Mateo 6:6 - Kashibo-Kakataibo Biblia

⁶ A unicamaxa usai ꞌicëbëbi camina mitsux usai ꞌitima ꞌain. Mitsux min Papa Diosbë bananux min ꞌitinu atsínquin camina min xëcuë xëputi ꞌain. Xëputancëx camina, min Papa Diosribi ca anu ꞌicë quixun ꞌunani, abë banati ꞌain. Mitsua unin isiamabi ca min Papa Dios, an camabi ñu isanan camabi sinan ꞌunáncë, ax mixmi abë banaia cuati cuëënti ꞌicën. Cuëënquin ca mitsu upí oquin sinánxunti ꞌicën.

Nukën 'Ibu Diosan ain unikama 'inan ain bana

⁶ A unicamaxa usai 'icëbëbi camina mitsux usai 'itima 'ain. Mitsux min Papa Diosbë bananux min 'itinu atsínquin camina min xëcuë xëputi 'ain. Xëputancëx camina, min Papa Diosribi ca anu 'icë quixun 'unani, abë banati 'ain. Mitsua unin isiamabi ca min Papa Dios, an camabi ñu isanan camabi sinan 'unáncë, ax mixmi abë banaia cuati cuëënti 'icën. Cuëënquin ca mitsu upí oquin sinánxunti 'icën.

Mateo 6:6 ပူးပေါင်းရင်းမြစ်များ

2 Reyes 4:33

Usa ꞌain ka anu atsínkin anua ꞌuxkë a xëpúax Eliseo Diosbë banakëxa. Usa ꞌain ka tuá ñukë a ꞌimainun Eliseo ashi anua ꞌuxkë ꞌukëmëu anu ꞌiakëxa.

Salmos 34:15

Nukën ꞌIbun ka aín bana ꞌakë unikama bërúaia, usa ꞌixun ka an ñukákëxun kuakin ꞌakinia.

Proverbios 25:22

usakin ꞌakëx ka axa mimi nishkë uni ax katë́ti sinanati ꞌikën, usakinmi ꞌaia ka Diosan mi upí isti ꞌikën.

Isaías 65:24

ꞌImainun kana atun ꞌë ñukákin sënë́onkë, ꞌaímabi ꞌakinti ꞌain; atúxa ꞌëbë banai sënë́nkë ꞌaímabi kana ꞌën ꞌunánkë ꞌiti ꞌain, ꞌën kana atun bana kuakë ꞌinuxun ꞌain.

Mateo 14:23

Xutancëxun anu ꞌicë unicama cabiani ca Jesús axëshi matánu Nucën Papa Diosbë banai cuancëxa. Nucën Papa Diosbëa banamainun ca bari cuabuacëxa. Bari atsíncëbëa baquíshcëbë Jesús axëshi anu ꞌimainuan

Mateo 6:18

Unían ꞌunántisama ꞌinun usai mëníocaxmi samatia ca mitsun Papa Dios, an camabi unin sinan ꞌunáncë, ainshi mitsu isti ꞌicën. Isi cuëënquin ca upí oquin mitsu sinánxunti ꞌicën.

Mateo 6:4

Raíri unin isnunma camina uni ñu ꞌinánti ꞌain. Usaquinmi ꞌaia isi ca Nucën Papa Dios, an camabi unin ñu ꞌaia iscë, ax cuëënti ꞌicën. Cuëënquin ca mi upí oquin sinánxunti ꞌicën.

Juan 1:48

Quia ca Natanaelnën cacëxa: —¿Uisaxun caramina ꞌë ꞌunan? Cacëxun ca Jesusan cacëxa: —Mi caia Felipe cuancëma pan ꞌaínbi cana mi higuera tanáinua isan.

Juan 20:17

Usaquian cacëxun ca Jesusan María cacëxa: —ꞌË ramëxunma pan ca ꞌat, ën Papanu cana cuancëma pain ꞌain. Cuantancëxun ca ësaquin ꞌën xucë́ncama catan: An ca ꞌë caxa, ꞌëx cana ꞌën Papa axa mitsun Paparibi anu cuanin. Ax ꞌën Papa Dios ꞌaish ca mitsun Papa Diosribi ꞌicën.

Hechos 10:30

Cacëxun ca Pedro Cornelionën cacëxa: —Rabë́ ꞌimainun rabë́ nëtë ca ꞌëx anun ësañuribi baria cuabúcëbë, ꞌëx ꞌicësabi ñubi piaxma ꞌën xubunuax Nucën Papa Diosbë banaëxancë ꞌicën. Banaquin iscëx ca uni achúshi aín chupa chaba chabaquicë ꞌaish ꞌën bëmánanu niracëxanxa.

Hechos 10:9

Xucëx pëcaraquiani bain cuani Jope ꞌuramaquianmainun ca bari xamárucëbë Nucën Papa Diosbë banai Pedro tapitinën xubu mascuan cata itsi masapan oquin ꞌacë anu ꞌiruacëxa.

Hechos 9:40

Ismicëxun anu ꞌicë xanucama ëman chiquínun catancëx ca Pedro rantin purúanx tsóbuax Nucën Papa Diosbë banacëxa. Banatancëxun, anua racácë au bësuquin isquin ca cacëxa: —Tabita, ca nirut. Cacëxëshi bëpëquiquin Pedro isi nirui ca tsóracëacëxa.

Romanos 8:5

An Jesucristomi sinánquinma aín cuëëncësa oquinshi ꞌati sináncë unin ca ënë nëtënu ꞌicë ñuishi ꞌati sinania. Usa ꞌaínbi ca axa Jesucristomi sináncë unin Nucën Papa Diosan Bëru Ñunshin Upitan sinánmicë ꞌixun an sinánmicësabi oíshi ꞌiti sinania.

Efesios 3:14

Usa mitsux ꞌain cana Nucën ꞌIbu Jesucristonën Papa, Nucën Papa Dios, a rantin purúnquin mitsu ñucáxunin.