Miqueas 1:10 - Kashibo-Kakataibo Biblia

¹⁰ Usa ꞌain kamina mitsun ënë banakama Gat kakë ëmanua tsókë filisteo axa numi nishkë unikama atu uisa banabi ñuixuntima ꞌain; ꞌianan kamina atun ismainun masá nuitutibi ꞌitsaira intima ꞌain. Usai ꞌima kamina Bet-le-afrá kakë ëmanu ꞌikë me kupúkë anun chuarui shikíkanti ꞌain.

Miqueas 1:10 ပူးပေါင်းရင်းမြစ်များ

2 Samuel 1:20

Usa ꞌain ka Gatnu tsókë unikama kuatima ꞌikën, ꞌimainun ka Ascalón ëmanu bëbakin a bana ñuitima ꞌiaxa, filistea xanukamax ka a banakama kuati kuëëanan, manámiki chirini kuëënti ꞌikën, atux ka bëtsi ñu rabikë xanubu ꞌikë usa ꞌaish.

Job 2:8

Usakian chanku ꞌinsinan bikëx ka Job anua nibu pukëx tsamakë anu kuanx kuanx tsóakëxa, anuax ka chumu tukikë aín paná achúshi bitankëx aín naminu ꞌikë an paëira okëxun tani anun raxuamëakëxa.

Jeremías 6:26

¡ꞌËn unikaman ꞌini bëchikë xanukama mitsun kamina anun paë masá nuitukin, pañukë anun chupa xëni pañutankëx, chimapunuax kuainakë bëkini anun chuati ꞌain. Usai ꞌi kamina masánuituti nishi inkanti ꞌain, usai ꞌi kamina ꞌain bakë bëchikë achúshira ꞌaíshbi ñukëbëa uni ꞌikë usaribiti ꞌikanti ꞌain; an nu ꞌatima okin masóti unikama ka basirakëma ꞌaínshi ukanti ꞌikën!

Amós 5:13

Usa ꞌain ka uix kara sinánñuira ꞌikë ax banaima nëtë́kë ꞌiti ꞌikën, ënë nëtë ka ꞌaisama ꞌikë usa ꞌain.

Amós 6:10

Usa ꞌain ka unin aín aintsi xubu ꞌukëmëu bamakë biruti ax rakuë́ chaiira ꞌiti ꞌikën, usa ꞌain ka aín aintsi an bëtsi ñukáti ꞌikën: ñukákëxun ka bëtsin ꞌukëmëu kamina kuanti ꞌai kixun kati ꞌikën. “¿Anu kara bëtsi uniribi mibë ꞌaíma ꞌik?” Aíma ka kixun ka bëtsi kati ꞌikën. Kakëxun ka ax pain atsínkë an bëtsi kati ꞌikën: “¡Ka nëtët, Diosan anë ñuimina ꞌatimati banai kixun!”