Mateo 9:17 - Kashibo-Kakataibo Biblia

¹⁷ Ësaribi ca: Ui unínbi ca ñuina xacá anu ꞌumpax ꞌaruti chumusa oquin ꞌacë, axa xëni ꞌain, anu ñu chëcacë ꞌaruima. Anu ꞌarucëxunbi ca ñu chëcacë ax cubini uruquin ñuina xacá xëni a tucaia. Axa tuquicëbë ca chëcaxun anu ꞌarucëxa cubíncë ñu ax tutuqui nëtëtia. Usa ꞌain ca ñu chëcacë, ñuina xacá chumusa oquin ácë iónushi ꞌaruti ꞌicën, asábi ꞌinun.

Nukën 'Ibu Diosan ain unikama 'inan ain bana

¹⁷ Ësaribi ca: Ui unínbi ca ñuina xacá anu 'umpax 'aruti chumusa oquin 'acë, axa xëni 'ain, anu ñu chëcacë 'aruima. Anu 'arucëxunbi ca ñu chëcacë ax cubini uruquin ñuina xacá xëni a tucaia. Axa tuquicëbë ca chëcaxun anu 'arucëxa cubíncë ñu ax tutuqui nëtëtia. Usa 'ain ca ñu chëcacë, ñuina xacá chumusa oquin ácë iónushi 'aruti 'icën, asábi 'inun.

Mateo 9:17 ပူးပေါင်းရင်းမြစ်များ

Mateo 9:16

Catancëxun ca aín banaxa fariseo unicaman uni ꞌunánmicë banasama ꞌain, aín banabë fariseonëan ꞌunánmicë bana mëscúti rabanan Jesusan ësaquinribi a unicama cacëxa: —Ca ësaribi ꞌicën. Nun aintsi uinu ꞌicë xanúnbi ca chupa xëni, chupa sani iotan aín tuquicë a ꞌunuima. Usocëxbi ca chupa xëni ax chëqui anun ꞌunucë ió ax nipacëtia. Usai ꞌi ca aín tuquicë ax chaia.

Mateo 9:18

Juanën ꞌunánmicë unibubëa Jesús banacëbëbi ca anua judíos unicama timë́cë xubunu ꞌicë ꞌapu, Jairo cacë, ax uacëxa. Uquin ca aín bëmánon rantin purúnquin Jesús cacëxa: —ꞌËn ini bëchicë ca bërí bamaxa. Bamacëbi camina mix ꞌëbë cuanxun a ramëti ꞌain. Min ramëcëxëshi ca asábi ꞌinux baísquiti ꞌicën.

Marcos 2:22

Ësaribi ca. Ui unínbi ca ñuina xacá, anu ꞌumpax ꞌaruti chumusa oquin ꞌacë, axa xëni ꞌain, anu ñu chëcacë ꞌaruima. Anu ꞌarucëxunbi ca ñu chëcacë ax cubini uruquin ñuina xacá xëni a tucaia. Axa tuquicëbë ca chëcaxun anu ꞌarucëxa cubíncë ñu ax tutuqui nëtëtia. Usa ꞌain ca ñu chëcacë ñuina xacá chumusa oquin ꞌacë iónushi ꞌaruti ꞌicën. Ësaquin ca an ñucácë unicama Jesusan cacëxa.

Lucas 5:37

Ësaribi ca. Ui unínbi ca ñuina xacá anu ꞌunpax chumusa oquin ꞌacë, axa xëni ꞌain, anu ñu chëcacë ꞌaruima. Anu ꞌarucëxunbi ca ñu chëcacë ax cubini uruquin ñuina xacá xëni a tucaia. Axa tuquicëbë ca chëcaxun anu ꞌarucëxa cubíncë ñu ax tutuqui nëtëtia.

Lucas 5:38

Usa ꞌain ca ñu chëcacë ñuina xacá chumusa oquin ꞌacë iónushi ꞌaruti ꞌicën.