesús camina mix ꞌain. ¿Uisati caramina ꞌë ubíoin? Diosan cuamainun cana mi cain, ꞌë tëmëramixunma ca ꞌat.

Lucas 10:25

An Moisésnën cuënëo bana ꞌunáncë uni achúshinën ca uisoquin caraisa caia quixun ꞌunáncatsi quixun sinánquin Jesús ësaquin ñucácëxa: —¿Añu carana ꞌëx ainan ꞌaish xënibua ꞌaínbi Nucën Papa Diosbë ꞌinuxun ꞌati ꞌain?

Juan 6:26

Cacëxun ca Jesusan cacëxa: —Asérabi cana ꞌën mitsu cain, ꞌën pán pimicëx puchonx camina a sinánbëtsini ꞌë bari uan. Ui carana ꞌëx ꞌai quixunmi mitsun ꞌunánun, uni itsían ꞌacëma ñu ꞌën ꞌacë a isunbi camina ui carana ꞌëx ꞌai quixun sinaniman.

Hechos 16:17

A xanu xuntacunëx ca Pablocëñun nu nuibiani munuma banai quiacëxa: —Ënë unicaman ca Dios, naínu ꞌicë ꞌApuira a ñu ꞌaxunia. Usa ꞌixun ca anúnmi mitsun ꞌuchacama tërë́ncë ꞌaish ainan ꞌiti bana mitsu ñuixunia.

Hechos 16:30

Usai ꞌitancëxun ëman buánquin ca Pablo ꞌimainun Silas cacëxa: —¿Añu carana ꞌën ꞌuchacama tërë́ncë ꞌaish ië́nuxun ꞌati ꞌain?

Hechos 2:37

Ësoquian cacëxun cuati —ꞌatimabi cananuna ꞌa —quixun sinani ratúquin ca Pedrocëñun abëa ꞌicë unicama ñucáquin cacancëxa: —ꞌËn xucë́antu, ꞌatimabi cananuna usoquin a ꞌan. ¿Upí ꞌinux caranuna bërí uisai ꞌiti ꞌain?

Efesios 3:14

Usa mitsux ꞌain cana Nucën ꞌIbu Jesucristonën Papa, Nucën Papa Dios, a rantin purúnquin mitsu ñucáxunin.

Hebreos 10:11

Judíos sacerdotecaman ca camabi nëtën ꞌuchañu unían bëxuncëxun aín ꞌucha tërë́ncë ꞌinun ꞌaracacë ñuina rëxunia. Usoquian ꞌacëbëbi ca aín nuitu upíma usabi ꞌia.

1 Samuel 15:22

Usokin kakëxunbi ka Samuelnën kakëxa: Nukën ꞌIbun ka kuëënia ax kikësokinshi ꞌaxúnti, usa ꞌain ka ñuina xaroxuntishi kuëënima; ax kikësabi okinshi ꞌati ax ka ñuina xaroxuanan carnero aín xëni xaroxunkë usamaira ꞌikën.