Mateo 6:11 - Kashibo-Kakataibo Biblia

¹¹ Camabi nëtë́nmi ꞌacësaribi oquin camina ënë nëtë́nribi nun piti anun nux tsóti a nu ꞌinánti ꞌain.

Nukën 'Ibu Diosan ain unikama 'inan ain bana

¹¹ Camabi nëtë́nmi 'acësaribi oquin camina ënë nëtë́nribi nun piti anun nux tsóti a nu 'inánti 'ain.

Mateo 6:11 ပူးပေါင်းရင်းမြစ်များ

Salmos 34:10

Ñuñuira unikama ax ka ñuñuma ꞌi tikiti ꞌikën, usai ꞌi ka ñuñu ꞌaínbi ꞌitsaira pananti ꞌikën, ꞌaínbi ka axa Nukën ꞌIbumi katamëkë unikamax uínsaranbi upí ñuñumama ꞌitima ꞌikën.

Isaías 33:16

akamax ka upitax rakuë́tima tsóti ꞌikën, usai ꞌika ami katamëti achúshi xubu mapara ꞌakë ami katamëanan, aín piti ꞌitsaira ñu ꞌianan, a xëati ꞌumpax ꞌitsairañu ꞌaish ñuñumama ꞌitima ꞌikën.

Mateo 4:4

Cacëxunbi ca Jesusan cacëxa: —Ësai ca Nucën Papa Diosan bana cuënëo quia: “Pán piishi ca uni tsótima ꞌicën. Uisai cara Nucën Papa Dios quia a bana ꞌairibi ca uni tsóti ꞌicën”.

Lucas 11:3

Bërí nëtën camina nun piti anun nux tsóti a nu ꞌinánti ꞌain.

2 Tesalonicenses 3:12

Usa unicama cananuna Nucën ꞌIbu Jesucristonën nu sinánmicësabi oquin ꞌësëquin cain, atun cuëëncë ñu binuxun ca uni itsi ubíoquinma atúnbi ñu mëëti ꞌicë quixun.

1 Timoteo 6:8

Usa ꞌain cananuna pitiñu ꞌianan chupañu ꞌaish cuëënquin ꞌaisamaira ñuñu ꞌiti sinántima ꞌain.

Rut 1:6

Achúshi nëtën ka Noemínën Moab menu ꞌixun Nukën ꞌIbun kaísa aín menua numi chaiira ꞌikëbi nëtë́miaxa kixun ñuikania kuakëxa.