Miqueas 6:2 - Kashibo-Kakataibo Biblia

² Bashikama ꞌimainun an me tuinkë akaman ka kuati ꞌikën: Nukën ꞌIbu ka aín unikama ꞌatima oti sinania, usa ꞌaish ka Israel unikamami nishia.

Miqueas 6:2 ပူးပေါင်းရင်းမြစ်များ

2 Samuel 22:16

Aín banáinshi ka Diosan xunkakësa okinshi axa ꞌëmi nishkë unikama ꞌaisatankëxa, min kamina parúmpapa ꞌukëmëu ꞌikë ñukama ꞌimainun uinu kara naí sënë́ankëxa, axbia istisa ꞌitánun ꞌimiakën, axa usai banakëbëishi ꞌianan ka aín kushia usai ꞌinun ꞌimiakëxa.

2 Samuel 22:8

Usa ꞌain ka ax Dios kushiira ꞌixun me kushiira shaíkinun ꞌimiakëxa: ꞌimikëbë ka aín tapúmiax naíkamë ꞌëo shaíkikëbë aín bashikamaxribi aín tapúmiaxbi shaíkiakëxa; usakin ka Dios ax kushiira ꞌixun shaíkinun ꞌimiakëxa.

Salmos 104:5

Min kamina me aín tapunmibi bikin uniokën, anuaxa uínsaranbi shaíkitima okin.

Proverbios 8:29

anubia rakanun parúmpapa baka kanan, meribi anuaxa shaíkitinuma ꞌimia,

Isaías 1:18

Ësai ka Dios kiaxa: “Bërí kamina uisai kaina ꞌikanti ꞌai kiax ënë bana mëníonanti timë́ti ꞌuti ꞌain: Mitsun ꞌuchakamaxa uvas baka chininkë chëxëira iskësa ꞌikëbi kana, axa matsi irukë uxuira uxu iskësa ꞌitánun mitsu mëníoxunti ꞌain; atun ꞌuchakamaxa chupa bëtsi bëtsi ñun pukukë iskësaribi ꞌikëbi kana, ꞌën xapu uxuira uxu iskësa ꞌitánun mëníokin tërënxunti ꞌain.

Isaías 43:26

Ñu ꞌatima ꞌai ꞌëmi banai ꞌuchakë ꞌixun kamina ꞌëbë banakin añu kaina a ꞌën mëníonun ꞌë kati ꞌain. Kakëxun kana mitsux kaina asérabi ñu ꞌatima ꞌakëma upí uni ꞌai kixun isti ꞌain.

Isaías 5:3

Usa ꞌain ka Jerusalénnu ꞌikë ꞌimainun Judánu ꞌikë unikama bërí kiti ꞌikën, uix kara ꞌuchaxa, ꞌën ꞌapákë uvaskama ꞌianan karana ꞌëx ꞌucha kiax kiti ꞌikën.

Jeremías 2:9

Usa ꞌain kana ꞌëx Min ꞌIbu ꞌaish ësai kin. ꞌËx kana bërí mitsu ꞌimainun mitsun xutakama ñui usakin ka an bana mëníokë ꞌapukaman ꞌanuxun ꞌaia kin.

Jeremías 31:37

Ësai ka Nukën ꞌIbu kiaxa: achúshi nëtën kara unin naíkamë ꞌëo tupúanan meribi aín tapunkama ñachati ꞌikën, a nëtën kana ꞌën uni Israelkama kuëënkima atu timati ꞌain, atun kamabi ñu ꞌatimakin ꞌakë kupí. ¡ꞌAínbi ka uínsaranbi a ñu ꞌitima ꞌikën! ꞌËx mitsun ꞌIbu ꞌaish kana asérabi ësai kiakën.”

Oseas 4:1

Israel unikaman ka ësai ka Nukën ꞌIbu kia kuati ꞌikën. An ka ënë menu tsókë unikama nishanankë a uisokin kara ꞌati ꞌikë sinánxa, ënë menu ka uni nuibanani tsókë ꞌaíma ꞌianan, bëtsi uni mëëkaskin uisai kara Diosan bana kia abi ꞌunanima.

Miqueas 6:1

Mitsun kamina bërí uisokin kara Diosan mitsu kaia kixun kuati ꞌain: ¡Usa ꞌain kamina nirutankëx bashikama ꞌimainun matá me kaman min bana kuanun mixribi kiti ꞌain!

Deuteronomio 32:22

ꞌËx xuamati nishkë ax ka tsi rëkiruia iskësa ꞌiaxa, usai ꞌikin ka kamabi ꞌain bashi chairukë; a menu kookë ñu bimiñu xaronan; ꞌain bashi chairukë a tanain ꞌikë me anubi tsi rëkirukënën ñu këñukësa usa aín nishkë ꞌiti ꞌikën,

Deuteronomio 4:26

ꞌën kana bërí mitsu naíkamë ꞌëo ꞌimainun men unin kuakësa ꞌitanua kuamainun kain, ꞌaínbi kamina mitsux ꞌën kakë bana kikësabiokin ꞌaíma anumi tsókankë me Jordán kakë baka ꞌukëmanan ꞌitsama baritia tsókanti ꞌain. Anuax ka ꞌitsama baritiashi tsótankëx raírinëx ñuti ꞌikën.