Mateo 9:6 - Kashibo-Kakataibo Biblia

⁶ Nucën Papa Diosan cushínbi ꞌën ënë uni pëxcuia isquin camina asérabi ꞌunánti ꞌain, uni ꞌinux Nucën Papa Diosnuax uá ꞌën cana unin ꞌucharibi tërë́nti ꞌai quixun. Caquin ca Jesusan racábucë uni cacëxa: —Niruquiani ca min bacë́ti bibiani min xubunu cuantan.

Nukën 'Ibu Diosan ain unikama 'inan ain bana

⁶ Nucën Papa Diosan cushínbi 'ën ënë uni pëxcuia isquin camina asérabi 'unánti 'ain, uni 'inux Nucën Papa Diosnuax uá 'ën cana unin 'ucharibi tërë́nti 'ai quixun. Caquin ca Jesusan racábucë uni cacëxa: —Niruquiani ca min bacë́ti bibiani min xubunu cuantan.

Mateo 9:6 ပူးပေါင်းရင်းမြစ်များ

Isaías 43:25

ꞌAínbi kana ꞌëx mitsun Dios ꞌixun, uni ꞌaimi ꞌuchakëkama a tërënxunkin uinsaranbi sinántëkëntima ꞌain.

Miqueas 7:18

Misaribi bëtsi Dios ka ꞌaíma ꞌikën, min kamina nux kuëënkësa oí ꞌikë a mëníokin, nuxnu ꞌuchakëkama a manuin, nukamax kananuna min unikama ꞌitsamashi tikikë a ꞌain. Min kamina nukama nuibatin usa ꞌain kamina mix xënibua ꞌaish nishkëma a ꞌain.

Mateo 4:24

Usoquian ꞌaia Jesús chanioia cuaquin ca Siria nëtënu ꞌicë unicaman axa ñucëcama Jesusan pëxcunun quixun anu buáncancëxa. Bëtsi bëtsi ñucëcama ꞌimainun ñunshin ꞌatimanën ꞌibuacë unicama ꞌimainun uni ñucë nirucuainquinbi tancëma, ꞌimainun aín nami nimëti saquiquicë acama anu buáncëxun ca Jesusan pëxcüacëxa.

Mateo 8:20

Cacëxun ca Jesusan cacëxa: —Ñu pëchiñunëxbi ca anua batsi oti nañu ꞌicën. Capa ꞌinúxbi ca aín anu ꞌuxti quiniñu ꞌicën. Usa ꞌaínbi cana uni ꞌinux Nucën Papa Diosnuax uá, ꞌëx anu ꞌuxtiñumabi ꞌain. Usa ꞌain sapi camina ꞌëbë cuantima ꞌain.

Mateo 9:2

Bëbacëbëa ꞌitsa uni timë́cëbëtan ca raírinën uni achúshi ñucë nirucuaínquinbi tancëma bacë́tinu racánxun bëacëxa. Bëquin ca —Jesusan ca ënë uni pëxcuti ꞌicë —quixun aín nuitu mëu sináncëxa. Sinania atun sinan ꞌunánquin ca Jesusan ñucë uni cacëxa: —Chuámashi ca ꞌit. Min ꞌuchacama ca tërë́ncë ꞌicën.

Mateo 9:5

ꞌËn cana uni “Min ꞌuchacama ca tërë́ncë ꞌicë” quixun cananbi “Niruquiani ca cuantan” quixunribi cati ꞌain.

Mateo 9:7

Cacëxëshi ca niruquiani aín xubunu cuancëxa.

Marcos 2:10

Nucën Papa Diosan cushínshi ꞌën ënë uni pëxcuia isquin camina asérabi ꞌunánti ꞌain, uni ꞌinux Nucën Papa Diosnuax uá, ꞌën cana unin ꞌucharibi tërë́nti ꞌai quixun. Caquin ca racábucë uni cacëxa:

Marcos 2:7

—¿Uisa ꞌaish cara ënë unix usai banain? Ënëx ca anúan Nucën Papa Diosaxëshi quiti banan banaia, ax ca ꞌaisama ꞌicën. Uinu ꞌicë unínbi ca ꞌucha tërë́ntima ꞌicën. Nucën Papa Diosan cuni ca ꞌucha tërë́nti ꞌicën.

Lucas 5:21

Usaquian caia cuaquin ca an Moisésnën cuënëo bana ꞌunáncë unicama ꞌimainun fariseo unicaman sináncëxa: ¿Uisa uni cara ënëx ꞌic? Ax ca anúan Nucën Papa Diosaxëshi quiti banan banaia. Ax ca ꞌaisama ꞌicën. Uinu ꞌicë unínbi ca ꞌucha tërë́ntima ꞌicën. Nucën Papa Diosan cuni ca ꞌucha tërë́nti ꞌicën.

Juan 10:28

Acama cana nëtë́timoi Nucën Papa Diosnan ꞌinun ꞌimiti ꞌain. ꞌImia ca uínbi atu ꞌë bicuantima ꞌicën.

Juan 17:2

Min camina ui unicama caramina min Bëchicë ꞌëmi sinánmi, acamaxa xënibua ꞌaínbi minan ꞌaish mibë ꞌinun ꞌiminun ꞌë can.

Juan 5:27

Uni ꞌinux anuax uá cupí ca uicamax cara aín ꞌucha tërë́ncë ꞌicë isanan uicamax cara ꞌuchañu ꞌicë isnun, Nucën Papa Diosan ꞌë ꞌimiacëxa.

Juan 5:8

Quia ca Jesusan cacëxa: —Niruquin anumi racácë min bacë́ti bibiani ca cuantan.

Hechos 5:31

Usotancëxun ca abëa aín mëqueu ꞌApu ꞌinun ꞌimiaxa. ꞌImianan ca axa atun ꞌApu ꞌaían a cupíshi sinanati Israel unicama atun ꞌucha tërë́ncë ꞌaish ië́cë ꞌinun ꞌimiaxa.

Hechos 9:34

Mëraquin ca Pedronën cacëxa: —Eneas, Jesucristonën ca mi pëxcuia. Ca nirut, niruxun ca min anu ꞌuxti mëníot. Cacëxëshi ca niruacëxa.

2 Corintios 2:10

Usoquin ꞌaquinmi mitsun aín ꞌucha manuquin, aribi manumicëbëtan, cana ꞌënribi aín ꞌucha manuin. Axa ꞌëmi ꞌuchacëbi cana mitsúnmi aín ꞌucha manucë cupí, ꞌënribi aín ꞌucha manuan, Cristo cuëëncësabi oquin.

2 Corintios 5:20

Nux Cristonën ꞌimicë ꞌixun cananuna an sinánmicësabi oquin mitsu ësaquin cain, Nucën Papa Dios anbia mitsu cacësa ꞌinun: Nucën Papa Diosbë upí ꞌinux camina min ꞌuchacama tërë́ncë ꞌinun Jesucristomi catamëti ꞌain.

Efesios 4:32

Usai ꞌima camina abë nuibanani uni itsibë ꞌaquiananti ꞌain. Mitsumi nishquian unin ꞌatimocëxbi camina abë tanánantima ꞌain. Usai ꞌima camina uisa cara mi ocëxbi a manui abë upí ꞌiti ꞌain. Mitsun ñu ꞌaisama ꞌacëcama manuia, Nucën Papa Dios Cristo cupí mitsubë upí ꞌain, camina usaribiti uni itsibë ꞌiti ꞌain.

Colosenses 3:13

Mimi nishquian unin ꞌatimocëxunbi aribi ꞌatimoíma camina usaquian mi ꞌacë ñucama a manui abë upíshi ꞌiti ꞌain. Nucën ꞌIbu Cristonëan tërë́nxunquin mitsun ꞌuchacama manucësaribi oi camina axa mimi ꞌuchacë uni aín ꞌucha manumi abë upí ꞌiti ꞌain.