Miqueas 3:2 - Kashibo-Kakataibo Biblia

² Usa ꞌaínbi kamina ñu upí ꞌati kuëënkinma ꞌatima ñuishi upisa ax ꞌikë kixun ꞌati kuëënin; mitsun kamina ꞌën kaískë unikama ꞌatimaira okin aín namishi bianan ñuina xo rakánkë usokinshi ꞌakanin.

Miqueas 3:2 ပူးပေါင်းရင်းမြစ်များ

1 Reyes 21:20

Usokin katanua kakëx ka Elías kuankëxa. Kuanxun ka anua uvas ꞌapákë naë anua mërakëxun ami Ahabnën Elías nishkin kakëxa: —¿Mix ꞌëbë nishanankë uni ꞌaíshbi kaina ꞌë baribëtsini uax ꞌëbë mëranan? Kakëxun ka Elíasnën kakëxa: —Mibë bananuxun mi bari kana uan, min kamina Diosan upí iskëma ñuishi ꞌain.

Salmos 15:4

an ñu ꞌatima ꞌati kuëënkë uni abi iskinma, Dios ishi rabia ashi nuibakë uni ꞌianan; uisa ñu kara ꞌakatsi kiaxa añu uisa ñu kara inúkinbi ꞌakë uni;

Ezequiel 34:3

Mitsun kamina atun ꞌapu ꞌixun an ñuina bërúankë unían aín ñuinanën xuma xëanan, aín rani bixun chupa ꞌaxun pañukësa usakin ꞌanan, oveja xuairabu akama rëtëin, ꞌaínbi kamina mitsun ñuina ꞌarakakëkama upíokin bëruaima.

Amós 4:1

Samarianu ꞌikë xanukama ësokin mitsu kamainun kamina kuati ꞌain: Mitsux kamina Basán menu ꞌikë vaca ain xanu xuabu usaribi ꞌaish xubairabu ꞌain, usa ꞌixun kamina uni ñuñuma ꞌatima onan, an ñu kuëënkin bisatankë a ꞌianan, mitsun bënëkamaribi a xëati uvas baka paëokin ꞌakë bëxunun kixun kain.

Amós 5:15

¡ꞌAtima ñu a timakin kamina! ¡Upí ñuishi ꞌati ꞌain! anuxun bana mëníoti anuxun kamabi upíokin ꞌakinkëbë; sapi ka Dios, kamabi kushiñu ax mitsubë ꞌiti ꞌikën, usai ꞌikin ka axa raíri këñumainun tsókëpan Israel unikama a nuibati ꞌikën.

Miqueas 2:8

Mitsux kamina ꞌën unikama ꞌiakën, usa ꞌaishi kamina ꞌën unikamami ꞌin. ꞌAínbi kamina bërí mitsux ꞌëmi nishkë unibu ꞌain, usa ꞌixun kamina axa ꞌakanankuatsini ukë unikaman chupa kupíkë bikuankanin, usakin ꞌakin kamina usakin ñu ꞌai ismina upí ꞌiti ꞌai kixun sinánkanin.

Lucas 19:14

Usaquin catancëxa cuanbi ca a menu ꞌicë unicama ami nishcë ꞌixun, —a uni cananuna nun ꞌapu ꞌiti cuëënima —quixuan ꞌapu catánun quixun uni xuquin camiaxa.

Juan 18:40

Cacëxunbi ca amiribishi munuma cuëncëni banaquin judíos unicaman cacëxa: —A ꞌaxunma ca Barrabásëshi chiquin. Barrabás, ax ca an ñu mëcamacë uni ꞌiacëxa.

Juan 7:7

Axa Nucën Papa Diosmi sináncëma unix ca mitsumi nishima, ꞌëmi cuni ca nishia. ꞌËn —ñu ꞌatima camina ꞌai —quixun cacë cupí ca atux ꞌëmi nishia.

Romanos 1:32

Atun ca ꞌunania, Nucën Papa Diosan mëníosabi oi ca usa unicama ainanma ꞌaish xënibua ꞌaínbi abë ꞌitima ꞌicë quixun. Usaía Nucën Papa Dios quia a ꞌunánxunbi ca usa ñu ꞌaia. Atúinshi ꞌaíma ca uni itsínribia usaribi oquin ꞌaia isti cuëënia.

Romanos 12:9

Mitsux asérabi Jesucristomi catamëcë uni ꞌaish camina paránanima asérabi bëtsibë nuibananti ꞌain. Ñu ꞌatima ꞌati cuëënquinma usa ñu timai camina Nucën Papa Dios cuëëncësabi oíshi ꞌiti ꞌain.

2 Timoteo 3:3

Usa ꞌaish ca bëtsibë nuibanainsama tanan aín ami nishcë uniribi abë mëníonantëcëinsama tanti ꞌicën. Usai ꞌiquin ca cëmëi bëtsimi manánan ñunshinacëquin aín sináncë ñuishi ꞌati ꞌicën. ꞌAnan ca sinánñuma ꞌixun raíri uni tëmëramiti ꞌicën. Usai ꞌiquin ca uisa ñux cara upí ꞌicë a ꞌaisama tanti ꞌicën.