Miqueas 2:3 - Kashibo-Kakataibo Biblia

³ Usa ꞌain ka ësai Nukën ꞌIbu kia: ꞌËnribi kana uisa karana mitsu oti ꞌai kixun sinanin. Usa ꞌixun kana mitsúxmi ꞌatima ñuira inuti uisai kaina ꞌikani usai ꞌimi, ñuina ꞌarakakë aín tëxanu tëkërëkakëx aín maxká pikukasmakësa usaribiti ꞌinun mitsu ꞌimiti ꞌain, usai ꞌi kamina mitsux rabiakati nitsi nux kananuna bëtsi unikamasama ꞌai kixun sinánkë a nëtë́ti ꞌain, anun ꞌatima ñuira inuti nëtë ꞌikëbë.

Miqueas 2:3 ပူးပေါင်းရင်းမြစ်များ

Jeremías 18:11

Usa ꞌain kamina Judá menu tsókë unikama ꞌimainun Jerusalén ëmanu tsókë unikama ësokin kati ꞌain, ꞌëx Dios ꞌaish kana ësai kin: ꞌËn kana uisokin karana mitsu ꞌatima oti ꞌai kixun sinánkin, mitsu ꞌatima oti sinanin. Usa ꞌain kamina mitsunmi ꞌatima ñu ꞌakë a ënkin; upí ñukamaishi ꞌai upiti bukukanti ꞌain.

Jeremías 36:23

Usa ꞌain ka anuxun Jehudínën iskin rabë́ ꞌimainun achúshi okin ꞌanan rabë́ rabë́ okin anua bana sënë́nkë anu sënë́onkëtibi ka ꞌapun manë xëtokën tëaxun tëaxun tsi rëkirukënu xarátanun ꞌaruakëxa. Usakin ꞌakin ka kirika tarankë kuënëokë a xarokin këñuakëxa.

Daniel 4:37

Usa ꞌain kana ꞌëx Nabucodonosor ꞌixun bërí Dios naínua ꞌapu ꞌikë a rabin, an ꞌakë ñukama ax ka asérabi ꞌianan upíira ꞌikën, an ka ax isa usaira ꞌikë kixun sinani rabiakakë unikama aín kuëënkësa okin ꞌati ꞌikën.

Amós 2:14

Usa ꞌain ka axa abáti ꞌunainra axi abátima ꞌikën; ꞌimainun ka uix kara kushi ꞌikë ax kushiñumasa ꞌiti ꞌikën, ꞌianan ka axa ꞌakánanti ꞌunáinra axi ië́tima ꞌikën.

Amós 3:1

Israel unikama mikaman kamina ësai ka Dios kia kuati ꞌain, an ka aín uni ꞌikë Egipto menua chikíankëxa:

Amós 3:2

“ꞌËn kana kamabi menu ꞌikë unikama ꞌakima mitsuishi kaisakën. Usa ꞌikë kana uisa ñu ꞌatimakama kaina ꞌakan usakinbi a kupín mitsu tëmëramiti ꞌain.”

Amós 5:13

Usa ꞌain ka uix kara sinánñuira ꞌikë ax banaima nëtë́kë ꞌiti ꞌikën, ënë nëtë ka ꞌaisama ꞌikë usa ꞌain.

Miqueas 2:1

¡Uisa kara Judánu ꞌikë unikama an ꞌuxkinma imë́bi ꞌatima ñu ꞌatishi sinánkë unikama a oti ꞌain, kixun sinánëkin ka pëkarakëbëtan, an sinánëkë ñu a ꞌaia, atun ka usokin ñu ꞌati ꞌunánkëira ꞌikën, usa ꞌixun ka usakin ñu ꞌakanania!

Romanos 16:4

Atun ca, —Pablo ꞌaquini sapi cananuna bamati ꞌai —quixun ꞌunánquinbi ꞌë bamati ꞌicëbi ꞌaquinquin ië́miaxa. Usaquin ꞌë ꞌacë cupí cana —asábi ca —quixun cain. ꞌËinshima ca judíosma unicama a ꞌën bana ñuixuncë, acamanribi, Priscilabëtan Aquilanën ꞌë ꞌaquincë cupí, —asábi ca —quixun cai cuëënia.

Efesios 5:16

Ax cuëëncësa oquinshia unin ñu ꞌatima ꞌacëbëtanbi camina mitsun ñancáishi nëtë inúmi ꞌiquinma Jesucristomi sináncë ꞌixun, ax cuëëncësabi oquinshi ꞌati ꞌain.

Santiago 2:13

Anúan an camabi unin ñu ꞌacë isti nëtë anun ca Nucën Papa Diosan, an bëtsi uni nuibaquin ꞌaquincëma unicama a aín ꞌucha cupí uisa cara oti ꞌicë usoquin ꞌati ꞌicën. Usonan ca an bëtsi uni nuibaquin ꞌaquincë unicama ashi uisabi otima ꞌicën.