Miqueas 5:13 - Kashibo-Kakataibo Biblia

¹³ usotankëxun kana min rabikëñukama ꞌimainun maxákama diosmabi rabikë akamaribi masóti ꞌain, usakin ꞌaia kamima uínsaranbi mitsúnbi ꞌa ñukama a rabitëkëntima ꞌain.

Miqueas 5:13 ပူးပေါင်းရင်းမြစ်များ

Ezequiel 36:25

Bëxun kana ꞌumpax upitan chukakësa ꞌitánun ꞌakin mitsun ñu ꞌatima ꞌakëkama a mëníoxuanan, unínbia ꞌaxun rabikë ñukama rabikëxuan an mitsu tsaikë akamaribi mëníoxunti ꞌain,

Ezequiel 37:23

Usai ꞌika amiribishi ñu ꞌatima ꞌatëkënkin bëtsi dioskama rabitëkëanan bëtsi ñukama ꞌairibi ꞌuchatëkëntima ꞌikën. ꞌËn kana ꞌën kuëënkëma ꞌatima ñukama ꞌai ꞌëmi ꞌuchakëkama a tërënxunti ꞌain. Usa ꞌain kana atúxa ꞌën uni ꞌimainun ꞌëx atun Dios ꞌiti ꞌain.

Oseas 14:3

Asiria unikamax ka nu ië́misama ꞌikën, usa aín caballokama anbi nu abáti kuania ꞌabákintisama ꞌikën. Usa ꞌain kananuna mix kamina nun Dios ꞌai kixun nunbi uniokë ñukama anëtëkëntima ꞌain, axa ꞌibuñumakë unikaman ka ꞌain, Dios ꞌixun min nuibakëxun ꞌunania.”

Oseas 14:8

Usa ꞌain ka Israel unikama kiti ꞌikën: ¿Uisati karana a rabinuxun ꞌakë ñukama ꞌën kuëënti ꞌain? ¡ꞌËx kana an ꞌën unikama ꞌakianan bërúankë ꞌain! ꞌËx kana pino kakë ꞌi paxaira ꞌain pëchi usaribi ꞌain, usa ꞌain ka atux ꞌën ꞌakinkëx upiti tsóti ꞌikën, kiax ka Dios kiakëxa.

Apocalipsis 9:20

ꞌAisamaira oquin ꞌatimocëxbia bamacëma unicamax ca sinanaquin, atun ñu ꞌaisama ꞌacëcama ëncëma ꞌiaxa. Ñunshin ꞌatimacama rabianan ca unin ꞌacë ñu, curi ꞌacë ꞌimainun uxua manë ꞌacë ꞌimainun panshían manë ꞌacë ꞌimainun maxax ꞌacë ꞌimainun i ꞌacë, a ñucaman isíma ꞌianan cuatíma ꞌianan nitsíamabi, a rabiquin an ꞌacësabi oquin ñu ꞌatima ꞌati ënquinma ꞌaxa.