Mateo 6:4 - Kashibo-Kakataibo Biblia

⁴ Raíri unin isnunma camina uni ñu ꞌinánti ꞌain. Usaquinmi ꞌaia isi ca Nucën Papa Dios, an camabi unin ñu ꞌaia iscë, ax cuëënti ꞌicën. Cuëënquin ca mi upí oquin sinánxunti ꞌicën.

Nukën 'Ibu Diosan ain unikama 'inan ain bana

⁴ Raíri unin isnunma camina uni ñu 'inánti 'ain. Usaquinmi 'aia isi ca Nucën Papa Dios, an camabi unin ñu 'aia iscë, ax cuëënti 'icën. Cuëënquin ca mi upí oquin sinánxunti 'icën.

Mateo 6:4 ပူးပေါင်းရင်းမြစ်များ

Salmos 139:12

usa ꞌaínbi ka bëánkibukë anbi min istisama okin ꞌë unëtima ꞌikën, ꞌianan ka bëánkibukë ax nëtësaira ꞌinun pë́kikë ꞌiti ꞌikën. ¡Min iskëx ka nëtë xabá usaribi bëánkikë ax ꞌikën!

Proverbios 25:22

usakin ꞌakëx ka axa mimi nishkë uni ax katë́ti sinanati ꞌikën, usakinmi ꞌaia ka Diosan mi upí isti ꞌikën.

Jeremías 23:24

¿Uix kara ꞌën istimaisakiax unëti ꞌik? ꞌËx kana naíkamë ꞌëonu ꞌianan kamabi menuribi ꞌain. ꞌËx min ꞌIbu ꞌaish kana ësai kin kiax ka Dios kiakëxa.

Mateo 10:42

Ax ꞌën uni ꞌaísha ꞌëmi upiti catamëcë ꞌicëmabi axa shimaia isquin —ax ca Jesucristonën uni ꞌicë —quixun sinánquin ꞌumpax ꞌináncë uni a ca Nucën Papa Diosan upí isia.

Mateo 6:18

Unían ꞌunántisama ꞌinun usai mëníocaxmi samatia ca mitsun Papa Dios, an camabi unin sinan ꞌunáncë, ainshi mitsu isti ꞌicën. Isi cuëënquin ca upí oquin mitsu sinánxunti ꞌicën.

Mateo 6:3

A unicamax usai ꞌicëbëbi camina mitsux usai ꞌitima ꞌain. Min ñuñuma uni ñu ꞌinánquin camina bëtsi uni catima ꞌain, min abë nuibanancë uni abi camina catima ꞌain.

Mateo 6:6

A unicamaxa usai ꞌicëbëbi camina mitsux usai ꞌitima ꞌain. Mitsux min Papa Diosbë bananux min ꞌitinu atsínquin camina min xëcuë xëputi ꞌain. Xëputancëx camina, min Papa Diosribi ca anu ꞌicë quixun ꞌunani, abë banati ꞌain. Mitsua unin isiamabi ca min Papa Dios, an camabi ñu isanan camabi sinan ꞌunáncë, ax mixmi abë banaia cuati cuëënti ꞌicën. Cuëënquin ca mitsu upí oquin sinánxunti ꞌicën.

Lucas 14:14

Usa unicaman ca min ꞌacësaribi oquin miribi pi cuanun quixun camitima ꞌicën. Camicëma ꞌicëbi ca an iscë́xmi upí ꞌicë, anúan bama unicamax baísquiti nëtë ꞌicëbëtan Nucën Papa Diosan aín nëtënuaxmi cuëënun mi ꞌimiti ꞌicën.

Lucas 8:17

Uni itsin isnunma ꞌacë ñucama ꞌimainun uni itsin cuanunma quicë banacama abi ca ꞌunáncë ꞌiti ꞌicën.

1 Corintios 4:5

Usa ꞌain camina Jesucristo utëcëncëma pain ꞌain, uisa uni cara uni itsi ꞌicë quixun sinántima ꞌain. Utëcënxun ca Nucën ꞌIbu Jesucristonën, camabi uni an unë́xun ñu ꞌacëcama ꞌimainun aín nuitu mëúa sináncë ñucamaribi, an upí oquin ꞌunánun ꞌunánmiti ꞌicën. ꞌUnánmicëbëtan ca Nucën Papa Diosan ui unicaman cara aín ꞌucha tërë́ncë ꞌixun ñu upí ꞌaxa, a usaribi oquin —upí oquin camina ꞌa —quixun caquin cuëënmiti ꞌicën.

Hebreos 4:13

Axa an unio ꞌaish Nucën Papa Diosmi unë́ti uisa ñubi ca ꞌaíma ꞌicën. An uni aín ñu ꞌacë cupí, uisa cara oti ꞌicë quixun ꞌunáncë, Nucën Papa Dios, an ca camabi ñua unin ꞌaia ꞌunánan aín nuitu mëúa chiquinaquinma sináncë ñubi ꞌunania.

Judas 1:24

An ñu ꞌatima ꞌaxúnmami ꞌanun mitsu bërúanan an iscëxmi upí ꞌaish cuëëni aín nëtënu abë ꞌinun mitsu ꞌimiti, ax ca Nucën Papa Dios ꞌicën.

Apocalipsis 2:23

ꞌAnan cana a xanun ꞌunánmicë ꞌixuan an ꞌatima ñu ꞌacë unicamaribi aín tuása ꞌicë acama bamamiti ꞌain. ꞌËn usaquin ꞌacëbëtan ca camabi ëmanu ꞌicë axa ꞌëmi catamëcë unicaman ꞌunánti ꞌicën, ꞌën cana camabi unían sináncë ñu ꞌunanin, uisaquin cara aín nuitu mëu sinania quixunribi cana ꞌunanin. ꞌUnánquin cana an upí oquin sinánquin ñu ꞌacë uni axa upitax ꞌinun ꞌimianan, an ꞌatima ñu ꞌacë uni a aín ꞌucha cupí uisoquin carana ꞌati ꞌai usoquin ꞌati ꞌain.

1 Samuel 2:30

Usa ꞌain ka Israel unibunën Dios an mi ꞌimainun min aintsi aín ñu mëëti ꞌaxúnun ꞌinánkë ax bërí kiaxa: Uinsaranbi kana atun ësokin, ꞌë ñu ꞌaxúnun ꞌamitima ꞌain, ꞌakinma kana an ꞌë nuibakë aribi nuibati ꞌain, ꞌanan kana ꞌëmi kuaikin ñu ꞌakë a nuibatima ꞌain. ꞌËx min ꞌIbuira ꞌaish kana ësai kin.