Mateo 6:9 - Kashibo-Kakataibo Biblia

⁹ Usa ꞌain camina ësaquin cai Nucën Papa Diosbë banati ꞌain: Nucën Papa Dios, naínu ꞌicë, mix camina asérabi min sinan upíira ꞌain. Usa camina mix ꞌai quixun ca camabi uni mi ñui upí banáinshi banati ꞌicën.

Nukën 'Ibu Diosan ain unikama 'inan ain bana

⁹ Usa 'ain camina ësaquin cai Nucën Papa Diosbë banati 'ain: Nucën Papa Dios, naínu 'icë, mix camina asérabi min sinan upíira 'ain. Usa camina mix 'ai quixun ca camabi uni mi ñui upí banáinshi banati 'icën.

Mateo 6:9 ပူးပေါင်းရင်းမြစ်များ

2 Samuel 7:26

¡ꞌËn kana usakinmi kakëxa atux mi sinani mimi katamëti ënima xënibua ꞌaínbi mi rabianan min anë ñui kamabi menu ꞌikë unikaman kuatanun, min kamina upíokin ñu ꞌai kixun ñuiti kuëënin, ꞌimainun kana min uni David ꞌën rëbúkinkama upíokin sinánkë unibu ꞌikëmi, min upíokin ꞌakinti kuëënin!

1 Reyes 8:43

Usa ꞌain kamina anumi ꞌikë naíkamë ꞌëo anuxunbi kuakin, añu kara mi ñukákania akamabi ꞌakinti ꞌain, usakinmi ꞌaia kuakin ka bëtsi bëtsi menu tsókë unikamanribi min uni Israelkaman ꞌakësaribi okin mi ꞌaxunkin, ꞌën mi ꞌaxunkë xubu ënëx ka anuxun asérabi a rabiti ꞌakë ꞌikë kixun atúnribi ꞌunánti ꞌikën.

Nehemías 9:5

usokin ꞌatankëxun ka levita unikama Josué, Cadmiel, Binuy, Hasabnía, Serebías, Hodía, Sebanías ꞌimainun Petahía akaman kakëxa: “Chairukin kamina Nukën ꞌIbu Dios rabikanti ꞌain. ¡Ax ka kushiira ꞌikë, usa ꞌain ka xënibua ꞌaínbi aín anë upíokin sinánxunkin rabikë ꞌiti ꞌikën!”

Salmos 115:3

Nun ꞌIbu Dios ax ka naínu ꞌikën; usa ꞌixun ka añu kara ꞌaisa tania akamabi ꞌakëxa.

Salmos 72:18

Chúamarua ka Israel unikaman ꞌIbu ꞌimainun atun Dios ax ꞌiti ꞌikën, axëshi ka an ñu chaiirabu ꞌakë a ꞌikën;

Isaías 6:3

Usai ꞌika bëtsibë bëtsibë kánani ësai kiaxa: “Nukën ꞌIbu kamabi kushiñu ax ka upíira upí, upíira upí ꞌikën; kamabi an menu unio ñukaman ka ax ka kushiira ꞌikë kixun ꞌunania.”

Isaías 63:16

¡Mix kamina nukaman papa ꞌain! Abrahamnëa nukama ꞌunanima ꞌimainuan Israel unikama numi sinánkëbëmabi kamina, Nun ꞌIbu ꞌianan nukaman papa ꞌain; usa ꞌixun kamina ënënsaran nëtëma ꞌa ꞌixunma min ꞌakësabi okin nu bitëkënin.

Isaías 64:8

Usa ꞌaínbi kamina mix Nun ꞌIbu ꞌaish nun papa ꞌain; nukamax kananuna me uniokë ꞌain, usa ꞌain kamina mix an me bëtsi bëtsi ñu tankin ꞌakë usaribi ꞌain; ¡usa ꞌain kananuna kamabi nukamax minbi me unío ꞌain!

Isaías 66:1

Ësai ka Nukën ꞌIbu kiaxa: “Naíkamë ꞌëo ax ka ꞌëx anu tsókë a ꞌikën, ꞌimainun ka me axribi anu ꞌën taë nankë ꞌikën. ¿Uinu kara achúshi xubu ꞌë ꞌaxunti ꞌit? ¿Uinu kara anu tantiti achúshi xubu ꞌë ꞌaxunkanti ꞌit?

Ezequiel 36:23

ꞌËn kana bëtsi bëtsi ëmanu ꞌikë unikama ꞌën anë chaiira upí a ismiti ꞌain, mitsun kamina atunuxun ꞌën anë ꞌatima okankën; usakin ꞌakëbëtan ka bëríra ꞌëx kana ꞌain ꞌIbu ꞌai kixun ꞌunánkanti ꞌikën. ꞌËx Dios ꞌaish kana, asérabi ësai kin.

Habacuc 2:14

Usa ꞌain ka bakakaman a mi saëkin aín ꞌumpaxan parúmpapa buákarukë usaribi okin kamabi menu ꞌikë unikaman Diosan aín kushin ñu ꞌakë ꞌunánti ꞌikën.

Malaquías 1:11

Kamabi me kuainakëanu tsókë unikaman ka ꞌë rabia; ꞌimainun ka kamabi menuxun ꞌë rabikin ro sanuira xaronan ñu upíirabukama aribi a isi ꞌëx kuëëntisabi okin upíokin ꞌaia.

Mateo 10:29

ꞌIsáratsu ca cupíma ꞌicë unin curíqui ꞌitsamaratsu anun maruquin rabë́ biti ꞌicën. Chamaratsu ꞌaísha aín cupí ꞌitsamashi ꞌicëbi ca Nucën Papa Diosan camabi ꞌisá achúshi achúshi isia. Usaquian bërúancë ꞌaish ca Nucën Papa Dios cuëëncëbëma bamaima.

Mateo 23:9

Uinu ꞌicë unibi camina ënë menua Nucën Papa caquin anëtima ꞌain, Nucën Papa Dios naínu ꞌicë, ax cuni ca asérabi mitsun Papa ꞌicë, usa ꞌain.

Mateo 26:29

ꞌËn cana mitsu cain, ësa uvas baca cana ënuxun ꞌatëcëniman. ꞌËn Papan nëtë anua axa aín unicaman ꞌApu ꞌicë, anuxun cuni cana mitsubëtan ꞌatëcënti ꞌain.

Mateo 26:42

Usaquin cabiani cuantëcënxun ca Jesusan Nucën Papa Diosbë banatëcënquin ësaquin catëcëancëxa: —ꞌËn Papa Dios, mixmi ꞌën bërí paë tantima cuëëncëbëma cana mix cuëëncësabi oi ꞌiti ꞌain.

Mateo 5:16

Usaribi oquin camina mitsun mibë ꞌicë unicama upiti bucuti ꞌunánun ꞌaquincë ꞌaish lamparínsaribi ꞌiti ꞌain. Mitsun ñu upí ꞌaia isquin ca cuëënquin a unicaman min Papa Dios naínu ꞌicë a rabiti ꞌicën.

Mateo 5:48

Usa ꞌain camina mitsun Papa Dios, axa naínu ꞌicë, an sináncësaribi oquin sinánti ꞌain.

Mateo 6:14

Mitsun axa mitsumi ꞌuchacë uni usaribi oquin cupiquinma a manumi abë upí ꞌia ca mitsun Papa Dios naínu ꞌicë an mitsux ami ꞌuchacëcama tërë́nquin manuti ꞌicën.

Mateo 6:6

A unicamaxa usai ꞌicëbëbi camina mitsux usai ꞌitima ꞌain. Mitsux min Papa Diosbë bananux min ꞌitinu atsínquin camina min xëcuë xëputi ꞌain. Xëputancëx camina, min Papa Diosribi ca anu ꞌicë quixun ꞌunani, abë banati ꞌain. Mitsua unin isiamabi ca min Papa Dios, an camabi ñu isanan camabi sinan ꞌunáncë, ax mixmi abë banaia cuati cuëënti ꞌicën. Cuëënquin ca mitsu upí oquin sinánxunti ꞌicën.

Mateo 7:11

Mitsux ꞌatima uni ꞌixunbi camina mitsun bëchicë upí ñu ꞌinanin. Mitsúnmi ꞌacësamaira oquin ca Nucën Papa Dios naínu ꞌicë an a ñucácë uni a upí ñu ꞌinánti ꞌicën.

Lucas 15:18

Usa ꞌain cana ꞌën papanu cuanti ꞌain. Cuanx bëbaquin cana ësaquin cati ꞌain: Papan, cana Nucën Papa Diosmi ꞌuchanan mimiribi ꞌuchan.

Lucas 15:21

Usaquian bicëxun ca aín papa caxa: Papan, cana Nucën Papa Diosmi ꞌuchanan mimiribi ꞌuchan. Usa ꞌain camina ꞌëx cana min bëchicë ꞌai quiax quitima ꞌain.

Lucas 2:14

—¡Naínu ꞌicë Nucën Papa Dios rabinun ca ꞌat! ¡Ënë nëtënuaxa Nucën Papa Diosbë upí ꞌicë unicamax ca chuámashirua ꞌican!

Juan 20:17

Usaquian cacëxun ca Jesusan María cacëxa: —ꞌË ramëxunma pan ca ꞌat, ën Papanu cana cuancëma pain ꞌain. Cuantancëxun ca ësaquin ꞌën xucë́ncama catan: An ca ꞌë caxa, ꞌëx cana ꞌën Papa axa mitsun Paparibi anu cuanin. Ax ꞌën Papa Dios ꞌaish ca mitsun Papa Diosribi ꞌicën.

Romanos 1:7

Ënë quirica cana cuënëoxunin, Roma ëmanuaxmi Nucën Papa Diosan nuibaquin ainan ꞌinun caíscë ꞌaish ax cuëëncësabi oi ꞌicë, micamaishi. Nucën Papa Dios ꞌimainun Nucën ꞌIbu Jesucristonën nuibaquin ꞌaquincëxmi chuámarua bucucanti cana cuëënin.

Romanos 8:15

Usa uni camina mitsux ꞌain. Mitsu aín bëchicë ꞌimiquin ca Nucën Papa Diosan mitsúxmi bëráma ꞌiásaribiti mitsun ꞌucha cupí ami racuë́tëcënun ꞌimicëma ꞌicën. Aín Bëru Ñunshin Upí an ca, ainan ꞌaish cuëënquinu Nucën Papa Dios, Paponun nu ꞌimia.

Gálatas 1:1

ꞌËx cana Pablo ꞌain. Unin ca Jesucristo ñuiquin uni bana ñuixunun ꞌë caísama ꞌicën. Nucën Papa Dios, an a bamacë ꞌicëbi baísquimicë, abëtan ca Jesucristonën aín bana ñuixunun ꞌë caísacëxa.

Gálatas 4:6

Mitsux camina asérabi aín bëchicë ꞌai quixunmi ꞌunánun ca Nucën Papa Diosan aín Bëchicënën Bëru Ñunshin Upí mitsubëa ꞌinun xuacëxa. Usa ꞌain camina aín bëchicë ꞌixun —ꞌën Papa Dios camina mix ꞌai —quixun Nucën Papa Dios cain.

1 Timoteo 6:16

Nucën Papa Dios axëshi ca cëñutima usabi ꞌia. Ax ca uíxbi bëbaquiantisama oquian pëcacë nëbë́tsi ꞌicën. Uínu ꞌicë unínbi ca a isáma ꞌicën. Istisama ca ax ꞌicën, uínbi ca a isima. Ax cushiira cushi ꞌicë ca xënibua ꞌaínbi camabi unicama ꞌimainun ángelcamanribi a rabiti ꞌicën. Usaquin ca ꞌati ꞌicën.

1 Pedro 1:17

Nucën Papa Diosan ca camabi uni uisa ñu cara ꞌaxa quixun isia. Usa ꞌain camina mitsun —Nucën Papa Dios ax ca ꞌën Papa ꞌicë —quixun sinani aín nëtënu ꞌinux ënë nëtënu pan ꞌiquin ñu ꞌatima ꞌatimi racuë́quin upí ñuishi ꞌati ꞌain.

Apocalipsis 4:11

Nucën ꞌIbu Dios, min camina camabi ñu uniocën. Mix cuëëncësabi oi ca ꞌiacëxa, mix cuëëncësabi oquin camina min cushínbi camabi ñu ënë menu ꞌicë ꞌimainun naínu ꞌicë ñuribi uniocën. Usa ꞌaish camina camabi unicama ꞌimainun ángelcamanribi rabitisa ꞌain.

Apocalipsis 5:12

Ësai ca munuma banai quiaxa: —Carnero ꞌicësaribitia unin ꞌucha cupí bama, ax ca bëtsibë sënë́nmaira ꞌicën. A unin ꞌacë, axa camabi unicaman ꞌapu ꞌianan, camabi ñun ꞌibu ꞌianan, camabi ñu ꞌunáncë, ꞌianan cushiira a ca camabi unicama ꞌimainun ángelcamanribi rabiti ꞌicën. Rabianan ca —asábi ca —quixun caquin rabiquin an cacë banacama cuati ꞌicën. Cuëënquin ca axribia cuëënun rabiti ꞌicën.