Miqueas 2:12 - Kashibo-Kakataibo Biblia

¹² Usa ꞌain ka ësai Dios kia: ꞌËn unikama kana bëtsi unikaman buan ꞌikëbi amiribishi Jacobnën rëbúnkikama kamabi timë́nun ꞌimiti ꞌain; usokin ꞌakin kana Israel unikama ꞌitsamara ꞌikëbi atu timë́nun ꞌimiti ꞌain ꞌimikin kana ñuina ꞌarakakë aín kënënu ꞌikësa ꞌinun ꞌimianan carnerokaman pasto pia ꞌikësa ꞌinun ꞌimiti ꞌain, usokin ꞌimikëx ka Israel unikamax ꞌuakamë ꞌëoi ꞌitsaira ñuina ꞌarakakëx ꞌikësai sharákanti ꞌikën.

Miqueas 2:12 ပူးပေါင်းရင်းမြစ်များ

Génesis 36:33

Usa ꞌain ka Bela ñukëbë Jobab kakë uni Zérah aín bëchikëribi ꞌapu Bosrá kakë ëma anu ꞌiakëxa.

Jeremías 23:3

ꞌËnbi kana ꞌën unin raírikama anuaxa abánun ꞌën ꞌimia anubi utëkënun ꞌimiti ꞌain, ꞌimikëx ka aín ëmanubi ꞌutëkënti ꞌikën, usai ika ovejakama ꞌain pastonu kuantëkënkë usairibi ꞌiti ꞌikën, anuax ka bakë bëchipati ꞌuakamë ꞌëoti ꞌikën.

Ezequiel 34:11

ꞌËx Dios ꞌaish kana ësai kin: ꞌËnbi kana ꞌën ñuina ꞌakësaribi okin Israel unikama bërúanti ꞌain.

Ezequiel 34:13

Usakin ꞌakin kana bëtsi unin ëmakamanuabi atu, timë́nun ꞌimikin aín menubi kuanun ꞌimiti ꞌain. ꞌImikin kana anua aín aintsi ꞌibu ꞌikë bashi mekama, ꞌimainun xëxákama ꞌimainun anua uni ꞌikë me anubi atu buántëkënti ꞌain.

Ezequiel 34:22

ꞌAínbi kana ꞌën ovejakamasa ꞌikë ꞌën unikama bërúanti ꞌain. Bërúankin kana mëkamakinshima këñuia usa ꞌain bërúanti ꞌain. ꞌËn kana ꞌën unikama oveja raírikama ꞌakësokinma aín aintsikaman ꞌatima oia bërúanti ꞌain.

Ezequiel 34:31

Mitsux kamina ꞌën ꞌarakakë ñuinakamasa ꞌain, usa ꞌaish kamina ꞌën ꞌarakakë ñuinakama ꞌën menu ꞌikësa ꞌain. ꞌËx Dios ꞌaish kana ësai kin. ꞌËx kana atun ꞌIbu ꞌain.”

Ezequiel 36:37

ꞌËx Min ꞌIbu ꞌaish kana ësai kian: Usa ꞌixun kana ꞌëx kikësabiokin bëtsi ñukamaribi ꞌaxunti ꞌain. ꞌAxunkin kana Israel unikama añu ꞌaxúnun kara ꞌë ñukatia a ñukama ꞌaxunkin; aín unikamaxa ꞌaisamaira ꞌia ñuina ꞌarakakëx ꞌikësai, kaikamë ꞌëonun ꞌimiti ꞌain.

Ezequiel 37:21

Usakin ꞌatankëxun kamina atu kati ꞌain: Ësai ka Dios kiaxa: ꞌËnbi kana Israel unikama anua ꞌikë ëma kamanuabi bëtëkënti ꞌain; bëkin kana me kamanuabi timëbëtsinkin atun menubi bëtëkënti ꞌain.

Oseas 1:11

Usa ꞌain ka Judánu ꞌikë unikama ꞌimainun Israel unikama timë́kë ꞌiti ꞌikën, usa ꞌixun ka achúshi ꞌapuishi anëkanti ꞌikën, usokin ꞌan ka kamabi menu ꞌikë Israel unikama Jerusalénnu timë́kanti ꞌikën. Usakin ꞌimikëbë ka a nëtëkaman Jezreel kakë me sapan anuax ꞌitsaira kuëënti ꞌikën.

Amós 1:12

Usa ꞌain kana Temán kakë ëma tsin bimiti ꞌain, usakin ꞌakëxun a tsinbi Bosrá kakë ëmanu ꞌikë ꞌapun xubukama aribi mënukin xaroti ꞌikën.”

Miqueas 2:13

Usai ꞌikëbë rëkuë́nkiani kuania ka atun Dios nuibiankanti ꞌikën, nuibiani ka anun ëmanu atsínti xëputi anun chikikanti ꞌikën. Usai ꞌikankëbë ka Dios aín ꞌapu ax kamaxunbi atun ismainun kuanti ꞌikën.

Miqueas 4:8

ꞌImainun kamina Jerusalén mix anuxun ñuina bërúanti torre ꞌakë ꞌimainun, ami katamëti ꞌakë usaribi Siónan ꞌiti ꞌain, usa ꞌain kamina mix amiribishi bëráma ꞌikësai ëma chaiira ꞌitëkënti ꞌain, usai ꞌikamina bërámami ꞌiásabi chaiira ꞌiti ꞌain.

Miqueas 5:7

Usa ꞌain ka Israel unikamax bëtsi bëtsi ëmanu ꞌikë unikamasamaira ꞌaish, nibí ꞌimainun ꞌuí Diosan menu ꞌibúmikëxua, xubi komikë usaribikin ka unixa usai ꞌiti ꞌikë kixun sinánkë ꞌaímabi ꞌiti ꞌikën.

Miqueas 5:8

Usa ꞌain ka bëtsi ëmakama nëbë́tsia bërúkë, Jacobnën rëbúnkikama ax achúshi paru ꞌinúansa ꞌaish raëkë ñuinakama nëbëtsi ꞌianan, paru ꞌinúan achúshi anua ovejakama ꞌarakakë anu ꞌikësa ꞌiti ꞌikën, usa ꞌain ka inúkinshi bixun aín ꞌuntsisan tukapakë usaribi ꞌiti ꞌikën, usakin ꞌakin ka achúshinëxi abati ꞌiakëtanun ëntima ꞌikën.

Miqueas 7:18

Misaribi bëtsi Dios ka ꞌaíma ꞌikën, min kamina nux kuëënkësa oí ꞌikë a mëníokin, nuxnu ꞌuchakëkama a manuin, nukamax kananuna min unikama ꞌitsamashi tikikë a ꞌain. Min kamina nukama nuibatin usa ꞌain kamina mix xënibua ꞌaish nishkëma a ꞌain.