Miqueas 5:1 - Kashibo-Kakataibo Biblia

¹ Jerusalénnu bukukë mitsun kamina amimi mitsux katamëkanti ëma kënëarakin ꞌakánti ꞌain, nuka chikítisama okin bëararakanxa, usakin ꞌaxun ka Israelnu ꞌikë ꞌapukama a ꞌaisamaira okin tëmëramiti ꞌikën.

Miqueas 5:1 ပူးပေါင်းရင်းမြစ်များ

Génesis 35:19

Anuax kuaníbi ka Raquel ñuakëxa, ñukë ka anun Efratanu kuanti bai ꞌipítinu maíankëxa ax ka bërí Belén kakin anëkë ëma ꞌikën.

Génesis 49:10

Uínbi ka aín kushi Judá bikuantima ꞌikën, ꞌimainun ka aín manë tsati ꞌapun tuinkë ꞌikëa tuinkë a bikuantima ꞌikën, a manë tsatin ꞌibuka unuxun ꞌaia usa ꞌain ka kamabi menu ꞌikë unikaman ax kikësabiokin ꞌanuxun ꞌaia.

1 Reyes 22:24

Kixuan kakëbë a ꞌurama ukin ka Sedequías Quenaaná ain bakë bëchikë an achúshi okin bëtáshkakin Micaías kakëxa: —Min kamina sinántima ꞌain Diosan bëru ñunshinsa mibë banaima ꞌinun ꞌë ëanan mibë banaia kixun.

Proverbios 8:23

Usakin ka me uniokëmapan ꞌixun ꞌë irapain. Uniokë ꞌiakëxa.

Isaías 33:22

Usa ꞌain ka Nukën ꞌIbu ax an bana nu mëníoxunkë ꞌixun a tanti banakama nukama ꞌaxunia, ꞌimainun ka ax nukaman ꞌapu ꞌikën, usa ꞌixun ka an nu ië́miti ꞌikën. Axa numi nishkë unikaman atun nunti anun tëkërëkakë itsikaman ka churukukë ꞌixun ami tëkërëkakë i a tuinima, usa ꞌain ka ami tëkërëkakë chupa ax pënimëtima. Usai ꞌikëbëtan kananuna numi nishkë unikaman atun ñu kupíkë bikuanti ꞌain, bimainun ka bëxuñu unikama ꞌimainun aín taëmi ñukë unikamanribi atun ñu kamabi atima onan numi nishkë unikaman ñu bikuanti ꞌikën.

Isaías 8:9

Usa ꞌain ka kamabi menu ꞌikë unikama timëaxi ꞌitsaira rakuë́ti ꞌikën; ꞌimainun ka axa ꞌuraira menu bukukë unikamanribi ënë kuati ꞌikën: kuati ka ꞌakananshisa ꞌinun atun ñu bitsi mëníokakë ꞌaishi rakuë́kanti ꞌikën; ꞌianan ka anun ꞌakánanti mëtikiruaxi rakuë́kanti ꞌikën.

Isaías 9:5

Min kamina ꞌakanani kuankian suntárukaman aín taxaka pañubiankin anun me banamibiankë a ꞌimainun aín chupa ꞌakanankian imin shikë a kamabi tsin në́nkin xaronun ꞌamiti ꞌain.

Daniel 9:25

Ënë kamina upíokin kuakin min ꞌunánti ꞌain: An kaískë ꞌapu bëbatamainun ka Jerusalén birutëkënkin ꞌatëkënti ꞌikë Dios kiti nëtë ka ꞌiti ꞌikën, siete semana inuti ñui kikë ax ka (cuarenta baritia inuti ñui kikë ꞌikën) ꞌimainun ka Jerusalén ëmanu anun niti baikama ꞌanan anun kënëarakë kënëkama ꞌakë ax sesenta ꞌimainun rabë́ semana ñui kikë ax ka (cuatrocientos treinta y cuatro baritia panáti ñui kikë ꞌikën) ꞌaínbi ka a nëtëkamax anun ꞌitsaira tëmërai masá nuituti ꞌiti ꞌikën.

Joel 3:9

Ësai ka Dios kiaxa: kamabi ëmanu ꞌikë unikama ka ësokin kati ꞌikën: ¡Kamabi aín suntárukamaxa Diosan unikamabë ꞌakananux mëkëti mëníokanun ka kati ꞌikën! ¡Axa ꞌakánanti rakuëma suntárukama a kamina kuënti ꞌain! ¡Usakin ꞌakëx ka ꞌakánanti ꞌunairakama ax abi rëkuë́nkiani ꞌakanani kuanti ꞌikën!

Amós 2:3

¡ꞌËn kana aín unikaman nëbëtsi orakë ꞌikëbi ain ꞌapu ꞌati ꞌain; akëñun kana aín unikama ñu ꞌunanbu akamaribi ꞌati ꞌain! Usai ka Nukën ꞌIbu kiaxa:

Habacuc 1:6

Usa ꞌain kana caldeo unikama ꞌakanani unun ꞌimiti ꞌain atux ka ñu ꞌaisama ꞌakëbuira ꞌaish ñu ꞌaisama atishi ꞌikën, usa ꞌain kana atu ënti ꞌain, atun suntárukamax ka bëtsi bëtsi menu kuankin, ainamabi bëtsi unikaman me ꞌibuakin bikë unibu ꞌikën.

Habacuc 3:16

Ënëkama ñu ꞌiti kuati kana rakuëan, usai ꞌi kana ꞌën kuëbí bërëkai ꞌian, ꞌianan kana ꞌën kisikama anun nisama ꞌimainun ka ꞌën namikamaribi kushima ꞌiaxa. Usa ꞌixunbi kana bënë́kinma uínsaran nëtën kara Diosan an nu ꞌatimokin ꞌakë unikama masánuitutanun aín suntárukama ꞌimia kaínti ꞌain.

Mateo 26:67

Usai quiquian a ꞌurama ꞌicë uni raírinën bëtushucamainun ca raírinënribi Jesús mëëacëxa. Usoia ca raírinënribishi bëtáshcacëxa.

Mateo 27:30

Caía raírinëx ami tushuquimainun ca raírinënribi a ꞌináncë tsati bitëcënquin anun matáxcacëxa.

Mateo 5:39

Usai quiá ꞌaínbi ꞌën mitsu cain, mitsua ꞌatimocëxunbi camina ami nishquin cupiquin ꞌatimotima ꞌain. Usoquin ꞌaquinma camina mitsua mëqueu bëtáshcacëxun ꞌaisa tania amoribia mitsu bëtáshcanun ꞌamiti ꞌain.

Juan 18:22

Caia ca policía achúshi a rapasu nicë an —¿min caramina ësoquin sacerdotenën cushicaman ꞌapu ënë cain? —quixun caquin Jesús cuëtashcacëxa.

Juan 19:3

Usotancëxun ca aín bëmánanu niracëquin ꞌusánquin —judíos unicaman ꞌapu ca chuámashi ꞌit —caquin tantáshcacëxa.

Hechos 23:2

Quiáxa quicëbëtan ca sacerdotenën cushicaman ꞌapu, Ananías, an a rapasu ꞌicë unicaman Pablo cuëtáshcanun quixun cacëxa.

2 Corintios 11:20

A unicaman atun cuëëncësa oquin ꞌacëxunbi camina mitsun tanshitin. Atun ca mitsu ñu mëëmianan, paránxun mitsun ñu bianan, mitsux camina meu ꞌaish atubë sënë́nma ꞌai quixun canan, mitsu bëtashcaia. Usaquin ꞌacëxunbi camina tanshitin.

Deuteronomio 33:27

Nukën ꞌIbu Dios axa këñutima oi tsókë an ka mitsu ꞌakinti ꞌikën; an ka ax kushiira ꞌixun ënkinma nu ꞌakinia, usa ꞌixun ka an numi nishkë uni abámitankëxun, këñukin ꞌanun nu ꞌamiakëxa.