Mateo 5:7 - Kashibo-Kakataibo Biblia

⁷ An ꞌaquinsa ꞌicë uni itsi nuibaquin ꞌaquincë uni a ca Nucën Papa Diosanribi nuibaquin ꞌaquinti ꞌicën. Usai ca ꞌiti ꞌicë quixun ꞌunani ca chuámarua tani cuëënia.

Nukën 'Ibu Diosan ain unikama 'inan ain bana

⁷ An 'aquinsa 'icë uni itsi nuibaquin 'aquincë uni a ca Nucën Papa Diosanribi nuibaquin 'aquinti 'icën. Usai ca 'iti 'icë quixun 'unani ca chuámarua tani cuëënia.

Mateo 5:7 ပူးပေါင်းရင်းမြစ်များ

2 Samuel 17:28

Bitankëxun ka anua nukúkë David anúan ꞌuxi rakúti chupa ꞌinánan anun mëchukati ꞌumpax anu nanti a ꞌinánan kënti me ꞌakë kama a ꞌinánan trigo bimi cebada harina putuakë ꞌimainun ñu bëru tutush okë uvas ëskakë a ꞌimainun purutusa ñu bimi akamaribi ꞌinánkankëxa,

2 Samuel 22:26

Dios mix kamina min kikësabiokin ñu ꞌanan uin kara min kakësabiokin ꞌaia aribi usabi okin ꞌakinin, ꞌimainun kamina uin kara min kakësama okin ꞌaima aribi ꞌásabiokin ꞌakinin,

Salmos 37:26

Usa ꞌixun ka kamabi nëtën nuibakin bëtsi aín ñu na ꞌinántëkënun ꞌinania; usakin ꞌakëbë ka aín bakë bëchikëkama ax upíokin sinánxunkë ꞌia.

Daniel 4:27

Usa ꞌain kamina ꞌën mi kakësokinbi ꞌati ꞌain, ꞌai kamina amiribishi ꞌuchatëkënkinma ꞌupiokin ñu ꞌati ꞌain, ꞌakin kamina ꞌatima okinmi ñu ꞌakë ënkin uni ñuñumakama ꞌakinti ꞌain, usokin ꞌai kamina ꞌapu ꞌaish uínbi uisabi okëma kuëëni tsóti ꞌain kixun ka Danielnën ꞌapu kakëxa.

Oseas 1:6

Usa ꞌain ka Oseasnën xanu Gómer kakë ax amiribishi tutëkëntankëx achúshi xanu tuá bakë́ankëxa. Bakënkë ꞌain ka Diosan Oseas kakëxa: “Min ini bëchikë bakënkë a kamina Lo-ruahama kakin anëti ꞌain, ꞌën kana amiribishi Israel menu ꞌikë ꞌapu nuibatëkëntima ꞌain, ꞌianan kana atun ꞌakë ñu ꞌatimakama tërënxunkin mëníotima ꞌain.

Oseas 2:1

Usa ꞌain kamina mitsun rarëbakëkama kati ꞌain: “Mitsux kamina Diosan unikama ꞌain.” ꞌImainun ka atun chirabakëkamax “Nuibakin kakë ꞌiti ꞌikën.”

Oseas 2:23

Usa ꞌain ka ꞌën me ꞌinánkëx anu tsóti ꞌën unikamax ꞌënanshi ꞌiti ꞌikën; usa ꞌain kana mi kana nuibatima kixun kakin ꞌën Lo-ruhama, kakin anëkin Israelkama nuibati ꞌain, ꞌimainun kana. Lo-amí ꞌën unima kamina ꞌai kixun ꞌën kakë Israelkama bërí kamina ꞌën unikama ꞌai kixun kati ꞌain, kakëxun ka atun mix kamina ꞌën Dios ꞌai kixun ꞌë kati ꞌikën. Kiax ka Dios kiakëxa.”

Miqueas 6:8

Ënë ñukama ꞌaxunti ka Dios kuëënima, an ka nukama kaxa uisa ñux kara upí ꞌikën, ꞌimainun uisa ñu nun ꞌaxunti kara ax kuëënia: ax ka ësa ꞌikën, bëtsi unikamabë upí ꞌiti, uisa ñu ꞌakatsi karanuna kia usakinbi ꞌati, ꞌimainun an kakësabiokin ꞌanan ax kikësabiokin ñu ꞌati.

Marcos 11:25

Unibë ꞌaisama ꞌaish Nucën Papa Dios naínu ꞌicë abë banaquin camina axa mimi ꞌuchacë uni cupiti sinánquinma a pain manuti ꞌain, usaribi oquian Nucën Papa Diosan min ꞌucha tërë́nquin manunun.

Lucas 6:35

Usa ꞌaínbi camina mitsun axa mitsumi nishcë uni nuibaquin ꞌaquinsa ꞌicë ꞌaquinti ꞌain. Unían mitsu ñu ñucácëxun camina —anribi ca ꞌë ꞌinántima ꞌicë —quixun ꞌunánquinbi, ꞌinánti ꞌain. Usaquin ꞌaia isquin ca Nucën Papa Dios, manámi ꞌicë, an cuëënun mitsu ꞌimiti ꞌicën. Mitsun usaquin ꞌai camina asérabi aín bëchicë ꞌaish an sináncësaribi oquin sináncë ꞌiti ꞌain. An ca uni ꞌaisama ꞌimainun an —asábi ca —quixun a cacëma uni aribi ñu ꞌinánan ꞌaquinia.

Romanos 11:30

Mitsux judíosma unibu ꞌixun aín bana ꞌunanima camina Nucën Papa Dios cuëëncësoi ꞌiáma ꞌain. Usai ꞌiáma ꞌicëbi ca judíos unibu ami sinántisama tancë ꞌain Nucën Papa Diosan ainan ꞌinun mitsu ꞌimiaxa.

1 Corintios 7:25

Nucën ꞌIbu Jesusan sinánmicëma ꞌëxbi cana, bënëñuma xanu ꞌimainun xanuñuma uni ñuiquinmi mitsun ꞌë ñucácë a ñui ësai quin, Nucën ꞌIbu Jesusan aín bana unicama ax cuëëncësabi oquin ñuixunti ꞌimicë ꞌaish.

2 Corintios 4:1

Ësoquin cana mitsu cain, ꞌuchañuira ꞌicëbi nuibaquin sinanamixun ca Nucën Papa Diosan aín bana uni ñuixunun nu ꞌimiaxa. Usa ꞌain cananuna masá nuituquin ënquinma aín bana uni ñuixunin.

Efesios 4:32

Usai ꞌima camina abë nuibanani uni itsibë ꞌaquiananti ꞌain. Mitsumi nishquian unin ꞌatimocëxbi camina abë tanánantima ꞌain. Usai ꞌima camina uisa cara mi ocëxbi a manui abë upí ꞌiti ꞌain. Mitsun ñu ꞌaisama ꞌacëcama manuia, Nucën Papa Dios Cristo cupí mitsubë upí ꞌain, camina usaribiti uni itsibë ꞌiti ꞌain.

Colosenses 3:12

ꞌItsaira nuibaquin ca Nucën Papa Diosan ainan ꞌaish an iscëx upí ꞌinun mitsu caísacëxa. Usa ꞌixun camina mitsúnribi bëtsi uni nuibaquin upíoti ꞌain. Usoquin ꞌanan camina —ꞌëx cana bëtsi unisamaira ꞌaish upí ꞌai —quixun sinántima ꞌain, masáquin sinani camina bënëtishi unimi nishtima ꞌain.

1 Timoteo 1:13

Jesús ñui ꞌatimati bananan ꞌatimaquin sinánquin aín unicama tëmëramianan ꞌatimaquin ñuia ꞌicëbi ca ꞌë aín uni ꞌimiacëxa. ꞌËx Jesucristomi catamëcëma pan ꞌianan ax ca Nucën Papa Diosan Bëchicë ꞌicë quixun ꞌunáncëma ꞌixun usoquin ꞌa ꞌicë ca Nucën Papa Diosan nuibaquin ꞌën ꞌuchacama ꞌë tërë́nxuancëxa.

1 Timoteo 1:16

ꞌËx ꞌuchañuira ꞌicëbia Jesucristonën ꞌëmi nishquinma ainan ꞌë ꞌimicë cupí ca axa ami catamëti xënibua ꞌaínbi Nucën Papa Diosbë ꞌiti unicaman ꞌunánti ꞌicën, usaribi oquin ca Jesucristonën aribi Nucën Papa Diosnan ꞌinun ꞌimiti ꞌicë quixun. Atúan usaquin ꞌunánun ca Nucën Papa Diosan nuibaquin ꞌë ainan ꞌimiacëxa.

Hebreos 4:16

Asérabi ca usa ꞌicë quixun ꞌunánquin cananuna ami racuë́quinma, an nu nuibacë Nucën Papa Dios a nun ꞌuchacama tërë́nquin nu ꞌaquinun ñucáti ꞌain, an nu nuibacë cupí. Usaquin cananuna anúnu uisai cara ꞌicë nëtën, nuibaquian nu ꞌaquinun ñucáti ꞌain.

Hebreos 6:10

Nucën Papa Dios, an ca aín sinan upí ꞌixun, mitsúnmi aín unicama nuibaquin upiti bucunun ꞌaquianan bëríribi usoquin mitsun ꞌaia, manuquinma sinania.

Santiago 2:13

Anúan an camabi unin ñu ꞌacë isti nëtë anun ca Nucën Papa Diosan, an bëtsi uni nuibaquin ꞌaquincëma unicama a aín ꞌucha cupí uisa cara oti ꞌicë usoquin ꞌati ꞌicën. Usonan ca an bëtsi uni nuibaquin ꞌaquincë unicama ashi uisabi otima ꞌicën.

Santiago 3:17

Usa ꞌaínbi ca Nucën Papa Diosan sinánmicë unin upí oquinshi sinánquin upí ñu ꞌaia. Ca unibë nishananquinma nuibananquin bëtsi unían cacëxun cuaquin upí oquin bana sinánan uni itsiribi nuibaquin axa ꞌaquinsa ꞌicë ꞌaquinia. Usa unin ca cëmëma ꞌixun paránanquinma aín quicësabi oquin ꞌaia.

1 Pedro 2:10

Bëráma Nucën Papa Dios ꞌunáncëma ꞌiá ꞌaíshbi camina mitsux bërí aín uni ꞌain. An ca mitsu nuibaquin ꞌaquinti ꞌicë quixun ꞌunáncëma ꞌicëbia Nucën Papa Diosan nuibaquin mitsun ꞌuchacama tërë́nxuan ꞌaish camina ainan ꞌain.