Miqueas 1:4 - Kashibo-Kakataibo Biblia

⁴ Aín taë shimuküax ka aín bashikamax unin xara tsinu ꞌarukëx charákësa usaribiti ꞌinun ꞌiti ꞌikën, ꞌimainun ka me sapankamaxribi bakan kushiira ꞌëkin panarabëtanun tukakësa usaribiti ꞌiti ꞌikën.

Miqueas 1:4 ပူးပေါင်းရင်းမြစ်များ

Salmos 46:6

Uinsaran kara Diosan bëtsi bëtsi menu ꞌikë uni aín bana kuanun ꞌimia anun ka ratuti bëtsi ëmanu ꞌikë ꞌapukama me shaíkikë anunbi rakuë́ti ꞌikën.

Amós 9:5

Diosan ka ax kushiira ꞌixun, me axa tukibuti pankabunun ꞌimia usai ꞌikëbë ka kamabi unikama anu ꞌikë ax inia. Usai ꞌikëbë ka mex kuaruanan kuabutia, Nilo kakë baka ax ꞌë tankëx kuabúkë usaribiti ꞌia.

Habacuc 3:10

Usa ꞌain ka nikamaribi mi isi ꞌikësai shaíkiti ꞌikën. Usai ꞌimainun ka naínuax ꞌuí ꞌitsaira nëtë́timaira ꞌibúti ꞌikën, ꞌimainun ka parúmpapa aín nëmin axribi xukirui aín bëchun chairui banati ꞌikën.

Habacuc 3:6

Usa ꞌain ka axa nirakëkëbë me shaíkiti ꞌikën, ꞌimainun ka kamabi menu ꞌikë uni an iskëx ꞌitsaira rakuë́ti ꞌikën, an ka nikama ꞌimainun bashi xënikama rurukubunun ꞌimianan, bërámaira an painra ënënsarama unia nikama këñuti ꞌikën, usaía ñukama ꞌimainun ka Dios ax uínsaranbi uisaibi ꞌikëma ax ꞌiásabi ꞌiti ꞌikën.

Apocalipsis 20:11

Usaquin istancëxun cana anua ꞌapu tsóti uxua chaira isan, anu tsócë aribi cana isan. Iscëxbi ca ax anu ꞌain, me ꞌimainun naícama ꞌimainun anu ꞌicë ñucama nëtë́axa, nëtëti ca anua ax ꞌiti ꞌaíma ꞌiaxa.

Jueces 5:4

Seír kakë me anuax chikíkiani mix kuankëbë ka me shaíkimainun naíkamë ꞌëo shaíkiakëxa, ꞌimainun ka naí kuin masákuatsinkë anuax ꞌuñe ꞌibúakëxa.