Mateo 9:11 - Kashibo-Kakataibo Biblia

¹¹ Jesúsbëtan a unicaman piia isquin ca aín ꞌunánmicë unicama fariseo unicaman ñucáquin cacëxa: —¿Uisa cupí cara an mitsu ꞌunánmicë unin an ꞌapu buánmiti curíqui bicë unicamabëtan pianan ꞌuchañu unicamabëtan pin?

Nukën 'Ibu Diosan ain unikama 'inan ain bana

¹¹ Jesúsbëtan a unicaman piia isquin ca aín 'unánmicë unicama fariseo unicaman ñucáquin cacëxa: —¿Uisa cupí cara an mitsu 'unánmicë unin an 'apu buánmiti curíqui bicë unicamabëtan pianan 'uchañu unicamabëtan pin?

Mateo 9:11 ပူးပေါင်းရင်းမြစ်များ

Isaías 65:5

A unikamax ka ësai kiakëxa, nu ꞌurama oíma kamina ꞌuri bërúti ꞌain; numi ꞌurama onuma kananuna upíira upí ꞌain; usa ꞌain kamina nu ramëtima ꞌain. Usa ꞌain ka a unikamax tikakëxa tsi nëtë́timaira bari buini ërë́kë usaribi ꞌikën; usa ꞌixun ka tsin kuinan rëtunkakëx ubikë usai ꞌinun ꞌë ꞌimia.

Mateo 11:19

Usoquian Juanën ꞌacësoquin ꞌaquinma ꞌën camabi ñu pianan xëaia isquin ca unicaman ësaquin ꞌë ñuia: A unix ca picën tapun ꞌianan xëairacë uni ꞌicën. Ax ca an ꞌapu buánmiti curíqui bicë unicama ꞌimainun ꞌuchañu unicamabë nuibanania —quixun. Usaquian Juancëñun unin ꞌë ñuicëbëbi ca Nucën Papa Dios, an ënë menu unun ꞌë xua, an ꞌacë ñucamax asábi ꞌicën. Usa ca quixun ca axa ami sináncë unicaman ꞌunania.

Mateo 5:46

Mitsúnmi an mitsu nuibacëma unicama nuibaquinma an mitsu nuibacë unicamaishi nuibatia ca Nucën Papa Diosan mitsu upí isima. An ꞌapu buánmiti curíqui bicë uni ꞌaisama ꞌixunbi ca usaribi oquin an a nuibacë uni a nuibananquinia. Mitsun camina an mitsu nuibacë unishima camabi uni nuibati ꞌain.

Mateo 9:10

Cuanquin ca Jesúscëñun aín ꞌunánmicë unicama aín xubunuxun pi cuanun Mateonën buáncëxa. Buáncëbë atúxribi atubë cuanx ca an ꞌapu buánmiti curíqui bicë unicama ꞌimainun an fariseocaman bana tancëma uni raírinëxribi atubëtan pi bucüacëxa.

Marcos 2:16

Usoquian atubëtan piia isquin ca an Moisésnën cuënëo bana ꞌunáncë unicamabëtan fariseo unicaman Jesusan ꞌunánmicë unicama ñucáquin cacëxa: —¿Uisa cupí cara an mitsu ꞌunánmicë unin ꞌuchañu unicamabëtan pianan an ꞌapu buánmiti curíqui bicë unicamabëtanribi pin?

Lucas 19:7

Usaria isquin ca uni raíricaman —ꞌuchañu unin xubunu ca Jesús ꞌicuania —quixun ñuiacëxa.

Lucas 5:30

Usaria isquin ca fariseo unicama ꞌimainun an Moisésnën cuënëo bana ꞌunáncë unicaman atu ꞌatimaquin ñuiquin Jesusan ꞌunánmicë unicama cacëxa: —¿Uisa cupí caramina mitsun an ꞌapu buánmiti curíqui bicë unicamabëtan pianan ꞌuchañu unicama raíribëtan pianan xëain?

Hechos 11:3

Ñuiquin ca cacëxa: —¿Uisa ꞌixun caramina aín xubunu atsíanan judíosma unicamabëtan pian?

Gálatas 2:15

ꞌË ꞌimainun ꞌëbë ꞌicë unicamax cananuna judío unin rëbúnqui ꞌaish judío uni ꞌain. Nux cananuna an Nucën Papa Diosan bana ꞌunáncëma judíosma unicamasaribima ꞌain.

Hebreos 5:2

Usa ꞌixun ca axribi uni ꞌicëa ñunshin ꞌatimanën ꞌapun ñu ꞌatima ꞌanun quixun tancëxun ꞌunan ꞌixun uni itsi usaribiti ꞌia ꞌaquinti ꞌunania. An ca, —usa ñu ꞌati ca ꞌaisama ꞌicë —quixun ꞌunánquinma an ñu ꞌacë unicama ꞌimainun, —usa ñu ꞌati ca ꞌaisama ꞌicë —quixun ꞌunánquinbi ꞌacë unicama aribi, ami nishquinma atux upí ꞌinun ꞌaquinti ꞌicën.

2 Juan 1:10

Ui unin cara mitsu isi cuanxun Jesucristo ñui quicë bana —ax ca asérabi ꞌicë —quixun ñuiquinma bëtsi oquin ñuia, a camina min xubunu atsínmima ꞌianan —caina uan —quixunribi catima ꞌain.