Mateo 6:16 - Kashibo-Kakataibo Biblia

¹⁶ Mitsux Nucën Papa Diosbë upiti bananuxun piima camina an uni paráncë uníxa ꞌicësaribiti ꞌitima ꞌain. A unicamax ca —Nucën Papa Diosmi sinánquin picëma ꞌaish ca upí uni ꞌicë —quixuan raíri unin sinánun quiax picëma ꞌianan masá nuitucësa ꞌia. Usai ꞌia uni raírinën a rabiabi ca Nucën Papa Diosan a upí isima.

Nukën 'Ibu Diosan ain unikama 'inan ain bana

¹⁶ Mitsux Nucën Papa Diosbë upiti bananuxun piima camina an uni paráncë uníxa 'icësaribiti 'itima 'ain. A unicamax ca —Nucën Papa Diosmi sinánquin picëma 'aish ca upí uni 'icë —quixuan raíri unin sinánun quiax picëma 'ianan masá nuitucësa 'ia. Usai 'ia uni raírinën a rabiabi ca Nucën Papa Diosan a upí isima.

Mateo 6:16 ပူးပေါင်းရင်းမြစ်များ

2 Samuel 12:16

Usai ꞌikëbë ka David aín bakë bëchikë chamara anun rabanan Diosbë banakin añubi piama ꞌikën. ꞌImainun ka a imë́kama usai Diosbë banai anua ꞌuxkë anu ꞌuxima men ꞌuxnë́akëxa.

2 Samuel 12:21

Usakian ꞌaia ka aín suntárunën kushikaman ñukákin kakëxa: —¿Uisa ꞌixun kaina mix nun ꞌapu ꞌixunbi usakin ꞌain? Min bakë bëchikë ñukëma ꞌain kamina, mix ꞌapu ꞌaínbi samáti anun rabanan ꞌianan usaibu ꞌikëma ꞌain; bërí ka min bakë bëchikë ñukë ꞌikën. ¡Usa ꞌain kamina mix nun ꞌapu ꞌaíshbi bëríra pi nirua!

1 Reyes 21:27

Ësokia Dios kikë bana Elíasnën ñuixunkëxun a banakama kuakin ka Ahabnën aín chupa abi tukai ꞌikiani aín xubunu kuanxun chupa xënira pañutankëx añubi pima a pañukë chupa xënira añabi ꞌuxanan, masá nuitukëishi ꞌaish niakëxa.

Nehemías 1:4

Ësokin ꞌë kakëxun a banakama kuatankëx kana tsótax iankën uiti nëtë ꞌitsaira masánuituti ꞌiakën, usai ꞌi pikëmëanan abë banakin kana naínu ꞌikë Nukën ꞌIbu Dios ñukákën.

Salmos 69:10

Usa ꞌain ꞌëx pima ꞌianan inia isi unikama ꞌëmi kuaikania;

Daniel 9:3

Usa ꞌain kana añu ñubi pima chupa xëni pañuax chimapunu tsókin ësokin Dios ñukákën.

Malaquías 3:14

Ësai kamina mitsux kian: Diosan ñu mëëti ꞌakë ax ka ñankáishibi ꞌakë ꞌikën. ¿Añu karanuna aín bana kikësokin ꞌanan Dios kamabi kushiñu an isnun kixun uni ñukë ꞌain ꞌakësa okin chupa pañuax nikin a ꞌinánti biti ꞌain?

Mateo 6:1

ꞌËx upí ꞌicëa camabi unin isnun cana ñuñuma uni ñu ꞌinánti ꞌai quixun camina sinántima ꞌain. An usaquin sinánquin uni itsi ñu ꞌináncë uni a ca Nucën Papa Dios naínu ꞌicë, an upí isima.

Mateo 6:2

Usa ꞌain camina ñuñuma uni ñu ꞌinánquin an uni paráncë unicaman ꞌacësaribi oquin ꞌatima ꞌain. Unin atu rabiti cuëënquin ca anu judíos unicama timë́ti xubunuxun ñu ꞌinánan bainuxunribi camabi unin isnun ñuñuma uni ñu ꞌinania. Usoquian ꞌinania isquin ca an a iscë unicaman a rabiquin, ax ca upí uni ꞌicë quixun caia. Unicaman usa uni rabiabi ca Nucën Papa Diosan a upí isima.

Mateo 6:5

Mitsux Nucën Papa Diosbë banai camina an uni paráncë unicama ꞌicësa oi ꞌitima ꞌain. Atux ca unían a isnun quiax anua judíos unicama timë́ti xubunuax ꞌianan anun niti bai cuëbí anuaxribi Nucën Papa Diosbë banaia. Asérabi cana mitsu cain, a unicamaxa usai Nucën Papa Diosbë banaia iscë unicaman —ax ca upí uni ꞌicë —quixun sinánquin rabia. Usaquin rabiabi ca Nucën Papa Diosan a upí isima.

Marcos 2:18

Usa ꞌain ca Juan, an uni nashimicë, aín ꞌunánmicë unicama ꞌimainun fariseo unicaman, Nucën Papa Dios sinani samáquin picëbëtanma, uni raírinën anu cuanxun Jesús cacëxa: —Juanën ꞌunánmicë unicamax ca Nucën Papa Diosmi sinani bëtsi bëtsi nëtën pima samatia. Usaribiti ca fariseonëan ꞌunánmicë unicamaxribi ꞌia. ¿Usa ꞌaínbi cara uisacasquin min ꞌunánmicë unicaman samáquinma pin?

Lucas 18:12

ꞌËx cana camabi semana rabë́ nëtën pima samatin. ꞌËn ñu mëëquin bicë curíquia mëcën rabë́ ꞌicëbi cana acama mësú, décima parte, a anuxun Nucën Papa Dios rabiti xubunu buánquin, sacerdote ꞌinanin.

Lucas 2:37

Mëcën achúshi ꞌimainun rabë́ baritia ꞌicëbë casunamëa ꞌaish ca ochenta y cuatro baritiañu ꞌiacëxa. Usa ꞌixun ca anuxun a rabiti xubunuax camabi nëtën abë banaquin Nucën Papa Dios rabiacëxa. A upí oquin sinánuxun ca bëtsi bëtsi nëtën piama ꞌicën. Nëtë́nbi imë́bi ca usaquin Nucën Papa Dios rabiacëxa.

Hechos 10:30

Cacëxun ca Pedro Cornelionën cacëxa: —Rabë́ ꞌimainun rabë́ nëtë ca ꞌëx anun ësañuribi baria cuabúcëbë, ꞌëx ꞌicësabi ñubi piaxma ꞌën xubunuax Nucën Papa Diosbë banaëxancë ꞌicën. Banaquin iscëx ca uni achúshi aín chupa chaba chabaquicë ꞌaish ꞌën bëmánanu niracëxanxa.

Hechos 14:23

Usoquin canan anua ꞌicë ëmacamanuax axa Jesucristomi catamëcë unicamabë timë́quin ca atun cushi ꞌinun, axa asérabi Jesucristomi catamëcë unicamaishi anëacëxa. Anëtancëx píma abë banaquin ca —axa mimi catamëcë ënë unicama camina upí oquin ñu ꞌanun sinánmianan bërúanti ꞌai —quixun Nucën Papa Dios atu ñucáxuancëxa.

1 Corintios 7:5

Usa ꞌain ca xanun aín bënë aín nami ꞌaisa tancëxun timatima ꞌicën. ꞌImainun ca unínribi aín xanu aín nami ꞌamitisa tancëxun timatima ꞌicën. A rabëtaxbi upiti Nucën Papa Diosbë banatisa tani cananquin mëníotancëx cuni ca ënánanti ꞌicën. Ñunshin ꞌatimanën ꞌapúan ꞌatimaquin sinánmicëx tënëtisama tani ꞌuchati rabanan biránantëcënuxbi ca bënëtishi ënánanti ꞌicën.

2 Corintios 11:27

Ñu mëëi cana tëmëracën. ꞌUxti tëanan cana ꞌacëñuma ꞌaish panancë ꞌianan, shimanan, chupañuma ꞌaish matsin bamatisa ꞌiacën. Usai cana tëmëracën. Usa ꞌaish cana usabii ꞌin.

2 Corintios 6:5

Unían nu mëëanan sipuanan raíri uni numi tsuáquirumimainun ꞌaisamaira oquin ñu mëëanan, ꞌuxti tëanan ꞌacëñuma ꞌaish panancë ꞌixunbi cananuna bënë́quinma tanshitin.