Miqueas 1:3 - Kashibo-Kakataibo Biblia

³ Nukën ꞌIbu ax ka anua ꞌikë anuaxbi ai aín bashi rëbukaman nikuatsini uti ꞌikën.

Miqueas 1:3 ပူးပေါင်းရင်းမြစ်များ

Job 40:12

Usakin ꞌakin kamina mix kushi ꞌixun axa rabiakakë unikama a min kushínbi, uinu kara ꞌia anuabi barixun ꞌanan sinan ꞌatimañu unikamaribi ꞌatima okin masóti ꞌain.

Salmos 115:3

Nun ꞌIbu Dios ax ka naínu ꞌikën; usa ꞌixun ka añu kara ꞌaisa tania akamabi ꞌakëxa.

Ezequiel 3:12

Usa ꞌain ka Diosan Bëru Ñunshinan ꞌë biruaxa, birukëxun kana ꞌë kaxakúaxa kushiira rërëkikësai banaia kuan, usai ka anua ꞌikë anuaxa Diosan kushi nirukëbë ꞌiaxa.

Amós 4:13

Nukën ꞌIbu Dios an bashikama unionan suñu bëkinun ꞌimikë, ꞌimainun uisa ñukama kara ꞌakatsia akama uni ꞌunánmikë, ꞌianan an bë́anbëankikë anubi nëtë xabá ꞌimianan, kamabi menu ꞌikë bashi manankama a manami anubi ꞌikë ax ka kamabi kushiñuira Dios a ꞌikën, ax ka ain anë ꞌikën.

Amós 9:5

Diosan ka ax kushiira ꞌixun, me axa tukibuti pankabunun ꞌimia usai ꞌikëbë ka kamabi unikama anu ꞌikë ax inia. Usai ꞌikëbë ka mex kuaruanan kuabutia, Nilo kakë baka ax ꞌë tankëx kuabúkë usaribiti ꞌia.

Habacuc 3:19

Diosan ka ꞌë kushioia, usakin ꞌakin ka ꞌën kisikama kushi ꞌimikin, chaxu abákësa ꞌinun abati, uinubi kara kuani aín bashinu kuani ië́nun ꞌë ꞌimiti ꞌikën.

Deuteronomio 32:13

Anbi ka bëtsi bëtsi bashi ꞌamibiankin me upíira anúnribi nu buánkëxa, buánkin ka menuaxia kookë ñu aín bimi pimianan, maparanu ꞌikë buna rëpa nu xëamiakëxa xëamianan ka ꞌaisamaira maxá anu kóa olivos aín biminu ꞌikë aín xëni nu ꞌinánkëxa;

Deuteronomio 33:29

Israel unikama mitsux kamina Nukën ꞌIbun ka nu ꞌakinia kixun sinani kuëënti ꞌain, ¿uinu ꞌikë ëmakamax kara mitsun ëmabë sënë́nti ꞌik? Nukën ꞌIbu Diosanbi ka mi ië́miaxa usa ꞌixun ka bërúanan mi ꞌakinia; ¡an ka ax numi nishkë unikamabë ꞌakanania nu ꞌakinti ꞌikën! Usakin ꞌakinkëxun ñusmokin mitsun ꞌakëx ka atun rabiakakë a mitsumi rakuë́ti nëtë́ti ꞌikën.