Mateo 9:36 - Kashibo-Kakataibo Biblia

³⁶ Uinu cara Jesús ꞌicë anubi ca ꞌaisamaira uni ꞌiacëxa. Usai ꞌia an atu Nucën Papa Dios ñuiquin ꞌunánmianan ami sinánun ꞌaquinti ꞌaíma ꞌain ca axa piánancë ñuinacan ubíocëxa ꞌaracacë ñuina, an a bërúanti aín ꞌibu ꞌaíma ꞌain, bënëti sináncasmai ꞌicësaribiti ꞌiacëxa. Usaia ꞌia atu isquin ca Jesusan a unicama nuibacëxa.

Nukën 'Ibu Diosan ain unikama 'inan ain bana

³⁶ Uinu cara Jesús 'icë anubi ca 'aisamaira uni 'iacëxa. Usai 'ia an atu Nucën Papa Dios ñuiquin 'unánmianan ami sinánun 'aquinti 'aíma 'ain ca axa piánancë ñuinacan ubíocëxa 'aracacë ñuina, an a bërúanti aín 'ibu 'aíma 'ain, bënëti sináncasmai 'icësaribiti 'iacëxa. Usaia 'ia atu isquin ca Jesusan a unicama nuibacëxa.

Mateo 9:36 ပူးပေါင်းရင်းမြစ်များ

Marcos 6:34

Manë nuntinuax ꞌibúquian Jesusan iscëx ca anua timë́cë unicamax an atu Nucën Papa Diosmi sinánun ꞌaquinti ꞌaíma ꞌain, ꞌaracacë ñuinanëxa an bërúanti aín ꞌibu ꞌaíma ꞌain sináncasmai bënë́cësaribi ꞌiacëxa. Usai ꞌia isquin ca Jesusan unicama nuibacëxa. Nuibaquin ca ca ꞌitsa ñu ñuiquin atu bana ñuixuancëxa.

Mateo 14:14

Usaía ꞌitsa unia riquiancëbë manë nuntinuax ꞌibúquianquin ca unicama timë́cë isquin Jesusan atu nuibacëxa. Nuibaquin ca ꞌinsíncë unicama pëxcüacëxa.

Mateo 15:32

ꞌItsa uníxa timëcamë ꞌëocë ꞌain ca aín ꞌunánmicë unicama cuënxun Jesusan atu cacëxa: —Ënë unicamax ca ënu rabë́ ꞌimainun achúshi nëtë ꞌëbë ꞌicën. Usa ꞌaish ca a atun piti ñuñuma ꞌicën. Usa ꞌain cana ꞌën atu ꞌitsaira nuibaquin ꞌaquinsa tanin. Cuaníbima atux bainuax bëënania, usa ꞌain cana ñu naracamixunma xuisama tanin.

Mateo 15:24

Usaquian cacëxun ca Jesusan xanu cacëxa: —Judíosma unibuma, judíos unicamaishi ami sinanaminun ca ꞌën Papa Diosan ꞌë caxa. Axa ꞌura cuancëa ꞌaracacë ñuina aín ꞌibun bëtëcëncësaribi oquin judíos unibu ami sinánun quixun canun ca Nucën Papa Diosan ꞌë caxa.

Hebreos 5:2

Usa ꞌixun ca axribi uni ꞌicëa ñunshin ꞌatimanën ꞌapun ñu ꞌatima ꞌanun quixun tancëxun ꞌunan ꞌixun uni itsi usaribiti ꞌia ꞌaquinti ꞌunania. An ca, —usa ñu ꞌati ca ꞌaisama ꞌicë —quixun ꞌunánquinma an ñu ꞌacë unicama ꞌimainun, —usa ñu ꞌati ca ꞌaisama ꞌicë —quixun ꞌunánquinbi ꞌacë unicama aribi, ami nishquinma atux upí ꞌinun ꞌaquinti ꞌicën.

Hebreos 4:15

Jesús an nu Nucën Papa Dios ñucáxuncë, ax ca uni ꞌaish nux ꞌicësaribiti tëmëraíbi ꞌuchama ꞌicën. Usa ꞌixun ca nuribi tëmëranan ñunshin ꞌatimanën ꞌatima ñu ꞌamitisa taniabi nuibaquin nu ꞌaquinti ꞌicën.

Mateo 10:6

Israel unicama axa ꞌëmi sinánti ꞌaíshbi ꞌëmi sináncëma acama ꞌëmi sinánun ꞌaquini camina cuanti ꞌain. Atux ca ꞌëmi catamëcëma ꞌaish ꞌibuñuma carnerosa ꞌicën.

1 Reyes 22:17

Kakëxun ka Micaíasnën kakëxa: “ꞌËn kana Israel suntárukama aín bashinua an bërúanti uni ꞌaíma ꞌain, ovejakama abískësari ꞌia isan. Usa ꞌain ka Nukën ꞌIbun ꞌë kaxa: Ënë unikamax ka ꞌibuñumasa ꞌikën; usa ꞌain kana ꞌëx atun xubunubia achúshi achúshinëx chuámashirua riakianti kuëënin.”

Marcos 8:2

—Ënë unicamax ca ënu, rabë́ ꞌimainun achúshi nëtë ꞌëbë ꞌicën. Usa ꞌaish ca a atun piti ñuñuma ꞌicën. Usa ꞌain cana ꞌën atu ꞌitsaira nuibaquin ꞌaquinsa tanin.