Miqueas 5:5 - Kashibo-Kakataibo Biblia

⁵ An ka kamabi uníxa upiti tsónun ꞌimiti ꞌikën. Uínsaran kara asirio unikama nun menu bëbai nun ꞌapun xubukamanu atsinia, anun ka a ꞌapunbi mapai achúshi ꞌimainun rabë́ aín kushibu a këñun mapai ꞌimainun rabë́këñun achúshi ꞌapukama atu ꞌanun xuti ꞌikën.

Miqueas 5:5 ပူးပေါင်းရင်းမြစ်များ

Job 5:19

Uínsaran kaina ñu ꞌatima inuti ꞌai anun ka achúshira okin ꞌakintankëxun ënkinma mi ꞌakinti ꞌikën, ꞌianan ka uisa ñu inuti kaina tëmërati ꞌai usabi mi tsónun mi ꞌimitima ꞌikën.

Salmos 72:7

¡Usakin ꞌanan ka ax ꞌapu ꞌixun ñu upíokin ꞌakëbë, a nëtëkaman uni upitax bukuti ꞌikën, anúan ꞌuxë nëtë́ti nëtë ꞌitámainun!

Proverbios 30:18

Anu ka rabë́ ꞌimainun rabë́ribi ñu ꞌikën, a kana uisaira okin ꞌunántisa kara kixun sinánkinbi ꞌunánkëma ꞌain:

Proverbios 6:16

Anu ka mapai achúshi ꞌimainunbi, achúshiribi a ꞌatia Dios kuëënkëma a ꞌikën:

Eclesiastés 11:2

Mix kuríkiñu ꞌianan ñuñu ꞌixun kamina min ishi nankinma bëtsinu bëtsinu nanti ꞌain, usokëx ka min nankë ax këñúkëbëbi amanumi nankë ax mix ꞌatima ñu inúkëbëbi min nankë ñukama ax bëtsinu ꞌiti ꞌikën.

Isaías 44:28

ꞌËn kana Persianu ꞌikë ꞌapu Ciro a kan: min kamina bërúankësa ꞌixun, min kamina ꞌën kuëënkësokin kamabi ꞌati ꞌain; ꞌianan kana ꞌën Jerusalén kan: mix kamina amiribishi birutëkënkë ꞌiti ꞌain; ꞌimainun ka anuxun ꞌë rabiti xubu aribi ꞌatëkënkë ꞌiti ꞌikën: ꞌAkin ka aín tapúmixun an ñu mëëkë unikaman maxax purutëkënti ꞌikën.”

Isaías 7:14

Diosan ka unibë ꞌikintankëma xanu: Xuntaku achúshi tuuñu ꞌinun ꞌimiti ꞌikën, ꞌimikëx bakëntankëxun ka Emanuel kakin anëti ꞌikën. Emanuel kikë ax ka, ‘Dios ka nubë ꞌikë ki kikë ꞌikën’.

Amós 1:3

Ësai ka Dios kia: “Damasconu ꞌikë unikaman ka ꞌitsaira ꞌatima ñuira ꞌaxa, usa ꞌain kana atu ꞌaimama ꞌikinma ꞌatima oti ꞌain; atun ka Galaadnu ꞌikë ꞌën unikama trigo bimi manë xon tákakin rishkikësa okinra tëmëramiakëxa.

Amós 1:6

Ësai ka Dios kiaxa: “Gazanu ꞌikë unikaman ka ꞌitsaira ꞌatima ñuira axa, usa ꞌain kana ꞌaimama ꞌikinma atu tëmëramiti ꞌain; atun ka achúshi ëmanu ꞌikë uni kamabi ñatanbiankin buánxun, tëmëramikin ñu mëëmikë unisa ꞌikë Edomnu ꞌikë unikama maruakëxa.

Zacarías 9:10

An ka anuaxa suntárukama Israelnën, menuax ꞌakanankë caballonën nirinkë akama ꞌimainun anuaxa Jerusalénnu ꞌikë suntárukama ꞌakanankë caballokama ꞌanan anúan ꞌakanankë aín kantikama aribi këñuti ꞌikën. An ka Israel kama ꞌimainun kamabi menu ꞌikë unikamax upiti tsónun ꞌimiti ꞌikën, an ka parúmpapa Mediterráneo kakë anuaxi parúmpapa itsi parúmpapa itsi anu ꞌikë unikama upiti bukunun ꞌimiti ꞌikën, ꞌimianan ka Éufrates baka anuxunbi uinu kara me sënënakëakëxa anu sënë́nbi unikama ꞌakinti ꞌikën.

Zacarías 9:13

ꞌËn kana Judánu ꞌikë Israelkama anun ꞌakanankë ꞌën kantisa ꞌinun ꞌimian, ꞌimianan kana Efraín Israel, unikama aturibi ꞌën piasa ꞌinun ꞌimian. ꞌAnan kana Siónnu ꞌikë, Israel suntárukama an ꞌën manë xëtókësa ꞌixun Grecianu ꞌikë suntárukama ꞌanun ꞌamiti ꞌain.

Lucas 2:14

—¡Naínu ꞌicë Nucën Papa Dios rabinun ca ꞌat! ¡Ënë nëtënuaxa Nucën Papa Diosbë upí ꞌicë unicamax ca chuámashirua ꞌican!

Juan 14:27

ꞌËx cuancëbëbi camina chuámashirua bucucanti ꞌain. ꞌËn ꞌimicëx camina ënë menu ꞌicë ñu sinani cuëëncësamaira oi ꞌënan ꞌaish cuëëni chuámarua ꞌiti ꞌain. Usa ꞌain ca masá nuituaxma ꞌianan racuë́axma ꞌican.

Juan 16:33

ꞌËmi catamëtími chuámashirua ꞌaish upitax ꞌicánun cana ënë banacama mitsu ñuixuan. Ënë nëtënuax camina mitsux ꞌënan cupía mitsumi nishquin unin ꞌatimocë ꞌinuxun ꞌain. Usai ꞌibi camina bënëtima ꞌëmi cushicanti ꞌain. An ënë menu ꞌicë unicama ꞌibuacë ꞌicëbi cana ꞌën ñunshin ꞌatimanën ꞌapu ñusmon.

Apocalipsis 17:14

Acamax ca Carnero ꞌicësaribitia unin ꞌucha cupí bama abë ꞌacananti ꞌicën. ꞌAcananquin ca Carnero ꞌicësaribitia unin ꞌucha cupí bama, ax cushiira ꞌaish, ꞌibucaman ꞌIbu ꞌianan ꞌapucaman ꞌApu ꞌixun axa abë ꞌacanancëcama ñusmoti ꞌicën. Axa abë ꞌicëcaman ca a amia catamënun caísquin Nucën Papa Diosan sinánmicë ꞌixun uisai cara ñu ꞌicëbëtanbi a ëncëma ꞌicën. Usa ꞌixun ca Carnero ꞌicësaribitia unin ꞌucha cupí bama abë ꞌicëcaman axa abë ꞌacanancëcama ñusmoti ꞌicën.

Apocalipsis 19:14

Axa naínu ꞌicë caballo uxuanu tsócë ax chiquitia ca aín caballo uxuanu tsotax naínuax chiquíquin axa abë ꞌicë unicaman a nuibianxa. An nuibiancëcamax ca chupa uxua upíira upí chuañuma pañucë ꞌiaxa.