Mateo 6:18 - Kashibo-Kakataibo Biblia

¹⁸ Unían ꞌunántisama ꞌinun usai mëníocaxmi samatia ca mitsun Papa Dios, an camabi unin sinan ꞌunáncë, ainshi mitsu isti ꞌicën. Isi cuëënquin ca upí oquin mitsu sinánxunti ꞌicën.

Nukën 'Ibu Diosan ain unikama 'inan ain bana

¹⁸ Unían 'unántisama 'inun usai mëníocaxmi samatia ca mitsun Papa Dios, an camabi unin sinan 'unáncë, ainshi mitsu isti 'icën. Isi cuëënquin ca upí oquin mitsu sinánxunti 'icën.

Mateo 6:18 ပူးပေါင်းရင်းမြစ်များ

Mateo 6:4

Raíri unin isnunma camina uni ñu ꞌinánti ꞌain. Usaquinmi ꞌaia isi ca Nucën Papa Dios, an camabi unin ñu ꞌaia iscë, ax cuëënti ꞌicën. Cuëënquin ca mi upí oquin sinánxunti ꞌicën.

Mateo 6:6

A unicamaxa usai ꞌicëbëbi camina mitsux usai ꞌitima ꞌain. Mitsux min Papa Diosbë bananux min ꞌitinu atsínquin camina min xëcuë xëputi ꞌain. Xëputancëx camina, min Papa Diosribi ca anu ꞌicë quixun ꞌunani, abë banati ꞌain. Mitsua unin isiamabi ca min Papa Dios, an camabi ñu isanan camabi sinan ꞌunáncë, ax mixmi abë banaia cuati cuëënti ꞌicën. Cuëënquin ca mitsu upí oquin sinánxunti ꞌicën.

Romanos 2:6

A nëtën ca Nucën Papa Diosan camabi uni uisaquin cara oti ꞌicë quixun isti ꞌicën, atun ñu ꞌacësabi oquin.

2 Corintios 10:18

Axa rabiacacë uníxma, axa Nucën ꞌIbu Jesucristonën iscëx upí ꞌicë uni, ax cuni ca asérabi upí ꞌicën.

2 Corintios 5:9

Usa ꞌain cananuna ënë nëtënu ꞌaish ꞌicësaribiti aín nëtënuxunribi ax cuëëncësa oquin ñu ꞌati cuëënti ꞌain.

1 Pedro 1:7

Ënëx ca ësa ꞌicën. Asérabi cara curishi ꞌicë isnuxun ca unin curi tsi rëquirucënu xaroquin tania. Usaribiti camina mitsux caramina ami catamëcë ꞌai quixun isnuxun Nucën Papa Diosan tancë ꞌiti ꞌain. Curi ꞌaíshbi ca cëñúti ꞌicën. Usa ꞌaínbi camina tëmëraquinbi Nucën Papa Diosmi catamëquin ëncëma ꞌaish curisamaira ꞌiti ꞌain. Usaquin tancëxbimi asérabi ami catamëti ꞌain ca utëcënquin Jesucristonën —asérabi ꞌënan ꞌaish camina ꞌëbë ꞌaish cuëënti ꞌai —quixun mitsu cati ꞌicën.

1 Pedro 2:13

Nucën ꞌIbu Jesucristomi sináncë ꞌixun camina camaxunbi mitsun ꞌapucama ënë menua unin ꞌapu ꞌimicë, axa quicësabi oquin ñu ꞌati ꞌain. Amiira unicama cushicë ꞌapucëñunbi,