Mateo 9:8 - Kashibo-Kakataibo Biblia

⁸ Usai niruquiani cuania isi ca anu ꞌicë unicama racuë́acëxa. Racuë́quin ca —Nucën Papa Diosan aín cushi ꞌináncëxun ca ënë unin ñucë uni pëxcüanan aín ꞌuchacama tërë́anxa —quixun sinánquin Nucën Papa Dios rabiacëxa.

Nukën 'Ibu Diosan ain unikama 'inan ain bana

⁸ Usai niruquiani cuania isi ca anu 'icë unicama racuë́acëxa. Racuë́quin ca —Nucën Papa Diosan aín cushi 'ináncëxun ca ënë unin ñucë uni pëxcüanan aín 'uchacama tërë́anxa —quixun sinánquin Nucën Papa Dios rabiacëxa.

Mateo 9:8 ပူးပေါင်းရင်းမြစ်များ

Mateo 12:23

Jesusan usoia isi ca anu ꞌicë unicamax ratuti sináncasmai canancëxa: —¿Ënë unix cara asérabi Davitan rëbúnqui, axa uti nun caíncë, a ꞌic?

Mateo 15:31

Pëxcucëx ca banañuma unicamax banacëxa. Banamainun ca axa aín quisi aín pëñánmi ñucë unicamaxribi pëxcúacëxa. Pëxcúmainun ca axa aín niti bëtsicë unicamax upiti niacëxa. Aín bërumi ñucë unicamanribi ca bëoquiquin isacëxa. Usaia ꞌia isquin ca anu ꞌicë unicaman uisa uni cara ënëx ꞌicë quixun sinani cuëënquin chuáma tanquin Nucën Papa Dios, a Israel unicaman rabicë, a rabiacëxa.

Mateo 28:18

Usoquian rabicëxun ca Jesusan a rapasu cuanquin atu cacëxa: —ꞌËn Papa Diosan ca naínuxun ꞌanan menuxunribi añu ñu carana ꞌaisa tani a ꞌëx cuëëncësa oquin ꞌanun aín cushi ꞌë ꞌinánxa.

Mateo 5:16

Usaribi oquin camina mitsun mibë ꞌicë unicama upiti bucuti ꞌunánun ꞌaquincë ꞌaish lamparínsaribi ꞌiti ꞌain. Mitsun ñu upí ꞌaia isquin ca cuëënquin a unicaman min Papa Dios naínu ꞌicë a rabiti ꞌicën.

Mateo 9:7

Cacëxëshi ca niruquiani aín xubunu cuancëxa.

Marcos 2:12

Cacëxëshi niruquin aín bacë́ti bibiani ca a uni, anu ꞌicë unicaman ismainunbi cuancëxa. Usaría cuania isi ratuti ca Nucën Papa Dios rabi quicancëxa: —Ësa ñu cananuna isáma ꞌain.

Marcos 7:37

Ñuiquian chanioia cuati ca unicamax ratuti quiacëxa: —Camabi ñu ca an upí oquin ꞌaia, pabë unínbi ca an pëxcucëxun cuatia, banañuma uníxbi ca an pëxcucëx banaia.

Lucas 13:13

Caquian ramëcëxëshi ca chairui asábi ꞌiacëxa. Usai ꞌiquin ca Nucën Papa Dios rabiacëxa.

Lucas 17:15

Usaquian pëxcucë isi cuëënquin ca acama achúshinën Jesúsnu cuantëcënquin Nucën Papa Dios munuma banaquin rabiacëxa.

Lucas 17:18

¿Judíos unima, Samaritano, ënë́xëshi cara Nucën Papa Dios rabiquin —ca asábi ꞌicë —quixun ꞌë cai uax?

Lucas 18:43

Usaquian cacëxëshi ca bëpë́xcüacëxa. Bëpë́xcucëxun isi cuëënquiani ca Nucën Papa Dios rabibiani Jesúsbë cuancëxa. Jesusan a uni bëpë́xcutia isquin ca anu ꞌicë unicamanribi Nucën Papa Dios rabiacëxa.

Lucas 2:20

Usa ꞌain ca an ñuina bërúancë unicama an a iscë ñucama ꞌimainun an a cuacë ñucama sinánquin Nucën Papa Dios rabi, pastonu amiribishi riquiancëxa. Riquianquin ca —ángelnëan nu cacësabi oi ca ꞌiaxa —quixun sinánan ax ca upíira ꞌicë quixun sinánquin Nucën Papa Dios rabiacëxa.

Lucas 23:47

Usaía ꞌicëcama isquin ca Romanu ꞌicë capitán Nucën Papa Dios rabi quiacëxa: —Asérabi ca ënë unix ꞌuchañuma ꞌiaxa.

Lucas 7:16

Usaía ꞌia isi ratuti racuëtibi cuëëni ca unicamax Nucën Papa Dios rabi quiacëxa: —An Nucën Papa Dios quicë bana unicama ñuixunti uni aira ca ënëx ꞌicë —quianan ca —Nucën Papa Diosaxbi ca aín unicama ꞌaquini uaxa —quiacëxa.

Juan 15:8

Mitsun ꞌën sinánsaribi ꞌixun upí ñu ꞌaia isquin ca unin ꞌunánti ꞌicën, mitsux camina asérabi ꞌën uni ꞌai quixun. Usa ꞌixun ca mitsu cupí unin Nucën Papa Dios rabiti ꞌicën.

Hechos 11:18

Ësaquin Pedronën ñuia cuati ca a ñu catëcënima Nucën Papa Dios rabi quiacëxa: —Bërí cananuna ꞌunanin, judíos unishima, judíosma unicamaribi ca Nucën Papa Diosan ꞌatimaquin sináncë ꞌaíshbi Jesucristomi catamëtia xënibua ꞌaínbi ainan ꞌinun sinanamia —quixun.

Hechos 21:20

Usaquian Pablonën ñuixuncëxun ca —asábi ca —quixun caquin Nucën Papa Dios rabiacëxa. Rabitancëxun ca Pablo ësaquin cacëxa: —Asábi ca. Usa ꞌaínbi camina ꞌunanin, ꞌaisamaira judíos unicamax ca Jesúsmi sinánxa. Sinánxunbi ca ësaquinribi sinania, Moisésnëan usai judíos unicama ꞌiti cuënëo bana quicésabi oi cananuna ꞌiti ꞌai quixun.

Hechos 4:21

Usaquin cacëxun ca ꞌapucaman castícainsa tanquinbi, atun uni pëxcucë cupía unicaman Nucën Papa Dios rabicëbëtan ꞌama ꞌicën. Usa ꞌixun ca —ñuixuntëcënia caranuna mitsu uisoti ꞌai —quixuinshi catancëxun cuantánun ëancëxa.

2 Corintios 9:13

Usoquin mitsun ꞌaquincëxun ca a unicaman —mitsun camina Cristonan ꞌixun aín cuëëncësabi oquin ꞌai —quixun sinánquin Nucën Papa Dios rabiti ꞌicën. Rabianan ca mitsun camina atu ꞌimainun uni raíriribi ñonquinma ñu ꞌinani quixun sinánquin Nucën Papa Dios —asábi ca —cati ꞌicën.

Gálatas 1:24

Usaquian ꞌë ñuia cuaquin ca Nucën Papa Dios rabiacëxa.

1 Pedro 2:12

An Nucën Papa Diosan bana ꞌunáncëma unicaman isnun camina mitsux upitax bucuti ꞌain. Usaími ꞌia isi ca atux an ñu ꞌatima ꞌacë uni ꞌacësa oquin mitsu ñui ꞌatimati banacë ꞌaíshbi mitsúnmi upí oquin ñu ꞌaia isá ꞌixun anúan an camabi unin ñu ꞌacë isti nëtën Nucën Papa Dios rabiti ꞌicën.