Miqueas 5:10 - Kashibo-Kakataibo Biblia

¹⁰ Ësai ka Dios kia: A nëtë ꞌikëbëtan kana min caballokama këñukin ꞌanan anuax ꞌakanankë caballonën nirinkëkama aribi masókin këñuti ꞌain.

Miqueas 5:10 ပူးပေါင်းရင်းမြစ်များ

Oseas 1:7

ꞌAínbi kana Judánu ꞌikë unikaman ꞌapu atumi ꞌatimakin sinanima ꞌikima nuibati ꞌain: usakin nuibakin kana ꞌëxbi ꞌain Dios ꞌixun ië́miti ꞌain. ꞌAínbi kana ꞌakanankë ꞌianan, kantiñu ꞌianan, manë xëtokëñu ꞌianan, caballo an nikinkë uniñu ꞌikëbi a kupín ꞌimikima ꞌënbi ië́miti ꞌain.”

Oseas 14:3

Asiria unikamax ka nu ië́misama ꞌikën, usa aín caballokama anbi nu abáti kuania ꞌabákintisama ꞌikën. Usa ꞌain kananuna mix kamina nun Dios ꞌai kixun nunbi uniokë ñukama anëtëkëntima ꞌain, axa ꞌibuñumakë unikaman ka ꞌain, Dios ꞌixun min nuibakëxun ꞌunania.”

Zacarías 9:10

An ka anuaxa suntárukama Israelnën, menuax ꞌakanankë caballonën nirinkë akama ꞌimainun anuaxa Jerusalénnu ꞌikë suntárukama ꞌakanankë caballokama ꞌanan anúan ꞌakanankë aín kantikama aribi këñuti ꞌikën. An ka Israel kama ꞌimainun kamabi menu ꞌikë unikamax upiti tsónun ꞌimiti ꞌikën, an ka parúmpapa Mediterráneo kakë anuaxi parúmpapa itsi parúmpapa itsi anu ꞌikë unikama upiti bukunun ꞌimiti ꞌikën, ꞌimianan ka Éufrates baka anuxunbi uinu kara me sënënakëakëxa anu sënë́nbi unikama ꞌakinti ꞌikën.