Miqueas 6:4 - Kashibo-Kakataibo Biblia

⁴ ꞌËn kana mitsun chaitiokëma Egipto menuxun tëmërakin ñu mëëiabi chikiankën; usokin ꞌanan kana Moisés këñun, Aarón ꞌimainun María, an atu ꞌakinun xuakën.

Miqueas 6:4 ပူးပေါင်းရင်းမြစ်များ

2 Samuel 7:23

Min uni Israel unibu ñuikin kana mi kain, ¡bëtsi menu ꞌikë ëmanu ꞌikë unikama atusaribi ka ꞌaíma ꞌikën, atux ka ënë menu ꞌikë bëtsi unikabëtan sënë́nma ꞌikën! ꞌËn ꞌIbu Dios min kamina min uni ꞌinun atu chikiankën. ꞌImainun kamina ꞌaisamaira ꞌixun bana sinankian upíokin ñu ꞌanun atu ꞌamian, min kamina min unikama Egipto menua chikínbëtsinkin atun ismainunbi bëtsi menu ꞌikë unikama ꞌimainun atun rabikë dioskama këñunbi këñuakën,

Éxodo 20:2

ꞌËx kana min ꞌIbu Dios an, Egipto menuxun tëmërakin ñu mëëiabi mitsu chikían a ꞌain.

Éxodo 3:10

Usa ꞌain kamina, mi kuanun mëníokati ꞌain, ꞌën kana faraónnu kuantanun mi xuti ꞌain, usa ꞌain kamina ꞌën uni Israelkama Egipto menua chikini kuanti ꞌain.

Éxodo 4:10

—¡Uisati kaina ꞌë usakin kai ꞌën ꞌIbu! —Kixun ka Moisésnën Dios kakëxa—. ꞌËx banati ka tëira ꞌikën, ꞌëx usai banakë ax ka bëríra usai ꞌëx banakëma ꞌikën, usa ꞌain ka, an mi ñu mëëxunti ënëx bëríra usai ꞌiama ꞌaish usaibi banaia. Usa ꞌain kana ꞌëx banaibi upiti banatima ꞌain.

Éxodo 4:16

Min kamina abë banakin Aarón ꞌëxbi abë banakësa ꞌinun kati ꞌain, usa ꞌixun ka Aarónënbi kamabi bana minmi ñuixunkë kamabi unikama kati ꞌikën.

Amós 2:10

ꞌAínbi kana Egipto menua chikínbëtsinkin, cuarenta baritia anu uni ꞌikëma menu, ꞌimibëtsinkin atun me ꞌinánuxun bëakën.

Números 12:1

Usa ꞌain ka María aín chirabakë ꞌimainun Aarón aín xukë́n apan Moisésnën etiopi xanua bikë ꞌain, ami ꞌatimakin ñui banakëxa.

Hechos 7:36

Xucëxun ca Egiptonu cuanxun Moisésnën Israel unicama anua buáncëxa. Buánquin ca Egiptonuxun ꞌanan, parúnpapa Xonsa anuxun ꞌanun, cuarenta baritian anu uni ꞌicëma menuxunribi Nucën Papa Diosan ꞌamicëxun uni itsin ꞌacëma ñu ꞌacëxa.

Deuteronomio 24:18

Usa ꞌain kamina manúkantima ꞌain, Egipto menuxun tëmërakin ñu mëëiabi ka anua Diosan mitsu chikíankëxa; usa ꞌain kamina ꞌën mitsu kakë ënë banakama kikësokinshi a tankin ꞌakánti ꞌain.

Deuteronomio 4:20

Usokin a ñukama unio ꞌixun ka Nukën ꞌIbun mitsu Egipto menuax ꞌaisamaira ñu mëëi anuxun manë xaroti ꞌakë anuax ꞌikësai tëmëraiabi Diosan chikínxun ain uni ꞌinun mitsu ꞌimiakëxa, usa ꞌikë ka ain uni ꞌinun nu ꞌimiaxa.

Deuteronomio 4:34

¿Anu kara bëtsi dios an ëma achúshi kaískin bëtsi ëmakama nëbë́tsinuxun, ꞌitsaira ñu ꞌanan atun iskëma, bëtsi bëtsi ñu ꞌakin atu rakuëmikin aín kushínbi Egipto menuxun nukama chikínbëtsinkin Diosan bëa usaribi okin ꞌakë ꞌiti ꞌik?

Deuteronomio 7:8

Nukën ꞌIbun ka Egipto menuax ꞌaisamaira tëmëraiabi mitsu chikíankëxa, ꞌimainun ka aín kushínbi ꞌapu faraónën ꞌibuaxun ñu mëëmiabi mitsu chikíankëxa, usa ꞌixun ka an mitsu nuibakin nun chaitiokëkama kásabiokin ꞌakëxa.

Deuteronomio 9:26

ꞌikin kana anuxun munuma banakin kakën: ꞌËn ꞌIbu Dios ënë unikama kamina usakin ꞌatima aín, atux ka min uni ꞌikëmi Egipto menuxun tëmërakin ñu mëëiabi mix kushiira ꞌixun chikínbëtsinkin bëa a ꞌikën.

1 Samuel 12:6

Kakëxun ka Samuelnën kamabi Israel kama kakëxa: —Nukën ꞌIbu an ka kamabi ñu ꞌanun Moisés këñun ain xukë́n Aarón a rabë́ ꞌamiakëxa, usakin ꞌamikin ka nun chaitiokëkama Egipto menua chikínbëtsinkin bëakëxa.