Mateo 9:18 - Kashibo-Kakataibo Biblia

¹⁸ Juanën ꞌunánmicë unibubëa Jesús banacëbëbi ca anua judíos unicama timë́cë xubunu ꞌicë ꞌapu, Jairo cacë, ax uacëxa. Uquin ca aín bëmánon rantin purúnquin Jesús cacëxa: —ꞌËn ini bëchicë ca bërí bamaxa. Bamacëbi camina mix ꞌëbë cuanxun a ramëti ꞌain. Min ramëcëxëshi ca asábi ꞌinux baísquiti ꞌicën.

Nukën 'Ibu Diosan ain unikama 'inan ain bana

¹⁸ Juanën 'unánmicë unibubëa Jesús banacëbëbi ca anua judíos unicama timë́cë xubunu 'icë 'apu, Jairo cacë, ax uacëxa. Uquin ca aín bëmánon rantin purúnquin Jesús cacëxa: —'Ën ini bëchicë ca bërí bamaxa. Bamacëbi camina mix 'ëbë cuanxun a ramëti 'ain. Min ramëcëxëshi ca asábi 'inux baísquiti 'icën.

Mateo 9:18 ပူးပေါင်းရင်းမြစ်များ

2 Reyes 5:11

Ësokin kakëxbi ka Naamán ꞌaisamairai nishi ësai kikiani kuankëxa: —ꞌËn kana an bana ñuikë unia uisa kaina ꞌai kai chikíkin ꞌë bisa sinan, ꞌimainun kana ꞌëa aín ꞌIbu Dios ñukaxunkin aín mëkënan ꞌën ꞌinsínkë ramëkin an ꞌën nami chëkimikë pëxkutisa sinánkë ꞌian.

Mateo 14:33

Nëtë́cëbëtan ca manë nuntinu ꞌicë unicaman a tanáin rantin puruni tsóbuti ami sinánquin Jesús cacëxa: —Mix camina asérabi Nucën Papa Diosan Bëchicë a ꞌain.

Mateo 15:25

Cacëxun cuaquinbi ca a tanáin rantin puruni tsóbuquin a xanun cacëxa: —Camina ꞌën tuá ꞌë pëxcuxunti ꞌain.

Mateo 17:14

Matánuax cuanx ca anua ꞌaisamaira uni timë́cë anu Jesús bëbacëxa. Bëbacëbë anu cuani aín bëmánon rantin puruni tsóbuquin ca achúshi unin cacëxa:

Mateo 20:20

Usa ꞌain ca Zebedeonën bëchicë rabë́, Juan ꞌimainun Jacobo, aín tita Jesús rapasu cuani a bëtánain rantin puruni tsóbuquin abë banatisa tancëxa.

Mateo 28:17

Cuanxun anua mëraxun ca cuëënquin —ënëx ca asérabi Nucën ꞌIbu Jesús ꞌicë —quixun sinánquin rabiacëxa, raírinëan —asérabi ca Nucën ꞌIbu Jesús ꞌicë —quixun sináncëbëtanmabi.

Mateo 8:2

Nuibiancëbë ca an aín nami chëquímicë ꞌinsínñu unin amiquiquiani cuani rantin puruni tsóbuquin Jesús cacëxa: —Mix cushi ꞌixun camina ꞌaisa tanquin ꞌë pëxcuti ꞌain.

Mateo 8:25

Usai ꞌia oquin ca aín ꞌunánmicë unicaman Jesús bësúnquin cacëxa: —Nu ca ië́mit, cananuna nanëtin.

Mateo 9:17

Ësaribi ca: Ui unínbi ca ñuina xacá anu ꞌumpax ꞌaruti chumusa oquin ꞌacë, axa xëni ꞌain, anu ñu chëcacë ꞌaruima. Anu ꞌarucëxunbi ca ñu chëcacë ax cubini uruquin ñuina xacá xëni a tucaia. Axa tuquicëbë ca chëcaxun anu ꞌarucëxa cubíncë ñu ax tutuqui nëtëtia. Usa ꞌain ca ñu chëcacë, ñuina xacá chumusa oquin ácë iónushi ꞌaruti ꞌicën, asábi ꞌinun.

Mateo 9:19

Cacëx niruia abë cuancëbë ca aín ꞌunánmicë unicamaxribi Jesúsbë cuancëxa.

Mateo 9:24

Usaria isquin ca Jesusan cacëxa: —Ënuax ca chiquít. A xu xanu ca bamacëma ꞌicën. Ca ꞌuxaxa. Ësaquian cacëxunbi ca ꞌusáncancëxa.

Lucas 13:14

Usa ꞌaínbi ca Jesusan anu ñu mëëti nëtën xanu pëxcüan, axa anu judíos unicama timë́ti xubunu ꞌicë ꞌapu nishacëxa. Nishquin ca anu ꞌicë unicama cacëxa: —Anun ñu mëëti nëtëx ca mëcën achúshi ꞌimainun achúshi ꞌicën. Anun ñu mëëtima nëtën camina utima ꞌain, anun ñu mëëti nëtë́inshi camina pëxcucë ꞌinux uti ꞌain.

Lucas 18:18

Aín cushi uni achúshinën ca Jesús ësoquin cacëxa: —Mix camina asérabi upí uni ꞌain. Usa ꞌixun camina ꞌë ñuixunti ꞌain, ¿ꞌëx nëtë́timoi Nucën Papa Diosan nëtënu abë ꞌinuxun carana añu ꞌati ꞌai? quixun.

Lucas 7:2

Capernaúm anu ca Romanu ꞌicë capitán achúshi ꞌiacëxa. An a capitán ñu mëëxuncë unix ca an nuibairacë ꞌaíshbi ꞌinsíanx bamatisa ꞌiacëxa.

Juan 11:25

Cacëxun ca Jesusan cacëxa: —ꞌËx cana an uni baísquimiti a ꞌain, ꞌianan cana anúan uni ainan ꞌaish Nucën Papa Diosbë ꞌiti a ꞌain. Axa ꞌëmi catamëcë uni, ax ca bama ꞌaíshbi tsónux baísquiti ꞌicën.

Juan 11:32

Cuancëbë anua ꞌicë anu bëbai a tanáin tsóbuquin ca Maríanën Jesús cacëxa: —Mixmi ënu ꞌain ca ꞌën rarëbacë ñucëma ꞌitsíanxa.

Hechos 13:15

Tsotan anu ꞌicë unicamanribia cuamainun Moisésnën cuënëo bana ꞌimainun an Nucën Papa Dios quicë bana uni ñuixuncë unicamanribia cuënëo bana ꞌatancëxun ca a xubunu ꞌicë ꞌapucaman Pablocëñun Bernabé cacëxa: —ꞌËn xucë́antu, mitsúnribi unicama ꞌësëtisa tanquin camina cati ꞌain.

Hechos 28:8

Nux anu ꞌain ca Publionën papa ꞌinsinan ꞌianan chixutanribi ꞌi, racácë ꞌiacëxa. Usa ꞌicëa ñuia cuati ca Pablo a isi cuancëxa. Cuanxun ca Nucën Papa Diosbë banatancëxun aín mëcënan ramëquin pëxcüacëxa.