Mateo 5:6 - Kashibo-Kakataibo Biblia

⁶ ꞌAcëñuma bamaia uni piti cuëëncësaribi oi Nucën Papa Diosan iscëx upí ꞌiti cuëëncë uni, a ca an usaía ꞌinun ꞌimiti ꞌicën. Usai ca ꞌiti ꞌicë quixun ꞌunani ca chuámarua tani cuëënia.

Nukën 'Ibu Diosan ain unikama 'inan ain bana

⁶ 'Acëñuma bamaia uni piti cuëëncësaribi oi Nucën Papa Diosan iscëx upí 'iti cuëëncë uni, a ca an usaía 'inun 'imiti 'icën. Usai ca 'iti 'icë quixun 'unani ca chuámarua tani cuëënia.

Mateo 5:6 ပူးပေါင်းရင်းမြစ်များ

Salmos 107:9

An ka axa shiman bamatisa tankë unikama ꞌumpax xëanun ꞌinania ꞌinánan ka ax numin bamatisa unikama aribi aín piti ꞌitsaira ꞌinania.

Salmos 145:19

An ka an rabikë unikaman kuëënkësokin ꞌaxuanan; uínsaran kara ꞌakinun ñukatia anun ka ñukákëxun kuankin, ꞌakianan ië́mia.

Salmos 63:5

Usai ꞌitsaira kuëëni kana, unin timë́xun piti upíokin ꞌaxun pianan xëai kuëënkësa usaribiti ꞌikin, ꞌën kuëbitanbi kuëënkin mi rabiti ꞌain.

Salmos 65:4

Chuámarua ka ami kaískë unikama an tania usa ꞌikë kamina mi ꞌurama ꞌinun atu ꞌimin, ꞌimikëx ka anuxun mi rabiti xubunu ꞌia. ¡Usa ꞌain ka min xubunu ꞌikë unikama min bana ꞌaiami ꞌakinkëx piti pi anun puchacë usa ꞌikën!

Salmos 84:2

¡ꞌËx kana kuëëinra kuëëni anua min xubu ꞌikë ëman me mëníokë anu ꞌiisa tanin! ¡Usa ꞌain kana ꞌën nuitunënbi kuëëni mixmi Dios an uni tsónun ꞌimikë mimi kantati ꞌain!

Isaías 41:17

Uni ñuñuma ꞌaish kuríkiñuma akaman ka ꞌumpax barikinbi mëraima. Usa ꞌaish ka ꞌumpax xëaima shimax aín tëru ëskia; ꞌaínbi kana ꞌëx aín ꞌIbu ꞌixun atu ꞌakinti ꞌain, ꞌëx Israel unikaman Dios ꞌixun kana atu ꞌakinkin ëntima ꞌain.

Isaías 44:3

ꞌën kana anu uni ꞌikëma menua ꞌumpax ꞌinun ꞌimiti ꞌain, ꞌimianan kana me ëskikë anuribia xëxákama rakanu ꞌimiti ꞌain. ꞌËn kana min rëbúnkikama amiribishi upiti tsókanun ꞌimianan, upíokin sinánxunkin ꞌakinti ꞌain.

Jeremías 31:25

Anuxun kana axa numikëkama a ain piti ꞌinánan, axa xëaima kushiñuma ꞌi atsánkë akaman xëati ñu ꞌitsaira ꞌinun ꞌimiti ꞌain” Kiax kiakëxa.

Lucas 1:53

Panancë unicama ca pimiaxa. Pimianan ca ñuñu unicama ñu ꞌinántëcënquinma ñancáishi cuantánun xuaxa.

Lucas 6:21

Mitsux ꞌacëñuma pananquinbi camina ꞌunánti ꞌain, mitsúxmi panani bënë́axma ꞌinun ca Nucën Papa Diosan mitsu ꞌinánti ꞌicën. Usai ca ꞌiti ꞌicë quixun ꞌunani camina chuámarua tani cuëënti ꞌain. Masá nuituti iníbi camina Nucën Papa Diosanbi ca ꞌë cuëënun ꞌimiti ꞌicë quixun ꞌunani chuámarua tani cuëënti ꞌain.

Lucas 6:25

Pitiñu ꞌimainun camabi ñuñu unicama, anúnmi mitsux pitiñuma ꞌianan ñuñuma ꞌiti nëtë ca uti ꞌicën. Ucëbë camina masá nuituirati ꞌain. Usaribiti mitsux bërí ꞌëmi sinanima cuëëni cuaicë ꞌaínbi ca anúnmi mitsux rarumati inti nëtë uti ꞌicën. Ucëbë camina masá nuituirai inti ꞌain.

Juan 4:14

Usa ꞌaínbi ca an ꞌën ꞌináncëxun ꞌunpax ꞌacë uni, ax amiribishi shimatëcëntima ꞌicën. Me ꞌucë mëúcüaxa chiquitia ꞌunpax xobucësaribiti ca ꞌën ꞌináncë ꞌunpax nëtëtima uninu ꞌiti ꞌicën. Usaía ꞌicëbë ca uni nëtë́timoi Nucën Papa Diosnan ꞌiti ꞌicën.

Juan 6:27

Axa chëquiti piti binuxuinshi camina ñu ꞌatima ꞌain. Usa ꞌain camina ainan ꞌaish Nucën Papa Diosbë nëtë́timoi ꞌinuxun ꞌëmi catamëquin axa cuëëncësabi oquin ꞌati ꞌain. Usaími ꞌinun mitsu ꞌiminun ca ꞌëx uni ꞌinux anuax uá, Nucën Papa Dios, an ꞌë ꞌimiacëxa.

Juan 7:37

Anúan judíos unicama Nucën Papa Dios rabinux Jerusalénu timë́cë nëtëcama sënë́nuxa pëcaracë nëtë ax ca a nëtëcamasamaira ꞌiacëxa. A nëtën ca nirui munuma banaquin Jesusan ësaquin unicama cacëxa: —Ui unix cara uníxa shiman bamai ꞌunpax ꞌaisa tani bënë́cësaribi oi ꞌënan ꞌiisa tani bënëtia a unix ca ꞌë cai ꞌëmi catamëti ꞌicën.

Apocalipsis 7:16

Carnero ꞌicësaribitia unin ꞌucha cupí bama, ax anua Nucën Papa Dios ꞌicë anu ꞌixun ca acamaxa nëtë́timoi upitax tsónun bërúanti ꞌicën. An ꞌaracacë ñuina aín ꞌibun upí oquin ꞌunpax ꞌamianan bërúancësaribi oquin ca an aín unicama bërúanti ꞌicën. An ca acama chuámarua tani cuëënun ꞌimiti ꞌicën. ꞌImainun ca Nucën Papa Diosanribi atúxa iní masá nuitutia nëtë́miti ꞌicën. Nëtë́mianan ca atúxa bëunan mëscutiabi aín bëun tërë́nti ꞌicën. Usa ꞌain ca anu ꞌicë aín unicamax tëmëratëcënima, ꞌianan ꞌacëñuma ꞌitëcënima, ꞌianan shimatëcënima, ꞌianan bari cushin xarotëcëncëma ꞌianan añu ꞌitsísbi tantëcëntima ꞌicën.