Mateo 7:11 - Kashibo-Kakataibo Biblia

¹¹ Mitsux ꞌatima uni ꞌixunbi camina mitsun bëchicë upí ñu ꞌinanin. Mitsúnmi ꞌacësamaira oquin ca Nucën Papa Dios naínu ꞌicë an a ñucácë uni a upí ñu ꞌinánti ꞌicën.

Nukën 'Ibu Diosan ain unikama 'inan ain bana

¹¹ Mitsux 'atima uni 'ixunbi camina mitsun bëchicë upí ñu 'inanin. Mitsúnmi 'acësamaira oquin ca Nucën Papa Dios naínu 'icë an a ñucácë uni a upí ñu 'inánti 'icën.

Mateo 7:11 ပူးပေါင်းရင်းမြစ်များ

Génesis 6:5

Nukën ꞌIbu iskëxbi ka unin ꞌucha ꞌaisamaira ënë menu ꞌiakëxa, ꞌimainun a ꞌatima sinánñu ꞌixun ꞌatima ñuishi ꞌati sinánñuirabu ꞌiakëxa,

Génesis 8:21

Usokian ꞌaia ka Nukën ꞌIbu aín sanu upíira ꞌikë anu nukutia xëakëxa, xëti ka kiakëxa: Uinsaranbi kana amiribishi menu ꞌikë ñukama unin ꞌucha kupín këñunuxuma ꞌain, unin ka xura ꞌixuinshi ꞌatima ñu ꞌatishi sinania. ꞌImainun kana amiribishi ñuinakama ꞌaisamokin ꞌën bërí ꞌakësokin këñutëkëntima ꞌain.

2 Samuel 7:19

¡ꞌImainun ka min ñuikë banaxa chamara ꞌaínbi min ꞌati ñukama chaiira ꞌikën, ꞌËn ꞌIbu Dios ꞌëx kana min uni ꞌain, min kamina ꞌën aintsi ꞌibukaman rëbúnki ñui usakin ismina ꞌapu ꞌiminuxun ꞌai kiakën! ¡Uinu ꞌikë achúshi unixi ka mix Dios ꞌixun upíokin sinani kikësai banati ꞌaíma ꞌikën!

Salmos 84:11

Nukën ꞌIbu Dios an ka ꞌakianan nu bërúaia; Diosan ka uni an ñu upí ꞌai tsókë akama nuibanan ꞌakinia, ꞌakianan kana ꞌinanima kixun ñu upí ñonkinma ꞌinania.

Isaías 49:15

ꞌAínbi kara ¿achúshi titan aín tuá ꞌibubi nuibakë ꞌixunbi ënti ꞌik? ꞌAisatankin ka xanun aín tuá manuti ꞌikën, ꞌaínbi kana ꞌën mitsu uínsaranbi manutima ꞌain.

Isaías 63:7

ꞌËn kana ñuitisa tanin uisakin kara Nukën ꞌIbun nu nuibatia kixun, ꞌianan kana a rabi kantatisa tanin, kamabi ñu an nukama ꞌaxunkë a kupín, an ka Israel ꞌaintsikama ꞌitsaira nu nuibakin, ax nuibanankëira ꞌixun usakin ꞌaxa usa ꞌain, axëshi nuibanankë a ꞌikën.

Oseas 14:2

Usa ꞌain kamina Diosmi sinanatëkënkin ësokin mitsun a ñukáti ꞌain: “Nukaman ꞌuchakama kamina nu mëníoxunti ꞌain, mëníoxunkin kamina mix upí ixun nun mi rabikëxun upíokin kuati ꞌain.

Miqueas 7:18

Misaribi bëtsi Dios ka ꞌaíma ꞌikën, min kamina nux kuëënkësa oí ꞌikë a mëníokin, nuxnu ꞌuchakëkama a manuin, nukamax kananuna min unikama ꞌitsamashi tikikë a ꞌain. Min kamina nukama nuibatin usa ꞌain kamina mix xënibua ꞌaish nishkëma a ꞌain.

Malaquías 1:6

Ësokin ka Dios kamabi kushiñu an sacerdote unikama kaia: Aín bakë bëchikë bëbukaman ka aín papakaman kakëxun kuati ꞌikën, ꞌimainun ka an ñu mëmikë uni aín banakama an ñu mëëxunkë atúnribi kuati ꞌikën. Usaribiti kana ꞌëx mitsun papa ꞌain, ¿Uisa kupín kaina mitsun ꞌën kakëxun kuaisamatankanin? ꞌËx kana an mitsu ñumëmikë uni asa ꞌain, ¿uisa kupín kaina ꞌën kakësokin mitsun ꞌaisamatankanin? Mitsun kamina ꞌë istisama tankanin, usai ꞌibi kamina mitsux ësai kikanin: ¿Añu ꞌaxunkima karanuna mi timan?

Mateo 23:9

Uinu ꞌicë unibi camina ënë menua Nucën Papa caquin anëtima ꞌain, Nucën Papa Dios naínu ꞌicë, ax cuni ca asérabi mitsun Papa ꞌicë, usa ꞌain.

Mateo 7:10

¿Tsatsa mi ñucácëxun caramina runu a ꞌinánti ꞌain? Camina ꞌinántima ꞌain.

Juan 3:16

Camabi uni asérabi nuibaquin ca Nucën Papa Diosan aín Bëchicë achúshi ënë menu xuacëxa, uicamax cara ami catamëtia axa nëtë́timoi abë ꞌinun.

Romanos 3:19

Usa banacama ca judíos unibunën cuanun Nucën Papa Diosan aín unicama cuënëomiacëxa quixun cananuna ꞌunanin. Aín bana ꞌináncëma pain ꞌixun ca Nucën Papa Diosan judíos unicama ainan ꞌinun ꞌimiacëxa. Ainan ꞌimitancëxun ca uisaira cara ainan ꞌaish uni upí ꞌiti ꞌicë quixuan ꞌunánun aín bana judíos unicama ꞌináncëxa. A bana isquin ca judíos unicamainshima camabi unin ꞌunánti ꞌicën, uisairai ꞌi cara Nucën Papa Diosan iscëx atun nuitu upíma ꞌicë quixun.

Romanos 3:9

¿Nucën Papa Diosan cara judíos unicama bëtsi unicamasama upíira isin? Usama ca. Cana mitsu can, judíosma unicama ꞌicësaribiti ca judíos unicamaribi aín sinan upíma ꞌaish ꞌuchañu ꞌicën.

Romanos 8:32

An ca —ꞌën Bëchicë ca bamatima ꞌicë —quiquinma nun ꞌuchacama cupía bamanun ënë nëtënu aín Bëchicë xuacëxa. Usa ꞌixun ca aín Bëchicë cupínu nux upitax tsónun nu ꞌimianan anun nu upitax tsóti ñucamaribi nu ꞌinánti ꞌicën.

Gálatas 3:22

Usa ꞌaínbi ca Nucën Papa Diosan bana cuënëo —camabi unin ca ñu ꞌatima ꞌaia —quia. A banaxa asérabi ꞌain ca axa Jesucristo cupí ami catamëcë unicamaxëshi Nucën Papa Diosan iscëx upí ꞌiti ꞌicën, an aín rëbúnqui achúshi ñuiquin Abraham cásabi oi.

Santiago 1:17

Camabi uisa ñu cara upí ꞌicë, ax ca Nucën Papa Dios naínu ꞌicë, an bari, ꞌuxë, ꞌispa acama unio, an camabi uni ꞌináncë ꞌicën. A ñucamaxa bënamëanan bëánquicë ꞌaínbi ca Nucën Papa Dios axira usabi ꞌiá ꞌaish usabi ꞌicën.

1 Juan 3:1

Nux cananuna Nucën Papa Diosan bëchicë ꞌain, an cacësabi oi. An aín bëchicë ca quixun nu cacë cupí cananuna ꞌunánti ꞌain, uisaira oquin cara an nu nuibatia quixun. Usa ꞌaínbi ca an ënë menu ꞌicë ñuishi sináncë unicaman ainanma ꞌixun Nucën Papa Dios ꞌunáncëma cupí, nux cananuna aín bëchicë ꞌai quixun ꞌunanima.

1 Juan 4:10

Ami sináncëxunmabi unicama nuibaquin ca Nucën Papa Diosan, a cupí unin ꞌuchacama tërë́ncë ꞌinuan ënë menuax bamanun aín Bëchicë xuacëxa. Usoquin xuá ꞌain cananuna ꞌunanin, usaira oquin ca Nucën Papa Diosan unicama nuibatia quixun.