Mateo 7:15 - Kashibo-Kakataibo Biblia

¹⁵ Bëtsi bëtsi unin ca mitsu parántisa tanquin —Nucën Papa Diosan sinánmicëxun cana mitsu bana ñuixunin —quiquinbi anbi sináncë bana ñuixunia. Usa unin ñuicë bana camina cuatima ꞌain. A unicamax ca ꞌunánmaratsu ñuinasa ꞌaíshbi aín nuitu mëu ꞌatima sinánñu ꞌaish pianancë ñuinasa ꞌicën.

Nukën 'Ibu Diosan ain unikama 'inan ain bana

¹⁵ Bëtsi bëtsi unin ca mitsu parántisa tanquin —Nucën Papa Diosan sinánmicëxun cana mitsu bana ñuixunin —quiquinbi anbi sináncë bana ñuixunia. Usa unin ñuicë bana camina cuatima 'ain. A unicamax ca 'unánmaratsu ñuinasa 'aíshbi aín nuitu mëu 'atima sinánñu 'aish pianancë ñuinasa 'icën.

Mateo 7:15 ပူးပေါင်းရင်းမြစ်များ

Miqueas 3:11

Axa Jerusalén ëmanu ꞌikë an bana mëníokë unikama an ka uin kara kupíoia a ëanan an kupíokë a ꞌatima oti sinania, ꞌimainun ka sacerdotekaman kupíokëxunshi uni ꞌunánmiti kuëënia, ꞌianan ka an Dios kikë bana ñuikë unikamanribi kuríki kupíshi abi sinántankëx ësai kia: Nukën ꞌIbu ka nubë ꞌikën usa ꞌixun ka ñu ꞌatima inútima rabanan Nukën ꞌIbun nu bërúaia.

Mateo 10:17

Axa mitsumi nishcë unicaman ca judíos unibunën ꞌapucamanu mitsua ꞌatimonun buánti ꞌicën. Usonan ca anua judíos unicama timë́ti xubucamanuxun mitsu rishquiti ꞌicën. Usa ca uni ꞌicë quixun ꞌunani camina ami catamëtima bërúancati ꞌain.

Mateo 16:11

ꞌËn cana fariseo unibu ꞌimainun saduceo unibunëxa anun pán chamiti ñusa ꞌicësa usaribi ꞌitin rabananmi bërúancanun quixun mitsu can. Caíbi cana pán ñuiira quicëma ꞌain. ¿Usaquin ꞌën cacëxun caramina cuacëma ꞌain?

Mateo 16:6

Manubiancëbë ca Jesusan cacëxa: —Fariseo unibu ꞌimainun saduceo unibunëxa anua pán chamiti ñusa ꞌicë ax ꞌicësa usaribi ꞌitin rabanan camina bërúancati ꞌain.

Mateo 24:11

Usai ꞌicëbëtan ca —ꞌën cana Nucën Papa Dios quicë bana unicama ñuixuni —quiquinbi anbi sináncë banaishi uni ñuixunuxun ꞌaia. Usaquin ñuixunquin ca ꞌitsaira uni paránquin Nucën Papa Diosmi sinánxma ꞌinun quixun ꞌimiti ꞌicën.

Lucas 12:15

Usaquin caxun ca anu ꞌicë unicama Jesusan cacëxa: —Ñu ꞌitsa ꞌain cana Nucën Papa Diosan iscëx upí ꞌianan upitax ꞌi cuëënti ꞌai quixun camina sinántima ꞌain. Usaquin sinanima camina ꞌitsa ñuñu ꞌiti sinánan uni itsin ñuribi cuëënti rabanan bërúancati ꞌain.

Lucas 6:26

Unicaman mitsu rabicëxbi camina masá nuituti ꞌain. Camina ꞌunánti ꞌain, usaribi oquin ca atun raracaman an Nucën Papa Diosan bana isa quixun uni paránquin bana ñuixuncë unicama rabiacëxa.

Juan 10:12

Usa ꞌaínbi ca an curíqui biti cupíshi carnero bërúanquin ñu mëëcë uni, ax ꞌinu aia isquin carnero ëbiani abatia, ax asérabi aín ꞌibuma ꞌaish. Abácëbë uxun ca bëtsi biquin ꞌinun raíri tsuácaia.

Hechos 13:40

Camina bërúancacanti ꞌain, an Nucën Papa Dios quicë bana uni ñuixuncë unicaman cuënëo bana quicësabi oi mina ꞌin, a banax ca ësai quia:

Hechos 13:6

Salaminanu ꞌicë unicama bana ñuixuntancëx ca Chipre nasícamanu cuantancëx Pafos cacë ëmanuribi bëbacëxa. Anua ca judíos uni achúshi, Barjesús caquin anëcë, ñubë́ uni a mëracëxa. Barjesús ax ca cëmëi —ꞌëx cana an Nucën Papa Dios quicë bana uni ñuixuncë uni a ꞌai —quiacëxa.

Gálatas 2:4

Usa ꞌaínbi ca a cushi unicaman ꞌë uisaquin cacëbëmabi, nuxnu anu timë́anbi ax isa Jesucristomi catamëcë ꞌicë quibi cëmëcë unicama, axribi anu atsíancëxa. A unicamax ca, judíosma unicama ca Jesucristomi catamëcë ꞌaish judíos unicama ꞌicësai ꞌinun ꞌunántioracacë ꞌiti ꞌicë quixun nu sinánmisa tani, uisa cupí caranuna judíosma unicama ꞌunántiocë ꞌinun ꞌimicëma ꞌai quixun isi uacëxa. A unicaman, judíosma uniribi ca ꞌunántiocë ꞌiti ꞌicë quixun caquin nu sinánmisa tancëbëtanbi ca axa Jesucristomi catamëcë unin cushicaman Tito, ꞌunántioracamicëma ꞌicëbi nu uisaquinbi cáma ꞌicën.

Efesios 4:14

Usai ꞌi cananuna bërámanu ꞌiásaribiti bërí ꞌitima ꞌain. Bërí cananuna tuáxunratsunën unín paráncëxun sinánbëquincësa ꞌaish unín bëtsi bëtsi bana ñuixunquin paráncëxun amanua amanua sinani usaribi ꞌitima ꞌain. An uni paráncë unicaman cëmëquin nu paránquin ñu ꞌatima ꞌanun quixun ꞌimicëx usai ꞌiá ꞌaíshbi cananuna bërí usai ꞌitëcëntima ꞌain.

Efesios 5:6

Uni raírinëan —ñu ꞌatima ꞌacë ꞌaíshbi camina Nucën Papa Diosan nëtënu ꞌiti ꞌai —quixun cacëxunbi camina mitsun, —cëmëi ca quia —quixun sinánti ꞌain. An aín bana cuaisama tanquin usa ñu ꞌacë unicama a ca ami nishquin Nucën Papa Diosan castícanti ꞌicën.

Filipenses 3:2

An ñu ꞌaisamaishi ꞌati sináncë uni ꞌimainun axa ꞌatimati banacë unicama ꞌimainun an —Nucën Papa Diosan uni ꞌinux cananuna ꞌunántioracacë ꞌiti ꞌai —quixun sináncë uni, acaman mitsu cacësa oi ꞌitin rabanan camina bërúancati ꞌain.

Colosenses 2:8

An uni bëtsi bëtsi bana ñuixunquin paráncë unicaman mitsu, Cristomi catamëcë ꞌicëbi, ami manúnun quixun paránti rabanan camina bërúancati ꞌicanin. A unicaman ca Cristo ñuiquinma atúnbi sinánxuan unin ñuicë bana ꞌimainun ënë nëtënu ꞌicë ñu sinánti, a banacamaishi uni ꞌunánmia.

2 Timoteo 3:13

Usaía ꞌimainun ca ꞌaisama unicama ꞌimainun an uni paráncë unicama, ax bëtsi unían paráncë ꞌixun atúnribi usaribi oquin uni paráncë ꞌaish axa ꞌiásamaira ꞌiti ꞌicën.

2 Timoteo 4:3

Jesucristo utëcënti nëtë ꞌurama ꞌain ca unin Nucën Papa Diosan bana anúan atux upí ꞌiti a cuaisama tanti ꞌicën. A bana cuaisama tanquin ca unin, ainsa atúan cuaisa tancë bana ñuixunun quixun bëtsi unicama bariti ꞌicën.

2 Pedro 3:17

ꞌËn nuibacë xucë́antu, ꞌën mitsu ñuixuncë ñu ꞌicëma pain ꞌain, ca usai ꞌiti ꞌicë quixun ꞌunani camina an ñu ꞌatima ꞌacë unicaman paráncëxmi Nucën Papa Diosan bana quicësabi oi ꞌiti ëntin rabanan bërúanracati ꞌain.

1 Juan 4:1

ꞌËn nuibacë xucë́antu, ënë nëtënuxun ca ꞌitsa unin —Nucën Papa Diosan sinánmicëxun cana uni bana ñuixuni —quiquinbi an sinánmicëxunmabi anbia sináncë bana uni ñuixunia. Usa ꞌain camina —Nucën Papa Diosan ca ꞌë sinánmia —quiquian unin ñuicë bana acamaira cuatima ꞌain. Upí oquin pain camina asérabi cara Nucën Papa Diosan sinánmicëxun uni ñuixunia quixun cuati ꞌain.

Judas 1:4

Uni raírinëx ca parani mitsubë timëtia. Mitsubë timë́xunbi ca mitsun sináncësabi oquin sinanima. A unicamax ca ësai quia: Nucën Papa Dios upí ꞌixun ca nux cuëëncësa oquinshi ñu ꞌaiabi nu uisabi oimá. Usaquin sinánquin ca ꞌaisama ñu ꞌaia. ꞌAi ca —ꞌëx cana Nucën Papa Diosnan ꞌai —quibi axëshi nun ꞌIbu, ax cuëëncësabi oi ꞌima. —ꞌËx cana Nucën ꞌIbu Jesucristonan ꞌai —quixunbi ca aín bana quicësabi oquin ꞌaima. Usa uni ñui ca Nucën Papa Diosan bana cuënëo quia, usaía ꞌicë unicamax ca ꞌaisamaira oquin ꞌuchocë ꞌiti ꞌicë quiax.

Apocalipsis 16:13

Ësaquin isanan cana capë́sa ñuina chaira, ꞌimainun parúnpapanuax uax ꞌirucë ñuinacanꞌëo, ꞌimainun an Nucën Papa Dios rabiquinma ñuinacanꞌëo rabinun quixun unicama paráncë, acaman cuëbínuaxa ñunshin ꞌatima, tuan tita iscësa ñu rabë́ ꞌimainun achúshi chiquitia isan.

Apocalipsis 17:6

A xanúxa, Nucën Papa Diosan uni ꞌicëa unin ꞌacë ꞌimainun an Jesucristo ñuiquin uni bana ñuixuncë cupía unin ꞌacëx bamacë unicaman imi xëax, anun paë́anx cuëëinra cuëënia cana isan. Isi, cana ratúira ratúan.

Apocalipsis 19:20

ꞌAcanánia ca ñuinacanꞌëo acëñun a rabiquian Nucën Papa Dios rabixunma ꞌanun quixun an unicama paráncë ñuinacanꞌëo aribi bicanxa. An usoquin unicama paráncë ñuinacanꞌëo ax ca an bëtsi ñuinacanꞌëo ꞌitsa maxcáñu an ismainun unin ꞌacëma ñu ꞌaquin uni paran a ꞌiaxa. Ax ca an ꞌitsa maxcáñu ñuinacanꞌëonan ꞌicë ꞌunántioquin cuënëocë unicama, ꞌimainun an a tanquin ꞌacë ñu rabicë, acama paran a ꞌiaxa. ꞌAcananquin bitancëxun ca a ñuinacanꞌëo rabë́ ꞌianëmëꞌëosa manë tsi anuaxa azufre ꞌimainun manë tsi rëquirucë anu ꞌinun niaxa.

Apocalipsis 20:10

Usoquin cëñuanan ca ñunshin ꞌatimanën ꞌapu, an unicama paráncë, a ꞌianëmëꞌëosa manë tsi, anuaxa azufreribi rëquirucë, anu ꞌinun niaxa. Anua ꞌitsa maxcáñu ꞌianan ꞌitsa matúxcañu ñuinacanꞌëo a ꞌimainun bëtsi ñuinacanꞌëo an Nucën Papa Dios rabiquinma ñuinacanꞌëo rabinun quixun unicama paráncë, anu atux ꞌicë ca ñunshin ꞌatimanën ꞌapuribi anu niaxa. Anuxun ca acaman nëtë́nbi imë́bi xënibua ꞌaínbi nëtë́timoquin paë tanquin tëmërati ꞌicën.