Mateo 6:10 - Kashibo-Kakataibo Biblia

¹⁰ Aín ꞌApu ꞌicëa camabi unin mi rabiti cana cuëënin. Usaquian mi ꞌanun camina ꞌimiti ꞌain. Min nëtënuxuan ángelcaman ꞌacësaribi oquian ënë nëtënuxun unicaman mix cuëëncësabi oquin ꞌati cana cuëënin.

Nukën 'Ibu Diosan ain unikama 'inan ain bana

¹⁰ Aín 'Apu 'icëa camabi unin mi rabiti cana cuëënin. Usaquian mi 'anun camina 'imiti 'ain. Min nëtënuxuan ángelcaman 'acësaribi oquian ënë nëtënuxun unicaman mix cuëëncësabi oquin 'ati cana cuëënin.

Mateo 6:10 ပူးပေါင်းရင်းမြစ်များ

Nehemías 9:6

Ësokin unikama katankëxun ka Esdrasnën Dios ësokin kakëxa: “Mixmi Dios ira ꞌain ka misaribi Dios uixi ꞌitima ꞌikën. Min kamina naíkamë ꞌëo ꞌanan a manámia ꞌikë ñukama këñun anu ꞌikë ꞌispakamaribi uniokën; ꞌanan kamina meribi ꞌatankëxun anu ꞌikë ñukamaribi ꞌakën, ꞌatankëxun kamina parúmpapanu ꞌikë ñukamaribi ꞌakën. Usa ꞌain ka min ꞌimikëx kamabi ñukamax upiti tsotia. Usa ꞌikë ka min ángel naínu ꞌikë kaman rabimainun menuxunribi mi rabiti ꞌikën.

Salmos 2:6

ꞌën kana axa ꞌapu ꞌiti uni anëan, usa ꞌain ka aín bashi upí Sión kakë anu ꞌapu ꞌiti ꞌikën.

Salmos 40:8

ꞌËn ꞌIbu Dios ꞌëx kana mix kikësabiokin ꞌai ꞌitsaira kuëënin; ¡usa ꞌain kana min ꞌunánmikë banakama manukinma ꞌën nuitunënbi sinanin!

Isaías 2:2

Nëtë xënibukëbë ka anúan ꞌiti nëtë ꞌikëbë anua Diosan xubu ꞌikë bashi ax bëtsi bashikamasamaira ꞌinuxun ꞌaia. Usa ꞌain ka a bashixa bëtsi bashikamasama ꞌain bëtsi menu ꞌikë kamabi unikamax anu uti ꞌikën;

Jeremías 23:5

Ësai ka Nukën ꞌIbu asérabi kiakëxa: “Ka is achúshi nëtë ka uti ikë, anúan Davidtan rëbúnki ꞌibuira, ax ꞌapu achúshi ñu ꞌunairakë ꞌixun unikama ꞌakinkin, Judá menu ꞌikë unikama ainra upíokin ñu ꞌaia bukunun ꞌakinti ꞌikën, usokëx ka ñu ꞌatima ꞌaíma upiti tsóti ꞌikën.

Daniel 2:44

Usa ꞌain ka ënë ꞌapukaman, tsókëpan aín unikama ꞌapu ꞌixun ꞌakinkëbëtan Dios naínu ꞌikë an achúshi me anu ꞌapu ꞌikë uinsaranbia bëtsi menu ꞌikë ꞌapukaman masókin atun sinánkësa okin ꞌanun ꞌimitima ꞌikën, usa ꞌixun ka ainra kamabi këñukin bëtsi menu ꞌikë ꞌapukama ꞌatankëx axira uínsarabi këñútimoi ꞌapu ꞌiti ꞌikën.

Daniel 4:35

An iskëx ka kamabi menu tsókë unikama ñuumara ꞌikën. An ka uisakin kara ꞌaisatania usakin naínu ꞌanan menuribi ñu ꞌaia. Usa ꞌain ka an usakin kamina min kushi ñu ꞌatima ꞌai kixun kanan, uisa kupín kaina usakin ñu ꞌai kixun an kati uni ꞌaíma ꞌikën.

Daniel 7:13

ꞌËn kana ënë ñukama namákësokin imë́ isan: Iskëbëshi ka nëtë kuin mëu unin bëchikësa ꞌaish uaxa, aia anua tsókë ami kikiani kuania ka uni apan an a ꞌurama onun ꞌamiaxa.

Daniel 7:27

Usa ꞌain ka Dios manámi ꞌikë an a rabikë unikama atux kushiira ꞌixúan, xënibua ꞌaínbi bëtsi bëtsi menu ꞌikë ꞌapukama ꞌakinun ꞌimiti ꞌikën. Usokin ꞌakinkëxun ka kamabi menu ꞌikë unikaman ain bana tankin ax kikësabiokin ꞌakánti ꞌikën.

Zacarías 9:9

(Ësai ka Dios kia.) ¡Sión ëmanu tsókë unikamax ka ꞌitsaira kuëënti ꞌikën! ¡ꞌImainun ka Jerusalén ëmanu tsókë unikama atúxribi kuëëni kantati ꞌikën! Mitsun ꞌapu, upí ainra kamabi ñu kananti ax ka aia, ꞌaínbi ka mënin sinaínshi ꞌaish, achúshi burro xanuntuá bërí kanikë a kamanan tsótax aia.

Mateo 12:50

Uicaman cara Nucën Papa Dios naínu ꞌicë ax cuëëncësabi oquin ꞌaia, acamax ca ꞌën xucën ꞌimainun ꞌën chirabacë ꞌimainun ꞌën tita ꞌicën.

Mateo 16:28

ꞌËn cana asérabi mitsu cain, axa ënu ꞌëbë ꞌicë uni raírinën ca bamacëma pain ꞌixun, uni ꞌinux Nucën Papa Diosnuax uá ꞌicë, ꞌëx cana asérabi ꞌën unicaman cushi ꞌai quixun isti ꞌicën.

Mateo 26:42

Usaquin cabiani cuantëcënxun ca Jesusan Nucën Papa Diosbë banatëcënquin ësaquin catëcëancëxa: —ꞌËn Papa Dios, mixmi ꞌën bërí paë tantima cuëëncëbëma cana mix cuëëncësabi oi ꞌiti ꞌain.

Mateo 3:2

Bana ñuixunquin ca cacëxa: —Anun Nucën Papa Diosan abë upí ꞌinun mitsu ainan ꞌimiti nëtë ca ꞌurama ꞌicën. Usa ꞌain ca Nucën Papa Diosmi sináncë ꞌaíshmabi sinanati ami sinan.

Mateo 4:17

Bana ñuixuntabaquin ca Capernaúm ëmanu ꞌixun Jesusan anu ꞌicë unicama ësaquin cacëxa: —Anun Nucën Papa Diosan abë upí ꞌinun mitsu ainan ꞌimiti nëtë ca ꞌurama ꞌicën. Usa ꞌain ca ami sináncë ꞌaíshmabi sinanati ami sinan. Usaquian anuxun bana ñuixunquin cacësabi oquin ca Jesusan ꞌitsa oquin a bana unicama ñuixuancëxa.

Mateo 7:21

An —mix camina ꞌën ꞌIbu ꞌai —quixun ꞌë cacë unicama ax ca camáxira Nucën Papa Dios naínu ꞌicë aín nëtënu abë ꞌitima ꞌicën. An aín cuëëncësabi oquin ꞌacë unicamax cuni ca anu abë ꞌiti ꞌicën.

Marcos 11:10

Nucën rara Davitan rëbúnqui, ami sinania Nucën Papa Diosan ainan nu ꞌimiti, a ca ënëx ꞌicën. Nucën Papa Dios naínu ꞌicë, aribi cuëënquin rabinun ca ꞌacan.

Marcos 3:35

Uicaman cara Nucën Papa Dios cuëëncësabi oquin ꞌaia, acamax ca ꞌën xucën ꞌimainun ꞌën chirabacë ꞌimainun ꞌën tita ꞌicën.

Lucas 19:11

Usa ꞌain ca Jesusan Zaqueo caia cuaquin, Jerusalén ꞌurama ꞌain, abë ꞌicë unicaman sináncëxa, —Jerusalénu bëbatancëx ca Nucën Papa Diosan ꞌimicëx Jesúsëshi judíos unibunën ꞌapu ꞌiti ꞌicë —quixun.

Lucas 19:38

Rabi ca quiacëxa: —Nucën ꞌIbu Diosan xucëxa ucë, ënë ꞌApux ca bërí aia. A ca camabi unin rabiti ꞌicën. Naínu ꞌicë Nucën Papa Diosaxribi ca cuëënia. Aribi ca camabi unin rabiti ꞌicën.

Lucas 22:42

Banaquin ca cacëxa: —Papan, mix cuëëncëbëtanma cana ꞌën bërí tëmëratima ꞌain. Usa ꞌaínbi cana ꞌëx cuëëncësa oi ꞌitima ꞌain, mix cuëëncësa oíshi cana ꞌiti ꞌain.

Juan 4:34

Canania isquin ca Jesusan cacëxa: —An ënë menu ꞌë xuá axa cuëëncësabi oquin ꞌanan an a ꞌanun ꞌë ca, a sënë́onuxun ꞌai cana ꞌëx picësa ꞌain. Usaquin ꞌën ꞌacëx ca ax ꞌën piti ñusa ꞌicën.

Juan 6:40

An ꞌë xuá ax ca cuëënia, aín Bëchicë, ꞌëmi catamëcë unicamax nëtë́timoi abë ꞌiti. A unicama cana ꞌën ënë nëtë cëñúcëbëtan abë ꞌinun baísquimiti ꞌain.

Juan 7:17

Uinu ꞌicë unin cara Nucën Papa Dios cuëënun ñu ꞌaisa tania, an ca ꞌën carana Nucën Papa Diosan ꞌë sinánmicë bana ñuin, carana ꞌënbi sináncë bana ñui quixun ꞌunánti ꞌicën.

Hechos 13:22

Cuarenta baritia ꞌicëbëtan Saúl chiquíntancëxun ca Nucën Papa Diosan David Israel unicaman ꞌapu ꞌimiacëxa. David ñui ca Nucën Papa Dios quiacëxa: “ꞌËn iscëx ca Isaínën bëchicë, David, ax ꞌën sinánsaribi ꞌicën. Usa ꞌixun ca ꞌëx cuëëncësabi oquin ꞌati ꞌicën”.

Hechos 21:14

Usai quia Jerusalénu cuancatsi quia cananuna Pablo sinanamicasmacën. Usa ꞌain cananuna quiacën: —Nucën ꞌIbu Dios cuëëncësabi oi ca ꞌiti ꞌicën.

Hechos 22:14

Iscëxun ca ꞌë cacëxa: Nucën Papa Dios, a nucën raracamanribi rabia, an ca mi caísacëxa, añu cara ax cuëënia quixun ꞌunánanmi aín Bëchicë aín sinan upíira aribi ꞌunánan ax banaia cuanun.

Romanos 12:2

An ënë nëtënu ꞌicë ñuishi sináncë unicaman sináncësa oquin camina sinántima ꞌain. Usaquin sinánquinma camina sinanaquin uisairaimi upí ꞌiti cara Nucën Papa Dios cuëënia, usai ꞌiti ꞌunánan an ꞌaquincëx usai ꞌiti ꞌain.

Efesios 6:6

An mi iscëxuinshi camina axa cuëëntanun quixun uni ñu mëëxuntima ꞌain. Usoquin ꞌaxunquinma camina an iscëxunmabi Cristonën uni ꞌixun chiquíshquinma cuëënquin upí oquin uni ñu mëëxunti ꞌain, Nucën Papa Dios cuëëncësabi oquin.

Colosenses 1:13

Ñu ꞌatima ꞌatishi sinánan nux cuëëncësabi oíshi ꞌiisa taniabi ca Nucën Papa Diosan aín nuibacë Bacë Bëchicënan ꞌinun nu ꞌimiaxa.

Colosenses 1:9

Epafrasnëan mitsu ñuiquin nu cacë bana cuaxun cananuna ënquinma Nucën Papa Dios mitsu ñucáxunin. Uisaími ꞌiti cara Nucën Papa Dios cuëënia, a mitsu ꞌunánminun ñucáxuanan cananuna an aín unicama ꞌunánmiti ñucama mitsu ꞌunánminun a ñucatin.

1 Tesalonicenses 4:3

Nucën Papa Dios ca cuëënia mitsúxmi ainan ꞌaish ax cuëëncësabi oíshi ꞌiti. Ax ca cuëënia mitsun xanuma, xanu itsibë ꞌitima ꞌianan xanúxmabi bëtsi unibë ꞌitima.

1 Tesalonicenses 5:18

Uisa ñu cara ꞌicëbëtanbi camina mitsun Nucën Papa Dios —asábi ca —quixun cati ꞌain. Jesucristomi catamëcë ꞌixunmi mitsun usaquin a cati ca Nucën Papa Dios cuëënia.

Hebreos 1:14

Camabi ángelnëx ca an Nucën Papa Dios ñu ꞌaxuncë ꞌicën. Usa ꞌixun ca an xucëxun, uicamax cara an mëníosabi oi Nucën Papa Diosnan ꞌinux ië́nuxun ꞌaia, acama ꞌaquinia.

Hebreos 10:36

Jesucristo ucëbë ax quicësabi oi Nucën Papa Diosan nëtënu abë ꞌinuxun camina uni itsían mitsu tëmëramicëxbi a taníma usabi Cristomi catamëquin ax cuëëncësabi oquin ꞌati ꞌain.

Hebreos 10:7

Usa ꞌain cana mi can: ꞌËn Papa Dios, mix cuëëncësabi oquinshi ꞌanux cana ënë nëtënu ain, min bana cuënëo quicësabi oi.

Hebreos 13:21

anbia an iscë́xmi upí ꞌinun ꞌimianan ax cuëëncësabi oquinmi upí ñuishi ꞌanun mitsu ꞌimiti cana cuëënin. ꞌIanan cana an, Jesucristo cupí, ax cuëëncësabi oquin nu ꞌimiti cuëënin. A ca aín unicaman xënibua ꞌaínbi ënquinma rabiti ꞌicën. Usaquin ca ꞌati ꞌicën.

1 Pedro 2:15

Mitsúnmi upí ñuishi ꞌati ca Nucën Papa Dios cuëënia. Usaquinmi ꞌaia isi ca an Nucën Papa Diosan bana ꞌunáncëma ꞌixun an upí oquin sináncëma unicama ax mitsumi uisaíbi banatima ꞌicën.

1 Pedro 4:2

Usa ꞌixun ca axa Jesucristomi sináncëma unin sináncësa oquin sinanima Nucën Papa Dios cuëëncësa oishi ꞌia, anúan bamati nëtëa ꞌitámainun.

Apocalipsis 11:15

Usa ꞌain ca a ángelnënbi aín manë banañu banoxa. Banocëbëtan cana naínuax sharati munuma banaia ësai quia cuan: Bërí ca Nucën ꞌIbu Dios ꞌimainun Cristo, Nucën Papa Dios an uni ië́minun caísa, axëshi ꞌApu ꞌia. Nëtë́timoi usabi ꞌinux ca ꞌia.

Apocalipsis 12:10

Usaía ꞌicëbëtan cana Nucën Papa Diosan nëtënuaxa ësai munuma banaia cuan: —An ami catamëcë unicama, nucën xucë́antu, ꞌatimaquin ñuiquin nëtë́quinma nëtë́nbi ꞌimë́bi Nucën Papa Dios manóncë, ax ca ënua chiquíncë ꞌicën. Usa ꞌain ca bërí an aín cushínbi ainan ꞌinun uni ië́micë, Nucën Papa Dios, ainshi asérabi aín ꞌApu ꞌixun, aín unicama bërúanan Cristo atun ꞌIbu ꞌinun ꞌimiaxa.

Apocalipsis 19:6

Usai quicëbëtan cana ꞌaisamaira uni munuma cushin banacësari banaia cuan. A banax ca baca xuqui cushíinra banarucësari ꞌianan caná munuma banacësaribi ꞌiaxa. Ësai banaia cana cuan: Nucën ꞌIbu Dios axa aín cushi chaira ꞌaish bëtsi cushisama, ax ca ꞌApuira ꞌicën. A cananuna munuma banaquin rabin.

Apocalipsis 20:4

Acama istancëxun cana anu tsóti cha bëtsi bëtsi isan. Anu ca an uni raíri ñu upí cara ꞌaxa, ñu upíma cara ꞌaxa quixun isti, acama tsócë ꞌiaxa. Acama isanan cana axa —ꞌëx cana Jesúsnan ꞌai —quiquin bana ñuixuncë cupí tëbíscacë unicama, ꞌimainun axa Nucën Papa Diosan bana cuacë cupí tëbíscacë unicama, acaman ñunshínribi isan. Acamax ca ꞌitsa maxcáñu ꞌianan ꞌitsa matúxca ñuinacanꞌëo a rabima, ꞌianan a tanquin unin ꞌacë ñu a rabima, ꞌianan ainan ꞌinun ꞌunántioquin aín bëmánan ꞌimainun aín mëcën cuënëocëma ꞌiaxa. ꞌËn iscëx ca acamax bama aíshbi baísquiaxa. Baísquitancëx ca Cristobë mil baritia ꞌapu ꞌiaxa.