Mateo 7:24 - Kashibo-Kakataibo Biblia

^24-25 Usa ꞌaínbi ca an ꞌëmi sinánquin ꞌën bana cuanan a bana quicësabi oquin ꞌacë uni ax an upí oquin sinánxun masinuma matánu xubu ꞌacë unisaribi ꞌicën. A unin xubu ca ꞌaisamaira ꞌuí ꞌibúcëbë ꞌitsaira baca ꞌëmainun ꞌaisamaira suñúan bëquiquinbi uisabi ocëma ꞌicën.

Nukën 'Ibu Diosan ain unikama 'inan ain bana

^24-25 Usa 'aínbi ca an 'ëmi sinánquin 'ën bana cuanan a bana quicësabi oquin 'acë uni ax an upí oquin sinánxun masinuma matánu xubu 'acë unisaribi 'icën. A unin xubu ca 'aisamaira 'uí 'ibúcëbë 'itsaira baca 'ëmainun 'aisamaira suñúan bëquiquinbi uisabi ocëma 'icën.

Mateo 7:24 ပူးပေါင်းရင်းမြစ်များ

Salmos 119:130

Usa ꞌain ka an ꞌunánkë uni an ñuixunkëxun kuakin, min bana sinan mëninñushi unikama atúnribi kuankin ꞌunania.

Salmos 119:99

Usa ꞌixun kana anua kuakin an ꞌë ꞌunánmikë unikaman ꞌunánkësamaira okin, ꞌunánkin min banakama upíokin ꞌitsaira sinanin.

Mateo 12:50

Uicaman cara Nucën Papa Dios naínu ꞌicë ax cuëëncësabi oquin ꞌaia, acamax ca ꞌën xucën ꞌimainun ꞌën chirabacë ꞌimainun ꞌën tita ꞌicën.

Mateo 16:18

Caxun ca mapara, griego banan “petra” cacë, a sinánquin Jesusan Simón cacëxa: —ꞌËn cana mi cain, mix camina Pedro caquin anëcë ꞌiti ꞌain. Minmi ꞌëmi bërí cacë bana sináncë usaribi oquin sináncë ca axa ꞌëmi catamëcë unicamax ꞌiti ꞌicën. Bamatancëxbi cëñútimoi ca a unicamax ꞌënan ꞌiti ꞌicën.

Mateo 24:45

Anun ꞌëx utëcënti nëtë ca ësaribi ꞌiti ꞌicën. Achúshi unin ca aín xubunu ꞌicëcama upí oquin piminun quixun aín ñu mëëmicë unicama achúshi caísaxa. Caísquin ca —an ca asérabi ꞌën cacësabi oquin ꞌati ꞌicë —quixun sinánxa. Sinánquin usoquian ñu ꞌanun quixun catancëx ca bëtsi menu cuanxa.

Mateo 25:2

Mëcën achúshi xanucama ca sinánñuma ꞌixun xënisa ñu anun aín lamparín ërë́nti buáncëma ꞌicën. ꞌAínbi ca raíri mëcën achúshi xanu ainshi sinánñu ꞌixun aín lamparíncëñun xënisa ñuribi buánxa.

Mateo 25:9

Cacëxunbi ca sinánñu xanucaman caxa: Nun xënisa ñu sapi ca mitsun lamparín ꞌimainun nun lamparínuribi ꞌaruti sënë́ntima ꞌicën. Mitsúnbi ca an xënisa ñu marucë uninu cuanxun bitan.

Mateo 7:26

Usa ꞌaínbi ca an ꞌën bana aín pabitan cuaxunbi a bana quicësabi oquin ꞌacëma uni an upí oquin sinánxunma masinu xubu ꞌacë unisaribi ꞌicën.

Lucas 11:28

Cacëxun ca Jesusan cacëxa: —Usa ꞌaínbi ca an Nucën Papa Diosan bana cuanan a bana quicësabi oquin ꞌacë uni, axira ꞌën titaxa cuëëncësamaira oi cuëënti ꞌicën.

Juan 13:17

Ënë banacama ꞌunánquin a bana quicësabi oquin ꞌai camina chuámarua tani cuëëncanti ꞌain.

Juan 14:15

Asérabi ꞌëmi sináncë ꞌixun camina ꞌën mitsu cacësabi oquin ñu ꞌati ꞌain.

Juan 15:10

Ax quicësabi oi ꞌia ca ꞌën Papa Diosan ënquinma ꞌë nuibatia. Usaribitimi ꞌëx quicësabi oi ꞌia cana ꞌënribi ënquinma mitsu nuibatin.

Juan 15:14

ꞌËn cacësabi oi ꞌi camina mitsux ꞌëbë nuibanancë uni ꞌain.

Romanos 2:13

Aín bana ꞌunánquinbi a bana quicësabi oquin ꞌacëma uni a ca Nucën Papa Diosan upí isima. Usa ꞌaínbi ca an a bana ꞌunánquin ax quicësabi oquin ꞌacë unicama a cuni Nucën Papa Diosan upí ꞌicë isia.

1 Juan 2:3

Aín bana quicësabi oquin ꞌacë ꞌixun cananuna ꞌunanin, nux cananuna asérabi ainan ꞌaish a ꞌunáncë ꞌai quixun.