Mateo 8:13 - Kashibo-Kakataibo Biblia

¹³ Usaquin unicama catancëxun ca Jesusan capitán cacëxa: —Camina min xubunu cuanti ꞌain. ꞌËmi catamëquinmi ꞌën usoquin ꞌaxúnun quixun ꞌë cacësabi oi ca min uni pëxcutia. Jesús ësai quicëbëshi ca capitanën ñu mëëmicë uni anu ꞌaíshmabi pëxcüacëxa.

Nukën 'Ibu Diosan ain unikama 'inan ain bana

¹³ Usaquin unicama catancëxun ca Jesusan capitán cacëxa: —Camina min xubunu cuanti 'ain. 'Ëmi catamëquinmi 'ën usoquin 'axúnun quixun 'ë cacësabi oi ca min uni pëxcutia. Jesús ësai quicëbëshi ca capitanën ñu mëëmicë uni anu 'aíshmabi pëxcüacëxa.

Mateo 8:13 ပူးပေါင်းရင်းမြစ်များ

Eclesiastés 9:7

¡ꞌËn kana mitsu kuëënmikin kain! Usa ꞌain kananuna xëanan pianan kuëënti ꞌain, usakin ꞌaia ka Diosan nun ꞌakë ñukama ꞌupi isia.

Mateo 15:28

Cacëxun ca Jesusan cacëxa: —Mix camina asérabi ꞌëmi catamëti ꞌën mi upí oquin ꞌaquinun quiax ꞌëmi sinan. Usa ꞌain ca mix cuëëncësabi oi ꞌiti ꞌicën. Quixuan cacëbëshi ca aín ini tuá pëxcúacëxa.

Mateo 17:20

Cacëxun ca Jesusan cacëxa: —Mitsun camina uisaira cushi cara Nucën Papa Diosan cushi icë quixun sinaniman. Mostaza bëru ax ca chamaratsu ꞌicën. Asaribi ꞌaish ꞌitsamaratsushi Nucën Papa Diosmi sináncë ꞌixun, Ënë ñu cana ꞌatima ꞌai, quixun sinánquinbi asérabi ami catamëquin ñucáquin camina uisa ñu caramina ꞌaisa tani a ꞌati ꞌain. Mitsux ami ꞌitsamashi catamëcë ꞌixunbimi ënë matá, Ënuax ca ꞌuri tacút, cacëx ca ꞌuri tacúti ꞌicën.

Mateo 8:4

Pëxcutia ca Jesusan a uni ꞌësëquin cacëxa: —ꞌËn mi pëxcucë ñuiquin camina uinu ꞌicë unibi catima ꞌain. Caíma cuanxun camina min nami pëxcúcë judíos sacerdote ismiti ꞌain. Ismianan camina Nucën Papa Dios rabiquin Moisés quiásabi oquin a ñu ꞌinánti ꞌain, camina asérabi pëxcúa quixun camabi unin ꞌunánun.

Mateo 9:22

Ticaia tani niracëti cuainacëquin ca Jesusan a xanu mëraquin cacëxa: —Camina chuámarua ꞌiti ꞌain. ꞌËn cana mi pëxcuti ꞌai quixun asérabi sinani camina pëxcúan. Cacëxëshi ca pëxcúacëxa.

Marcos 7:29

Cacëxun ca Jesusan cacëxa: —Upiti camina quian. Usa ꞌain ca min tuánuax ñunshin ꞌatima chiquíaxa, camina cuanti ꞌain.

Marcos 9:23

Cacëxun ca Jesusan cacëxa: —Minmi ꞌë, ca ꞌaxunti ꞌicë quixun sináncëbëtan cana ꞌati ꞌain. An ꞌëmi catamëquin, ꞌën cana asérabi ꞌaxunti ꞌai quixun sináncë uni a cana uisa ñu cara abi ꞌaxunti ꞌain.

Juan 4:50

Cacëxun ca Jesusan cacëxa: —Min bëchicë ca ñuima, asábi ca, ca istan. Cacëx ca —asérabi ca pëxcúti ꞌicë —quixun sinánbiani cuancëxa.