Mateo 7:21 - Kashibo-Kakataibo Biblia

²¹ An —mix camina ꞌën ꞌIbu ꞌai —quixun ꞌë cacë unicama ax ca camáxira Nucën Papa Dios naínu ꞌicë aín nëtënu abë ꞌitima ꞌicën. An aín cuëëncësabi oquin ꞌacë unicamax cuni ca anu abë ꞌiti ꞌicën.

Nukën 'Ibu Diosan ain unikama 'inan ain bana

²¹ An —mix camina 'ën 'Ibu 'ai —quixun 'ë cacë unicama ax ca camáxira Nucën Papa Dios naínu 'icë aín nëtënu abë 'itima 'icën. An aín cuëëncësabi oquin 'acë unicamax cuni ca anu abë 'iti 'icën.

Mateo 7:21 ပူးပေါင်းရင်းမြစ်များ

Mateo 12:50

Uicaman cara Nucën Papa Dios naínu ꞌicë ax cuëëncësabi oquin ꞌaia, acamax ca ꞌën xucën ꞌimainun ꞌën chirabacë ꞌimainun ꞌën tita ꞌicën.

Mateo 16:17

Cacëxun ca Jesusan cacëxa: —Simón, Jonasan bëchicë, cana mi cain, unin ca usaquin mi sinánmicëma ꞌicën. ꞌËn Papa naínu ꞌicë an ca mi sinánxunquin usoquinmi sinánun mi sinánmiaxa. An ca mi sinánmiaxa quixun ꞌunani camina cuëënti ꞌain.

Mateo 18:10

ꞌËn unicamax ca tuáratsusa ꞌaish ñuuma ꞌicë quixun camina sinántima ꞌain. ꞌËn cana mitsu cain, ca ñuumama ꞌicën. An a bërúancë ángelcamax ca Nucën Papa Diosbëbi ꞌicën.

Mateo 18:19

ꞌËn unicamaxa ꞌëmi sinani timë́cëbë cana ꞌëx atu nëbë́tsi ꞌain. Rabë́ ꞌimainun achúshia ꞌëmi sinani timë́cëbë cana ꞌëx atu nëbë́tsi ꞌain. ꞌImainuan rabëtaxribi timë́cë ꞌain cana ꞌëx atubë ꞌain. ꞌËx atubë ꞌixun cana añu ꞌati cara asábi ꞌicë quixun ꞌunánmiti ꞌain. Usa ꞌain cana ësaquinribi ꞌën mitsu cain, mitsu rabëtan camina uisaínu ꞌiti cara Nucën Papa Dios cuëënti ꞌicë quixun upí oquin sinántancëxun an mitsu ꞌaxunun ñucáti ꞌain. Ñucácëxun ca an mitsúnmi cacësabi oquin mitsu ꞌaxunti ꞌicën.

Mateo 18:3

—Asérabi cana mitsu cain, mitsux cha ꞌiisa tanquin usaquin ꞌë ñucati camina sinanati ꞌain. Sinanacëma ꞌianan tuácamaxa cha ꞌiti sinanima an a bërúancë unimi catamëcë, usaribiti ꞌëmi catamëcëma ꞌaish camina mitsux Nucën Papa Diosnan ꞌitima ꞌain.

Mateo 18:35

Usaribi oquin ca ꞌën Papa Dios naínu ꞌicë, an axa mimi ꞌuchacë unimi aín ꞌuchacama abë mëníonanquin manumicëma ꞌicë, mitsun ꞌuchacama manuquinma uisoquin cara ꞌati ꞌicë usoquin ꞌati ꞌicën.

Mateo 19:24

Amiribishi cana mitsu cain, camello, ax ca chaira ꞌaish xumuxan quini chamaratsu ꞌain, anun atsínquiantima ꞌicën. A ñuina chaxa a quinin atsíncasmacësamaira oi ca ꞌaisamaira ñuñu unix Nucën Papa Diosnan ꞌitima ꞌicën.

Mateo 25:10

Cacë́xa sinánñuma xanucama xënisa ñu bitsi cuancëbë ca an xanu biti uni uaxa. Aía atsíncëbë ca sinánñu xanucamaribi abëtan pinux xubunu atsíanxa. Atsíncëbëtan ca xëcuë xëocatëcëinsama oquin xëpuaxa.

Mateo 25:21

Cacëxun ca an a ñu mëëmicë unin caxa: Camina upí oquin ꞌën curíquinën ñu ꞌan. Minmi ꞌitsamashi ꞌaínbi a curíquinën upí oquin ꞌacë cupí cana mi ꞌitsaira anúnmi ꞌë ñu ꞌaxúnun ꞌinánti ꞌain. Usa ꞌaish camina ꞌëx cuëëncësaribi oi ꞌëbë cuëënti ꞌain.

Mateo 26:39

Cabiani ꞌurira cuani memi bëúmpucuti racábuquin ca aín Papa Dios cacëxa: —Papan, mix cuëëncëbëtan cana ꞌën bërí paë tantima ꞌain. Usa ꞌaínbi cana ꞌëx cuëëncësa oi ꞌitima ꞌain, mix cuëëncësa oíshi cana ꞌiti ꞌain.

Mateo 26:42

Usaquin cabiani cuantëcënxun ca Jesusan Nucën Papa Diosbë banatëcënquin ësaquin catëcëancëxa: —ꞌËn Papa Dios, mixmi ꞌën bërí paë tantima cuëëncëbëma cana mix cuëëncësabi oi ꞌiti ꞌain.

Marcos 3:35

Uicaman cara Nucën Papa Dios cuëëncësabi oquin ꞌaia, acamax ca ꞌën xucën ꞌimainun ꞌën chirabacë ꞌimainun ꞌën tita ꞌicën.

Marcos 9:47

Min bëru anun ñu isi ꞌatima ñu ꞌati cuëëncë ꞌixun camina ashiquin manuquin ënti ꞌain. Usoquin ꞌai camina min bëru achúshi ëchíxun nicësa ꞌiti ꞌain. Mix bëru rabë́ñu ꞌaíshmi manë tsinu anuax tëmërai cuantima cupími min bëru achúshi ëchíxun niti ca asábi ꞌicën.

Lucas 11:28

Cacëxun ca Jesusan cacëxa: —Usa ꞌaínbi ca an Nucën Papa Diosan bana cuanan a bana quicësabi oquin ꞌacë uni, axira ꞌën titaxa cuëëncësamaira oi cuëënti ꞌicën.

Lucas 13:25

Ësa ca: Xubu ꞌibun ca niruquin xubu xëcuë xëputi ꞌicën. Xëpucë camina mitsun ëman nixun xëcuë taxcaquin —nu ca xëócaxun —quixun cati ꞌain. Cacëxunbi ca mitsu cati ꞌicën: Uinuax ucë caramina mitsux ꞌai quixun cana ꞌunaniman.

Lucas 18:25

Camello, ax ca chaira ꞌaish, xumuxan quini chamaratsu ꞌain, anun atsínquiantima ꞌicën. A ñuina chaxa a quinin atsíncasmacësamaira oi ca ꞌaisamaira ñuñu unix Nucën Papa Diosnan ꞌitima ꞌicën.

Lucas 6:46

¿Uisacasquin caramina —mix camina ꞌën ꞌIbu ꞌai —quixun ꞌë caquinbi ꞌën mitsu cacësabi oquin ñu ꞌaiman?

Juan 14:7

Mitsun ꞌë upí oquin ꞌunáncë ꞌixun camina ꞌën Paparibi upí oquin ꞌunántsian. Usa ꞌain camina bërí a ꞌunanin, a camina isan.

Juan 15:23

Axa ꞌëmi nishcë uni, ax ca ꞌën Papamiribi nishia.

Juan 3:5

Nicodemonën cacëxun ca Jesusan cacëxa: —Usama ca. Asérabi cana ꞌën mi cain, ꞌunpax ꞌimainun Nucën Papa Diosan Bëru Ñunshin Upitan bacë́ntëcëncëma uni ax ca Nucën Papa Diosnan ꞌitima ꞌicën.

Juan 5:17

ꞌËsënaniabi ca Jesusan atu cacëxa: —ꞌËn Papan ꞌacësaribi oquin cana ꞌën ꞌain.

Juan 6:40

An ꞌë xuá ax ca cuëënia, aín Bëchicë, ꞌëmi catamëcë unicamax nëtë́timoi abë ꞌiti. A unicama cana ꞌën ënë nëtë cëñúcëbëtan abë ꞌinun baísquimiti ꞌain.

Juan 7:17

Uinu ꞌicë unin cara Nucën Papa Dios cuëënun ñu ꞌaisa tania, an ca ꞌën carana Nucën Papa Diosan ꞌë sinánmicë bana ñuin, carana ꞌënbi sináncë bana ñui quixun ꞌunánti ꞌicën.

Hechos 14:22

A ëmacamanu ꞌiquiani cuanquin ca axa Jesucristomi catamëcë unicama cushioquin Jesucristomi catamëti ënxunma ꞌanun ꞌësëanan nux Nucën Papa Diosnan ꞌaish cananuna uni itsían bëtsi bëtsi ocë ꞌiti ꞌai quixun cacëxa.

Romanos 12:2

An ënë nëtënu ꞌicë ñuishi sináncë unicaman sináncësa oquin camina sinántima ꞌain. Usaquin sinánquinma camina sinanaquin uisairaimi upí ꞌiti cara Nucën Papa Dios cuëënia, usai ꞌiti ꞌunánan an ꞌaquincëx usai ꞌiti ꞌain.

Romanos 2:13

Aín bana ꞌunánquinbi a bana quicësabi oquin ꞌacëma uni a ca Nucën Papa Diosan upí isima. Usa ꞌaínbi ca an a bana ꞌunánquin ax quicësabi oquin ꞌacë unicama a cuni Nucën Papa Diosan upí ꞌicë isia.

Efesios 6:6

An mi iscëxuinshi camina axa cuëëntanun quixun uni ñu mëëxuntima ꞌain. Usoquin ꞌaxunquinma camina an iscëxunmabi Cristonën uni ꞌixun chiquíshquinma cuëënquin upí oquin uni ñu mëëxunti ꞌain, Nucën Papa Dios cuëëncësabi oquin.

Colosenses 4:12

Axribia Colosasnu ꞌicë uni, Epafras, anribi ca bërúanxmi ꞌinun quixun mitsu camía. An ca Cristo cuëëncësabi oquin ꞌanan camabi nëtën Nucën Papa Dios mitsu ñucáxunia, ami sinánti ënquinmami ax cuëëncësabi oquinshi upí oquin ꞌanun.

1 Tesalonicenses 4:3

Nucën Papa Dios ca cuëënia mitsúxmi ainan ꞌaish ax cuëëncësabi oíshi ꞌiti. Ax ca cuëënia mitsun xanuma, xanu itsibë ꞌitima ꞌianan xanúxmabi bëtsi unibë ꞌitima.

1 Tesalonicenses 5:18

Uisa ñu cara ꞌicëbëtanbi camina mitsun Nucën Papa Dios —asábi ca —quixun cati ꞌain. Jesucristomi catamëcë ꞌixunmi mitsun usaquin a cati ca Nucën Papa Dios cuëënia.

Tito 1:16

Atúxa —ꞌëx cana Nucën Papa Diosan uni ꞌai —quiabi ca an ñu ꞌaisama ꞌaia iscë unicaman —usama ca —quixun ꞌunania. Atúan ñu ꞌaisama ꞌacë cupí ca unin atu cuëënima. A unicaman ca bana cuacëma ꞌixun ñu upí ꞌati sinanima.

Hebreos 13:21

anbia an iscë́xmi upí ꞌinun ꞌimianan ax cuëëncësabi oquinmi upí ñuishi ꞌanun mitsu ꞌimiti cana cuëënin. ꞌIanan cana an, Jesucristo cupí, ax cuëëncësabi oquin nu ꞌimiti cuëënin. A ca aín unicaman xënibua ꞌaínbi ënquinma rabiti ꞌicën. Usaquin ca ꞌati ꞌicën.

Hebreos 4:6

Usa ꞌain ca ënë nëtënu ꞌicë unicama Nucën Papa Diosmi catamëti abë upí ꞌaish chuámarua ꞌiti, ꞌaíshbi raírinëx ami sináncëma pain ꞌicën. Usaribiti ca atun pain cuaquinbi a bana quicësabi oquin ꞌacëma ꞌaish a Nucën Papa Diosan ñuixuncë menu bëbama ꞌicën.

Santiago 1:22

Usa ꞌain camina mitsun pabitainshi cuaquinma upí oquin sinánquin a bana quicësabi oquin ꞌati ꞌain. Usoquin ꞌacëma ꞌaish camina —ꞌëx cana Nucën Papa Diosnan ꞌai —quixun sinanibi cëmëcë mitsux ꞌiti ꞌain.

1 Pedro 2:15

Mitsúnmi upí ñuishi ꞌati ca Nucën Papa Dios cuëënia. Usaquinmi ꞌaia isi ca an Nucën Papa Diosan bana ꞌunáncëma ꞌixun an upí oquin sináncëma unicama ax mitsumi uisaíbi banatima ꞌicën.

1 Pedro 4:2

Usa ꞌixun ca axa Jesucristomi sináncëma unin sináncësa oquin sinanima Nucën Papa Dios cuëëncësa oishi ꞌia, anúan bamati nëtëa ꞌitámainun.

Apocalipsis 2:27

ꞌËn Papa Diosan aín cushi ꞌë ꞌináncësabi oquin cana a unicama ꞌën cushi ꞌinánquin unían aín bana cuanun ꞌimiti ꞌain. ꞌËn usaquin ꞌimicëxun ca atun, camabi unían aín bana cuanun ꞌimiti ꞌicën, uni itsían uni itsi aín bana cuanun quixun aín manë xo tuínxun racuë́ocësaribi oquin.

Apocalipsis 22:14

Ui unicamax cara a ëmanu atsínxun, anu ꞌicë anun uni bamatimoi tsóti i bimi biti sinani, chupa uxuira chuañumasa ꞌinun aín nuitua upí ꞌiminun Jesucristomi catamëtia, acamax ca anu ꞌaish cuëëinra cuëënti ꞌicën.

Apocalipsis 3:5

Axa ꞌëmi catamëquin ꞌëx cuëëncësabi oi ꞌiti ëncëma unicama atux ca usoquin chupa uxua pañucë ꞌiti ꞌicën. A unicaman anë cana ꞌën quiricanua tërë́ntima ꞌain. Tërë́nquinma cana acama achúshi achúshi ñuiquin —ax ca ꞌënan ꞌaish xënibua ꞌaínbi ꞌëbë ꞌiti ꞌicë —quixun ꞌën Papa Dios ꞌimainun aín ángelcama cati ꞌain.