Mateo 8:27 - Kashibo-Kakataibo Biblia

²⁷ Usoia isi ca aín ꞌunánmicë unicama ratuti canancëxa: —¿Uisa uni cara ënëx ꞌic? Suñúanënbi, bacánbi ca aín bana cuatia.

Nukën 'Ibu Diosan ain unikama 'inan ain bana

²⁷ Usoia isi ca aín 'unánmicë unicama ratuti canancëxa: —¿Uisa uni cara ënëx 'ic? Suñúanënbi, bacánbi ca aín bana cuatia.

Mateo 8:27 ပူးပေါင်းရင်းမြစ်များ

Mateo 14:33

Nëtë́cëbëtan ca manë nuntinu ꞌicë unicaman a tanáin rantin puruni tsóbuti ami sinánquin Jesús cacëxa: —Mix camina asérabi Nucën Papa Diosan Bëchicë a ꞌain.

Mateo 15:31

Pëxcucëx ca banañuma unicamax banacëxa. Banamainun ca axa aín quisi aín pëñánmi ñucë unicamaxribi pëxcúacëxa. Pëxcúmainun ca axa aín niti bëtsicë unicamax upiti niacëxa. Aín bërumi ñucë unicamanribi ca bëoquiquin isacëxa. Usaia ꞌia isquin ca anu ꞌicë unicaman uisa uni cara ënëx ꞌicë quixun sinani cuëënquin chuáma tanquin Nucën Papa Dios, a Israel unicaman rabicë, a rabiacëxa.

Mateo 8:10

Usaía judíosma uni ꞌaíshbi a capitán quia cuaquin ca Jesusan an a nuibiancë unicama cacëxa: —Asérabi cana ꞌën mitsu cain, ënë uníxa ꞌëmi catamëcësaribitia ꞌia cana judío uni achúshibi iscëma ꞌain.

Mateo 8:26

Quia ca Jesusan bësuquin cacëxa: —¿Uisacatsi caramina racuëtin? Mitsun camina Nucën Papa Diosan ca asérabi nu bërúanquin ꞌaquinia quixun sinaniman. Cai niruquin ca suñúan —ca nëtë́t —canan parúmpaparibi —ca bucubut —quixun cacëxa. Cacëxëshia suñu nëtë́ishimainun ca baca bëchúnribi nëtë́acëxa.

Mateo 8:28

Usaquiani ꞌucë manan cuantancëx ca Gadara cacë menu bëbacëxa. Bëbatancëx nuntinuax ꞌibúquiani cuaniabi ca ñunshin ꞌatimañu uni rabëtan, anu uni maíncënuax uquin Jesús mëracëxa. A uni rabëtan ca ñunshin ꞌatimañu ꞌaish uinu ꞌicë unínbia chichabiantisama ꞌixun anun cuanti bai bëaraxun ui unibi anun inumiama ꞌicën.

Marcos 1:27

Usoia isi ca anu ꞌicë unicama ratúacëxa. Ratuti ca atúxbi canani quiacëxa: —¿Uisa bana cara ënëx ꞌic? Ënëx ca nun cuacëma bana ꞌicën. Ënë uni ca ñunshin ꞌatimanënbi aín bana cuatia. Uninuax —ca chiquit —quixuan cacëx ca chiquitia.

Marcos 6:51

Ësaquin cai manë nuntinu ꞌirucëbë ca suñúan nëtë́acëxa. Nëtë́cëbë ca aín ꞌunánmicë unicama ratuti —¿uisa ꞌain cara ësa ꞌia —quixun sinani sináncasmacëxa.

Marcos 7:37

Ñuiquian chanioia cuati ca unicamax ratuti quiacëxa: —Camabi ñu ca an upí oquin ꞌaia, pabë unínbi ca an pëxcucëxun cuatia, banañuma uníxbi ca an pëxcucëx banaia.