Miqueas 3:11 - Kashibo-Kakataibo Biblia

¹¹ Axa Jerusalén ëmanu ꞌikë an bana mëníokë unikama an ka uin kara kupíoia a ëanan an kupíokë a ꞌatima oti sinania, ꞌimainun ka sacerdotekaman kupíokëxunshi uni ꞌunánmiti kuëënia, ꞌianan ka an Dios kikë bana ñuikë unikamanribi kuríki kupíshi abi sinántankëx ësai kia: Nukën ꞌIbu ka nubë ꞌikën usa ꞌixun ka ñu ꞌatima inútima rabanan Nukën ꞌIbun nu bërúaia.

Miqueas 3:11 ပူးပေါင်းရင်းမြစ်များ

Isaías 1:23

Mitsun ꞌapukamax ka bana kuakëma ꞌianan, an unin ñu bainu bëaraxun mëkamakë unikamabë ꞌunánankë ꞌikën. Usa ꞌixun ka akaman kuríkinën kupíokëxun an ñu ꞌupima ꞌakëma unibi ꞌatima ñu isa ꞌaxa kixun kanan ñu ꞌinainshiti akamaribi baria. ꞌIanan ka papañuma ꞌimainun titañuma tuákamaribi uisakin kara ꞌakinti ꞌikë usakin ꞌakinima ꞌianan, xanu kasunamëkë akamaribi tëmërai tsótiabi ꞌakinima.

Jeremías 23:17

Uikaman kara ꞌën bana kikësabiokin ꞌaisama tankin timaia, atun ka mitsu kati ꞌikën: Kamabi mitsun ꞌakë ñukama ax upí ꞌia. ꞌImainun ka ꞌain sinánkësa okinshia, an ñu ꞌakë unikamanribi mitsu kaia: Uisa ñu ꞌatimabi ka mitsunu ꞌitima ꞌikën.”

Jeremías 26:7

Jeremías an bana ñuikë an anuxun Dios rabiti xubu anuxun bana ñuia ka sacerdote ꞌimainun këmëkin an bana ñuikë unikama ꞌimainun kamabi unikaman kuakëxa.

Jeremías 7:4

Usa ꞌain kamina axa këmëi mitsu paráni banai ësai kikë a unikama ami rarámatima ꞌain. Atun ka ësai kikin mitsu kati ꞌikën: ¡Ënu ka anuxun Dios rabiti xubu ꞌikën!

Ezequiel 34:2

“Mix uni ꞌixun kamina ꞌë ñuikin an, Israel unikama bërúankëkama kati ꞌain: Ësai ka Dios kiaxa: ¡An Israel unibu bërúankë unikama ax ka atuxi bërúankatia! Usa ꞌain ka an bërúankë unikaman aín ñuina bërúankë usaribi ꞌixun ꞌën uni bërúanti ꞌikën.

Oseas 4:8

ꞌËn unikaman aín ꞌucha mëníokakin ꞌinainshikë ñukama a marui kamina mitsux tsotin; usakin ꞌakin kamina ꞌën unikamaxa abi ꞌuchanun ꞌimin.

Amós 5:14

Usa ꞌain ka uisa ñux kara upí ꞌikë ashi ꞌanan uisa ñux kara ꞌatima ꞌikë a ënë upiti tsókanti ꞌikën; usai ꞌikëbë ka mitsúxmi kikë bana ax asérabi ꞌiti ꞌikën: usa ꞌain ka Dios, kamabi kushiñu ax mitsubë ꞌikën.

Amós 9:10

ꞌImainun ka kamabi uni ꞌuchañukama ax ꞌën unikamabë tsókëkama: ax ka manë xëtokën ꞌakëx bamati ꞌikën. ꞌImainun ka axa usa ñuka nunu: inútima kianan, ꞌaisama ñu kananuna nux ꞌinutima ꞌai kikë akamaxribi bamati ꞌikën.

Miqueas 3:5

Ësai ka Dios an aín unikama këmëkin bana ñuixunkë unikama ñui kiaxa, a unikamax ka upiti kananuna bukuti ꞌai kiax mitsun piti ꞌinánkëxun pi kia, ꞌaínbi ka uin kara piti ꞌinanima a unikama ꞌakánanti ka ꞌiti ꞌikë kixun kaia. Usa ꞌain ka an bana ñuikë unikama a Diosan ësakin kaia:

Malaquías 1:10

“¡Uisati kara mitsu achúshinën anuxun Dios rabiti xubu xëpútikama xëpútima ꞌikën, anuxunma ꞌë ñuina xaroxunti anu ñankabi tsi bimitëkënkania usa ꞌain! ꞌËn kana mitsu nuibakëmapan ꞌain, ꞌianan kana mitsun ꞌë ꞌinaishikë ñukama abi bitëkëntima ꞌain:

Malaquías 2:9

Usa ꞌaínbi kamina mitsun ꞌën kakësabiokin ꞌakëma ꞌain, ꞌimainun kamina ꞌën bana ꞌunámikin bëtsi uni ꞌakësaribi okin, kamabi atu sënë́nbi ꞌunánmi kikëma ꞌain, usa ꞌain kana ꞌënribi kamabi unikaman mitsu timakin ꞌatima onun ꞌamiti ꞌain. Kiax ka kamabi kushiñu Dios ax kiaxa.

Números 22:7

Ësokin kamia ka Moabnu ꞌikë aín kushibu ꞌimainun Madiánu ꞌikë aín kushibu anribi anun Israel kama ꞌatima okin sinánxunia kupíoti kuríki buani kuanxun uinu kara Balaam ꞌia anu bëbaxun Balacnën kakë banakama ñuixunkin kakëxa.

Mateo 3:9

—Nux Abrahamnën rëbúnqui ꞌaish cananuna Nucën Papa Diosan iscëx upí ꞌai —quixun sinánxunma ca ꞌacan. Asérabi cana mitsu cain, ꞌaisa tanquin ca Nucën Papa Diosan ënë maxáxbi bëtsi oquin Abrahamnën rëbúnqui ꞌimiti ꞌicën.

1 Timoteo 3:3

Paë́ncëma ꞌianan ca unibë mëëananti sinánñuma ꞌiti ꞌicën. Usa ꞌaish ca bënëtima cuëmëninishi unibë bananan curíquiñu ꞌiisa tani bënë́tima ꞌicën.

Tito 1:11

A unicaman ca curíqui biti cupíshi unicama parántisa tanquin bëtsi bana ñuixunquin, bëtsi bëtsi uni ꞌimainun aín xubunu ꞌicëcamaribi, atun sináncësa oquian sinánun quixun sinánmia. A unicama camina amiribishi uni parántëcëanxma ꞌinun cati ꞌain.

1 Pedro 5:2

Atun cushicama ꞌixun camina Nucën Papa Diosan unicama bana ñuixunquin, atúxa upí nuituñu ꞌaish chuámarua bucunun ꞌaquinti ꞌain. An carnero bërúancë unin aín carnero ꞌacësaribi oquin camina a unicama upía ꞌinun bërúanti ꞌain. Usoquinmi ꞌanúan mitsu unin caíscë cupíshima camina asérabi ꞌaisa tanquin ꞌati ꞌain. ꞌAnan camina curíqui biti sinánxuinshima minbi asérabi ꞌaquinsa tanquin ꞌati ꞌain.

Judas 1:11

A unicaman ñu ꞌatima ꞌacë cara Nucën Papa Diosan uisoti ꞌicën. Cainan ñu ꞌatima ꞌásaribi oquin ꞌanan ca Balaam an ꞌásaribiquin curíqui biti sinánxun ñu ꞌatima ꞌaia. Coré ax ca Nucën Papa Diosan cacëxuan Moisésnën ñuicë bana cuaisama tanquin, uni raíri Moisésmi nishquin tsuáquirumicë cupí, bamacëxa. Cain, Balaam, Coré, acamaxa ꞌiásaribiti ca a unicama cënúti ꞌicën.

1 Samuel 8:3

Usa ꞌaínbi ka aín bakë bëchikëkaman aín papa ꞌakësokin ñu ꞌaíma, ꞌitsaira ñuñu ꞌiti kuëënkin, unikama bëtsibë ꞌatima onankë a mëníoxunkinma a kupíonun kixun ꞌamikin upíokin ñu ꞌama ꞌikën.