Mateo 9:26 - Kashibo-Kakataibo Biblia

²⁶ Usa ꞌain ca Jesusan usaquin ñu ꞌaia anu ꞌicë unicaman chanioia a menu ꞌicë unicaman cuacëxa.

Nukën 'Ibu Diosan ain unikama 'inan ain bana

²⁶ Usa 'ain ca Jesusan usaquin ñu 'aia anu 'icë unicaman chanioia a menu 'icë unicaman cuacëxa.

Mateo 9:26 ပူးပေါင်းရင်းမြစ်များ

Mateo 4:24

Usoquian ꞌaia Jesús chanioia cuaquin ca Siria nëtënu ꞌicë unicaman axa ñucëcama Jesusan pëxcunun quixun anu buáncancëxa. Bëtsi bëtsi ñucëcama ꞌimainun ñunshin ꞌatimanën ꞌibuacë unicama ꞌimainun uni ñucë nirucuainquinbi tancëma, ꞌimainun aín nami nimëti saquiquicë acama anu buáncëxun ca Jesusan pëxcüacëxa.

Mateo 9:31

Usaquian Jesusan cacëxunbi ca a uni rabëtan cuanquin a nëtënu ꞌicë unicama chaniocëxa.

Marcos 1:28

Usoquian Jesusan ꞌacë ñucama ñuiquin ca Capernaúmnu ꞌicë unicamainshima a ꞌurama ꞌicë Galilea menua ꞌicë ëmacamanuxunribi camaxunbi chaniocëxa.

Marcos 1:45

Jesusan —ꞌën mi pëxcucë ënë ñuiquin uni caxunma ca ꞌatan —cacëx cuanquinbia aín nami pëxcúcë ñuiquin chaniocëbë ca Jesús, anu uni riquianti rabanan, uinu ꞌicë ëmanubi cuánma ꞌicën. Cuaníma anu uni ꞌicëma menu cuni ꞌicëbëbi ca camabi menuax cuanx uinu cara cuania anubi timë́cancëxa.

Marcos 6:14

Usa ꞌain ca uni itsían ꞌacëma ñua Jesusan ꞌaia unicaman chaniocëxa. Chanioia cuati ca Galileanu ꞌicë ꞌapu, Herodes, quiacëxa: —Ax ca Juan, an uni nashimicë, a ꞌicën. Bamaxbi ca baísquiaxa. Usa ꞌixun ca uni itsían ꞌacëma ñu ꞌaia.

Lucas 4:14

Usaquian ꞌacëx ca Jesús, bëtsi ñu sinanima Nucën Papa Diosan Bëru Ñunshin Upitan cushioquin sinánmicëxëshi, Galilea menu cuantëcëancëxa. Cuanxa bëbaia ca Galilea ꞌimainun a ꞌurama ꞌicë mecamanu ꞌicë unicamanribi a ñuiquin chaniocëxa.

Lucas 4:37

Usoquian Jesusan ꞌacë ñucama ñuiquin ca Capernaúmnu ꞌicë unicamainshima a ꞌurama ꞌicë menua ꞌicë ëmacamanuxunribi camaxunbi chaniocëxa.

Lucas 5:15

Usoquian Jesusan —ꞌën mi pëxcucë ënë ñuiquin uni caxunma ca ꞌatan —quixun canbi ca camaxunbi Jesusan ꞌacë ñucama ꞌimainun a ꞌinsíncë uni pëxcucë aribi ñuiquin chaniocëxa. Usaquian chaniocëbë ca ꞌaisamaira uni Jesusan bana ñuixunia cuaisa tani anu Jesús ꞌicënu riquiancëxa. ꞌInsíncë unicamaxribi ca a pëxcunun quiax anu riquiancëxa.

Lucas 7:17

Usaquian Jesusan ꞌacëa chanioia ca Judea menu ꞌicë unicama ꞌimainun axa Judea ꞌurama ꞌicë menu ꞌicë unicamanribi cuacëxa.

Hechos 26:26

ꞌApu Agripa ënën ca ꞌëx a ñui quicë ñucama ënë upí oquin ꞌunánxa. Unían isnunma ñu ꞌacëma ꞌixun cana ꞌën, an ca asérabi ꞌën ñuicë ñucama ꞌunánxa quixun ꞌunanin. Usa ꞌain cana racuë́quinma ënë ñucama a ñuixunin.