Miqueas 6:1 - Kashibo-Kakataibo Biblia

¹ Mitsun kamina bërí uisokin kara Diosan mitsu kaia kixun kuati ꞌain: ¡Usa ꞌain kamina nirutankëx bashikama ꞌimainun matá me kaman min bana kuanun mixribi kiti ꞌain!

Miqueas 6:1 ပူးပေါင်းရင်းမြစ်များ

Isaías 1:2

Kamabi ñu axa naínu ꞌikë ꞌimainun menu ꞌikë an ka Nukën ꞌIbu Dios ax ka ësai kiaxa kuati ꞌikën: “ꞌËn kana ꞌën bakë bëchikë bëbukama ꞌimainun xanukama chatanun kanioruakën, ꞌaínbi ka atux ꞌën bana kuaisama tani ꞌëmi nishakëxa.

Ezequiel 37:4

Ësokin kakëxun ka Diosan ꞌë kakëxa: ꞌËn anë ñuikin kamina ënë xokama uni kakësokin kati ꞌain: Xo ëskikëkaman kamina ësai ka Nukën ꞌIbu kiaxa kuati ꞌain.

Amós 3:1

Israel unikama mikaman kamina ësai ka Dios kia kuati ꞌain, an ka aín uni ꞌikë Egipto menua chikíankëxa:

Miqueas 1:2

Kamabi unikama mitsun kamina ënë banakama upíokin kuakanti ꞌain; ꞌimainun ka kamabi menu ꞌikë ëmakamanu ꞌikë unikamanribi bëmë́kin kuati ꞌikën: Diosan ka anua ꞌikë naíkamë ꞌëo anuxunbi, mitsun ꞌatima ñu ꞌakë kupí uisa kara oti ꞌikë usokin mitsu ꞌati ꞌikën.

Miqueas 1:4

Aín taë shimuküax ka aín bashikamax unin xara tsinu ꞌarukëx charákësa usaribiti ꞌinun ꞌiti ꞌikën, ꞌimainun ka me sapankamaxribi bakan kushiira ꞌëkin panarabëtanun tukakësa usaribiti ꞌiti ꞌikën.

Miqueas 5:15

ꞌËx ꞌitsaira nishkin kana, axa ꞌëmi sinántisama tankë, ꞌën kakëxun kuaisamatankë unikama uisokin karana ꞌaisatani usokin ꞌati ꞌai kiax ka Dios kiakëxa.

Miqueas 6:2

Bashikama ꞌimainun an me tuinkë akaman ka kuati ꞌikën: Nukën ꞌIbu ka aín unikama ꞌatima oti sinania, usa ꞌaish ka Israel unikamami nishia.

Lucas 19:40

Cacëxun ca Jesusan cacëxa: —ꞌËn cana mitsu cain, ënë unicaman ꞌë rabicëbëtanma ca ënë maxáxcama ënën cuëncëni sharáquin ꞌë rabiti ꞌicën.

Deuteronomio 32:1

Ësai ka Moisés kantai kiakëxa, naíkamë ꞌëo ꞌëx kia kamina unin kuakësokin kuati ꞌain, ꞌimainun ka ꞌëx banamainun menribi unin kuakësokin kuati ꞌikën.

Deuteronomio 4:26

ꞌën kana bërí mitsu naíkamë ꞌëo ꞌimainun men unin kuakësa ꞌitanua kuamainun kain, ꞌaínbi kamina mitsux ꞌën kakë bana kikësabiokin ꞌaíma anumi tsókankë me Jordán kakë baka ꞌukëmanan ꞌitsama baritia tsókanti ꞌain. Anuax ka ꞌitsama baritiashi tsótankëx raírinëx ñuti ꞌikën.

1 Samuel 12:7

Usa ꞌain kamina bërí mëníokakanti ꞌain, ꞌën kana Nukën ꞌIbun ismainunbi mitsu uisakin kara an mitsu ꞌakianxa kanan, uisakin kara nun chaitiokë ꞌakiankëxa akama mitsu ñuixunti ꞌain.

1 Samuel 15:16

Usokian kakëx ami nishkin ka Samuelnën Saúl kakëxa —¡Nëtë́xun kamina usokin mi kanun ꞌë kakë mi kamainun kuati ꞌain, Nukën ꞌIbun ënë imë́ ꞌë kakë kana mi kati ꞌain! Ësokin kakin ka kiabi nëtë́miakëxa. —Asabi ka kamina ꞌë kati ꞌain —skixun ka an kakëxa.