Mateo 8:20 - Kashibo-Kakataibo Biblia

²⁰ Cacëxun ca Jesusan cacëxa: —Ñu pëchiñunëxbi ca anua batsi oti nañu ꞌicën. Capa ꞌinúxbi ca aín anu ꞌuxti quiniñu ꞌicën. Usa ꞌaínbi cana uni ꞌinux Nucën Papa Diosnuax uá, ꞌëx anu ꞌuxtiñumabi ꞌain. Usa ꞌain sapi camina ꞌëbë cuantima ꞌain.

Nukën 'Ibu Diosan ain unikama 'inan ain bana

²⁰ Cacëxun ca Jesusan cacëxa: —Ñu pëchiñunëxbi ca anua batsi oti nañu 'icën. Capa 'inúxbi ca aín anu 'uxti quiniñu 'icën. Usa 'aínbi cana uni 'inux Nucën Papa Diosnuax uá, 'ëx anu 'uxtiñumabi 'ain. Usa 'ain sapi camina 'ëbë cuantima 'ain.

Mateo 8:20 ပူးပေါင်းရင်းမြစ်များ

Salmos 104:12

ꞌImainun ka a bakakama kuëbi axa nuánkë ñuina pëchiukaman atun na ꞌaia; ¡usakin ꞌatankëx ka i pëñankama aín xama manánuax tsótax banaia!

Salmos 104:17

A ikamanu ka ñuina pëchiñu chukúma an aín na ꞌaia, ꞌimainun ka pino kakë ikama ain pëñanu cigüeña kakë ñuina pëchiñu chabu akamaxribi ꞌia.

Salmos 40:17

Usa ꞌain kamina ꞌëx ñuumarasa tani bënëti tëmëraia mix Dios ꞌixun ꞌë manutima ꞌain. Mix kamina an ꞌë ꞌakianan chuámarua ꞌinun ꞌimikë a ꞌain; ¡ꞌakintimi panakima kamina bënë́kin ꞌë ꞌakinti ꞌain!

Salmos 69:29

ꞌAínbi kamina ꞌëx ꞌinsínkë ꞌaish tëmërai atsánkë, ꞌikëbi mix ꞌën Dios ꞌixun ië́mikin ꞌë ꞌakinti ꞌain.

Salmos 84:3

Chunu ꞌimainun xapu chunu an ka anuxun mi ñuina xaroxunti ꞌakë a ꞌurama aín na ꞌatankëxun anu tuaia, ꞌën ꞌIbu Dios kamabi kushiñuira, mix kamina ꞌën ꞌapu ꞌianan ꞌën Dios ꞌain.

Daniel 7:13

ꞌËn kana ënë ñukama namákësokin imë́ isan: Iskëbëshi ka nëtë kuin mëu unin bëchikësa ꞌaish uaxa, aia anua tsókë ami kikiani kuania ka uni apan an a ꞌurama onun ꞌamiaxa.

Mateo 12:32

Axa uni ꞌinux anuax uá ꞌë ñui ꞌatimati banacë uni a ca Nucën Papa Diosan aín ꞌucha tërë́nti ꞌicën. Usa ꞌaínbi ca axa aín Bëru Ñunshin Upí ñui ꞌatimati banacë uni aín ꞌucha Nucën Papa Diosan tërënima, bamatancëxribi ca xënibua ꞌaínbi aín ꞌucha tërë́ncë ꞌitima ꞌicën.

Mateo 12:40

Jonás ax ca bacanu ꞌicë ñuina cha aín pucunu rabë́ ꞌimainun achúshi nëtë, ꞌimainun rabë́ ꞌimainun achúshi imë́ribi ꞌiacëxa. Usaribiti cana uni ꞌinux Nucën Papa Diosnuax uá, ꞌëx rabë́ ꞌimainun achúshi nëtë, ꞌimainun rabë́ ꞌimainun achúshi imë́ matá quiniocë anu racáncë ꞌiti ꞌain.

Mateo 12:8

Uni ꞌinux Nucën Papa Diosnuax uá ꞌixun cana ꞌën anun ñu mëëtima nëtën cara añu ꞌati ꞌicë quixun uni cati ꞌain.

Mateo 13:37

Cacëxun ca Jesusan cacëxa: —An ñu bëru upí ꞌapácë uni asaribi cana uni ꞌinux Nucën Papa Diosnuax uá ꞌëx ꞌain.

Mateo 16:13

Usotancëx anu Cesárea de Filipo cacë ëma ꞌicë me anu cuanx riquianquin ca aín ꞌunánmicë unicama Jesusan ñucáquin cacëxa: —¿Uni ꞌinux Nucën Papa Diosnuax uá ꞌaish carana ꞌëx ui ꞌai quiax cara unicama quin?

Mateo 16:27

ꞌËx cana ꞌën Papa Diosan nëtënu cuantancëx anu abë ꞌApu ꞌiti ꞌain. ꞌËx ꞌApu ꞌaish utëcëncëbë ca ꞌën ángelcamaribi uti ꞌicën. Uxun cana unicama achúshi achúshi atun nuitu ꞌunánquin an ñu ꞌatima ꞌacë unicama a ꞌatimonan an upí ñu ꞌacë unicama ꞌëbë ꞌinúxa cuëënun ꞌimiti ꞌain.

Mateo 17:9

Usaquiani matánuax cuanquin ca Jesusan atu cacëxa: —Mitsúnmi isanan cuacë ënë ñucama camina uinu ꞌicë unibi ñuixuntima ꞌain. Uni ꞌinux Nucën Papa Diosnuax uá ꞌaish, ꞌëx bamatancëx baísquicëbëtan cuni camina ënë ñucama unicama ñuixunti ꞌain.

Mateo 19:28

Cacëxun ca Jesusan aín ꞌunánmicë unicama cacëxa: —Asérabi cana ꞌën mitsu cain, uni ꞌinux anuax uá, ꞌëx Nucën Papa Diosan mëníosabi oi nëtë iótëcëncëbë ꞌapuira ꞌain camina, asérabi ꞌën bana cuacë ꞌaish mitsun ꞌëbë cushi ꞌixun Israelnën bëchicë mëcën rabë́ ꞌimainun rabë́ aín rëbúnqui judíoscamax cara atúan ñu ꞌacë cupí, uisai ꞌiti ꞌicë quixun cati ꞌain.

Marcos 8:38

Ui unix cara ꞌënan ꞌicëbia axa ꞌëmi sináncëma unin ꞌusánti sinani ꞌënan ꞌitimi rabíanan ꞌën bana quicësai ꞌitimi rabinia, a uníxa ꞌënan ꞌitimi cana ꞌëxribi rabínti ꞌain, uni ꞌinux anuax uá ꞌaish cuantancëx ꞌën Papa Diosbë ꞌApu ꞌitancëx aín ángelcamabë utëcëni.

Lucas 12:8

Ësaquinribi ca Jesusan cacëxa: —ꞌËn cana mitsu cain, axa an ꞌën bana cuacëma unicaman cuanun ꞌë ñui —ꞌëx cana Jesusan uni ꞌai —quicë uni, a ñuiquin cana, uni ꞌinux anuax uá ꞌën, aín ángelcaman cuamainun, Nucën Papa Dios —ax ca ꞌën uni ꞌicë —quixun cati ꞌain.

Lucas 18:8

ꞌËn cana mitsu cain, ca asérabi bënë́nquinshi acama ꞌaquinti ꞌicën. ¿Usa ꞌaínbi carana uni ꞌinux Nucën Papa Diosnuax uá ꞌaish anu cuantancëx, ꞌëx utëcënquin, unicama asérabi ꞌëmi sinani ꞌëmi catamëtia isti ꞌain? Uisai cara ꞌiti ꞌicë quixun cana isti ꞌain.

Lucas 2:12

Ënë isquin camina ꞌën mitsu cacë bana ax ca asérabi ꞌicë quixun ꞌunánti ꞌain, cuanxun camina a Tuá chupan rabúnxuan anuxun ñuina pimitinu racáncë isti ꞌain.

Lucas 2:16

Cananquiani bënëtishi riquianxun ca María ꞌimainun José isanan aín Tuá anuxun ñuina pimitinu racáncë isacëxa.

Lucas 2:7

Sënë́ncëbë ca anu ꞌiti xubu anu ꞌaínbia ꞌaisamaira ꞌixun unin tsitsiruan anuxun ñuina pimiti ꞌitinuax María bacë́ancëxa. Bacë́nxun ca chupan rabúnxun anuxun ñuina pimiti bunánti anu aín tuá racáncëxa.

Lucas 21:36

Usa ꞌain camina ꞌëx uti nëtë caini, ꞌën mitsu cacë ñucama ënë́xa ꞌicëbëbi ꞌëmi catamëti ëníma ꞌëmi cushicë ꞌinuxun, nëtë camabi Nucën Papa Dios ñucáti ꞌain. Usai ꞌi, ꞌëx utëcëncëbë ꞌën bëmánanuax añu ꞌuchañumabi ꞌinuxun camina Nucën Papa Dios ñucáti ꞌain.

Lucas 8:3

a ꞌimainun Juana, Chuza, an Herodes ꞌaquincë uni aín xanu, a ꞌimainun Susana, acama ꞌimainun an Jesús ñu ꞌinánquin ꞌaquincë xanu raíriribi ꞌiacëxa.

Lucas 9:58

Cacëxun ca Jesusan cacëxa: —Ñu pëchiñunëx ca anua batsi oti nañu ꞌicën. Capa ꞌinúxbi ca aín anu ꞌuxti quiniñu ꞌicën. Usa ꞌaínbi cana uni ꞌinux Nucën Papa Diosnuax uá, ꞌëx anu ꞌuxtiñumabi ꞌain. Usa ꞌain sapi camina ꞌëbë cuantima ꞌain.

Juan 1:51

Ësaquinribi ca Jesusan Natanael cacëxa: —Asérabi cana mitsu cain, naí panárabëcëbëtan camina uni ꞌinux ꞌëx anuax uá, ꞌë manáminuaxa Nucën Papa Diosan ángelcama cuaruanan ubutia isnuxun ꞌain.

Juan 12:34

Usaquian cacëxun ca unicaman Jesús cacëxa: —An Nucën Papa Diosan bana cuënëo uni ñuixuncë unían a bana isquin unicama ñuixunia cananuna cuan, ax ca ësai quia, Cristo ax ca nëtë́timoi xënibua ꞌaínbi ꞌiti ꞌicën. ¿Usa ꞌaínbi caramina min, axa Nucën Papa Diosnuax uni ꞌinux uá, ax ca i curúsocënu matáscë ꞌiti ꞌicë quixun nu cain? ¿Ui cara Nucën Papa Diosnuaxa uni ꞌinux uá ax ꞌic?

Juan 13:31

Chiquíquiania Judas cuancëbëtan ca Jesusan aín ꞌunánmicë uni raíri cacëxa: —Bërí, bamatancëx, ꞌëx baísquicëbëtan ca unin ꞌunánti ꞌicën, ꞌëx cana asérabi Nucën Papa Diosan xuá a ꞌai quixun. ꞌUnánan ca uisaira cushi cara Nucën Papa Dios ꞌicë quixun ꞌunánti ꞌicëen piti ñu marutanun canan, ñn.

Juan 3:13

Uinu ꞌicë unínbia anu ꞌicë ñu ꞌunáncë ꞌaímabi cana ꞌën cuni anuax uá ꞌixun ꞌunanin.

Juan 3:14

Moisésnëan anu uni ꞌicëma menuxun manë ꞌacë runu, camabi unin isnun, i nitsínxun anu nansaribi oquin ca uni ꞌinux Nucën Papa Diosnuax uá ꞌicë, ꞌë unin ꞌati ꞌicën,

Juan 6:27

Axa chëquiti piti binuxuinshi camina ñu ꞌatima ꞌain. Usa ꞌain camina ainan ꞌaish Nucën Papa Diosbë nëtë́timoi ꞌinuxun ꞌëmi catamëquin axa cuëëncësabi oquin ꞌati ꞌain. Usaími ꞌinun mitsu ꞌiminun ca ꞌëx uni ꞌinux anuax uá, Nucën Papa Dios, an ꞌë ꞌimiacëxa.

Juan 6:53

Usai canania ꞌunánquin ca Jesusan cacëxa: —Asérabi cana ꞌën mitsu cain, uni ꞌinux anuax uá ꞌain, ꞌëmi catamëquinma ꞌën nami picëmasa ꞌianan ꞌën imiribi xëacëmasa ꞌaish camina asérabi xënibua ꞌaínbi Nucën Papa Diosnan ꞌitima ꞌain.

Juan 6:62

¿Ënë bana cuaquinma caramina uisaxun mitsun ꞌëx anuax uá anu cuantëcënia isquin sinánti ꞌain?

Hechos 7:56

Isquin ca cacëxa: —Ca is. Naí panárabëcëbëtan cana axa uni ꞌinux anuax uá Jesús, a Nucën Papa Dios mëquea nicë isin.

2 Corintios 8:9

Uisaira oquin cara Nucën ꞌIbu Jesucristonën nu nuibatia quixun camina ꞌunanin. Mitsúxmi chuámarua ꞌianan aín nëtënu xënibua ꞌaínbi abë ꞌiti cupí ca ax aín Papan nëtë upí ëbëtsini ënë menu ñuñuma ꞌinux uacëxa.