Miqueas 3:9 - Kashibo-Kakataibo Biblia

⁹ Bërí ka an bana mëníokë ꞌapukama ꞌimainun Israel unikaman kushibu an ënë bana kuati ꞌikën, mitsun kamina upí ñu ꞌati a kuëënkinma ꞌatima ñuishi ꞌakin usakin ñu ꞌati kikë bana ax kikësokin ꞌakaniman,

Miqueas 3:9 ပူးပေါင်းရင်းမြစ်များ

Éxodo 3:16

Usa ꞌain kamina bënë́kiani kuantankëxun, Israel uni apankama timëtankëxun kai kuanti ꞌain: Nukën ꞌIbu min chaitiokëkaman Dios, ꞌimainun Abraham, Isaac Jacob akaman Dios an ka ꞌëmi chikirakëkin ësokin ꞌë kaxa, ꞌënbi kana Egiptonu ꞌikë unikaman mitsu ꞌatimaira oia isan kixun ka ꞌë kaxa.

Isaías 1:23

Mitsun ꞌapukamax ka bana kuakëma ꞌianan, an unin ñu bainu bëaraxun mëkamakë unikamabë ꞌunánankë ꞌikën. Usa ꞌixun ka akaman kuríkinën kupíokëxun an ñu ꞌupima ꞌakëma unibi ꞌatima ñu isa ꞌaxa kixun kanan ñu ꞌinainshiti akamaribi baria. ꞌIanan ka papañuma ꞌimainun titañuma tuákamaribi uisakin kara ꞌakinti ꞌikë usakin ꞌakinima ꞌianan, xanu kasunamëkë akamaribi tëmërai tsótiabi ꞌakinima.

Oseas 5:1

Sacerdotekama mitsun kamina ënë bana kuati ꞌain; ꞌimainun ka Israel kamanribi bëmë́kin kuati ꞌikën; ꞌimainun ka ꞌapun aintsikama upíokin kuati ꞌikën: ꞌËn kana mitsu tëmëramiti ꞌain, mitsun kamina ami ñu ꞌiti nankë usa ꞌixun Mispá anuxun unikama ꞌuchamiakën, ꞌanan kamina achúshi rika sarakaxun satëonkin tëkërëkakësa ꞌixun aín bashi Tabor anuxun ꞌakën,

Amós 5:7

¡Mitsun kamina bëtsin ꞌatima okë unikama upíokin ꞌakinkëma ꞌain ꞌianan kamina ꞌakinsa ꞌikëbi ꞌakinkëma ꞌain!

Miqueas 1:1

Ënë bana ka Nukën ꞌIbun Miqueas kakë uni Moréset kakë ëma chukúma anuxun namákësokin uisa kara Samaria ëma ꞌimainun Jerusalén oti ꞌikë kixun a nëtëkaman Jotam, Ahaz ꞌimainun Ezequías Judá menu ꞌapu ꞌain bana ꞌikën.

Miqueas 3:1

Bërí kamina an bana mëníokë ꞌapukama ꞌimainun, Israel unikaman kushibu mitsun ësai kia küakanti ꞌain, ¿mitsun mi ꞌunántima kara unin ñu ꞌatima ꞌaia mëníoxunti ax ꞌik?