Mateo 6:12 - Kashibo-Kakataibo Biblia

¹² Unían nu ꞌatimocëxunbinu aribi ꞌatimoquinma a ñucama sinánquinma manucësaribi oquin camina nun ꞌacë ꞌatima ñucama nu tërë́nxunquin manuti ꞌain.

Nukën 'Ibu Diosan ain unikama 'inan ain bana

¹² Unían nu 'atimocëxunbinu aribi 'atimoquinma a ñucama sinánquinma manucësaribi oquin camina nun 'acë 'atima ñucama nu tërë́nxunquin manuti 'ain.

Mateo 6:12 ပူးပေါင်းရင်းမြစ်များ

1 Reyes 8:30

Usa ꞌain kamina ꞌën ñukákëxun kuanan min unikama Israel atúnribi anuxun mi rabiti xubu ënëmia iskin mi ñukákëxun atun bana kuati ꞌain. Kuakin kamina anumi ꞌikë naíkamë ꞌëo anuxunbi, ꞌatima ñu ꞌaínu ꞌuchakë akama nu mëníoxunti ꞌain.

1 Reyes 8:34

kuakin kamina anumi ꞌikë naíkamë ꞌëo anuxunbi atúxa ꞌuchakëkama tërënxunti ꞌain, usokin ꞌaxun kamina anu tsónumi nun chaitiokëkama ꞌinan me ënubi amiribishi bëtëkënti ꞌain.

1 Reyes 8:50

ꞌAkianan kamina min kaisa unikama atúxa mimi ꞌuchakë ꞌikëbi mëníoxunkin bana kuakëma unibu ꞌikëbi atux ꞌuchakëkama tërënxunti ꞌain. Usakin ꞌanan kamina axa atumi nishkë unikama atúan nuibakin ꞌakinun sinánmiti ꞌain.

Salmos 130:4

ꞌAínbi kamina min nux ꞌuchakëkama nu mëníoxunin, usa ꞌixun kananuna nun mi rabiti kuëënin.

Salmos 32:1

Ui unin kara aín ꞌuchakama chikinakin ñu ꞌatima ꞌakë ënia ax ka kuëënia, usai ꞌikëbë ka asérabi aín ꞌuchakama ꞌaíma ꞌitánun mëníoxunkë ꞌia.

Éxodo 34:7

ꞌImainun kana bërámabi usa ꞌia ꞌaish xënibua ꞌaínbi usabi ꞌixun nuibakin uin kara bana kuakinma ñu ꞌatima ꞌai ꞌëmi ꞌuchaia akama mëníoxunti ꞌain; ꞌaínbi kana usashi ënkinma axa ꞌuchakë uni ꞌatima oti ꞌain, usakin ꞌanan kana aín papa ꞌuchakë kupínribi aín bakë bëchikëkama ꞌimainun aín babakama ꞌianan aín bëchikënën bëchikënëan bakë bëchipakëkamaribi ꞌatima oti ꞌain.

Isaías 1:18

Ësai ka Dios kiaxa: “Bërí kamina uisai kaina ꞌikanti ꞌai kiax ënë bana mëníonanti timë́ti ꞌuti ꞌain: Mitsun ꞌuchakamaxa uvas baka chininkë chëxëira iskësa ꞌikëbi kana, axa matsi irukë uxuira uxu iskësa ꞌitánun mitsu mëníoxunti ꞌain; atun ꞌuchakamaxa chupa bëtsi bëtsi ñun pukukë iskësaribi ꞌikëbi kana, ꞌën xapu uxuira uxu iskësa ꞌitánun mëníokin tërënxunti ꞌain.

Daniel 9:19

¡Nukën ꞌIbu, Nukën ꞌIbu! ¡Nun bana kamina kuati ꞌain, nun ꞌakë ñukama kamina nu mëníoxunti ꞌain! ¡ꞌAnan kamina nukamannu mi ñukákëkama nu ꞌakini uti ꞌain! ¡Mixi Dios ꞌixun ꞌanan kamina min ëma ꞌimainun min unikama an min anë rabikë akama ꞌakinti ꞌain kamina basitima ꞌain!

Mateo 26:28

ꞌËn imi ꞌapati ꞌëx bamacë cupí ca ꞌaisamaira unix aín ꞌuchacama tërë́ncë ꞌaish Nucën Papa Diosnan ꞌiti ꞌicën. Ënëx ca a ꞌapati ꞌëx bamati a ꞌicën.

Mateo 9:2

Bëbacëbëa ꞌitsa uni timë́cëbëtan ca raírinën uni achúshi ñucë nirucuaínquinbi tancëma bacë́tinu racánxun bëacëxa. Bëquin ca —Jesusan ca ënë uni pëxcuti ꞌicë —quixun aín nuitu mëu sináncëxa. Sinania atun sinan ꞌunánquin ca Jesusan ñucë uni cacëxa: —Chuámashi ca ꞌit. Min ꞌuchacama ca tërë́ncë ꞌicën.

Marcos 11:25

Unibë ꞌaisama ꞌaish Nucën Papa Dios naínu ꞌicë abë banaquin camina axa mimi ꞌuchacë uni cupiti sinánquinma a pain manuti ꞌain, usaribi oquian Nucën Papa Diosan min ꞌucha tërë́nquin manunun.

Lucas 11:4

Unían nu ꞌatimocëxunbinu aribi ꞌatimoquinma a ñucama sinánquinma manucë ꞌain camina nuxnu ꞌuchacëcama nu tërë́nxunquin manuti ꞌain. Ñunshin ꞌatimanën ꞌapúan nu ñu ꞌatima ꞌamixunma ꞌanun camina nu bërúanti ꞌain.

Lucas 13:4

¿Siloénu ꞌicë torre manáinra ꞌaish chaxcë́ira, ax atunu rurucubucëbëa bamacë dieciocho uni ax isa Jerusalénu ꞌicë uni raíri ꞌicësamaira oi ꞌuchaxa quixun caramina sinanin?

Lucas 6:37

Bëtsi uni ami manánquin ꞌuchocëma ꞌicë ca Nucën Papa Diosan mitsuribi ꞌuchotima ꞌicën. ꞌImainun ca ꞌuchoquinmi uni, bëtsi uni castícanmicëma ꞌicë Nucën Papa Diosan mitsuribi ꞌuchoquin castícantima ꞌicën. Uni itsíxa mitsumi ꞌuchacëxunbi camina abë mëníonanquin manumiti ꞌain. Usoquin ꞌaími unibë mëníonania ca Nucën Papa Diosan mitsux ami ꞌuchacëxunbi mitsun ꞌucha tërë́nquin manuti ꞌicën.

Hechos 13:38

ꞌËn xucë́antu, usa ꞌain camina ꞌunánti ꞌain, Jesús cupíshi ca uni aín ꞌuchacama tërë́ncë ꞌiti ꞌicën. Ca usa ꞌicë quixun cananuna mitsu cain.

Efesios 1:7

An ca nun ꞌucha cupínu ainanma ꞌicëbi Cristo bama ꞌain, nun ñu ꞌaisama ꞌacëcama tërë́nquin ainan ꞌinun nu ië́miaxa, an nu nuibaquin.

Efesios 4:32

Usai ꞌima camina abë nuibanani uni itsibë ꞌaquiananti ꞌain. Mitsumi nishquian unin ꞌatimocëxbi camina abë tanánantima ꞌain. Usai ꞌima camina uisa cara mi ocëxbi a manui abë upí ꞌiti ꞌain. Mitsun ñu ꞌaisama ꞌacëcama manuia, Nucën Papa Dios Cristo cupí mitsubë upí ꞌain, camina usaribiti uni itsibë ꞌiti ꞌain.

Colosenses 3:13

Mimi nishquian unin ꞌatimocëxunbi aribi ꞌatimoíma camina usaquian mi ꞌacë ñucama a manui abë upíshi ꞌiti ꞌain. Nucën ꞌIbu Cristonëan tërë́nxunquin mitsun ꞌuchacama manucësaribi oi camina axa mimi ꞌuchacë uni aín ꞌucha manumi abë upí ꞌiti ꞌain.