Mateo 5:26 - Kashibo-Kakataibo Biblia

²⁶ Cana mitsu asérabi cain, sipuacë ꞌixun camina min cushi quicësabi oquin curíquinën cupíoti ꞌain. A pain ancëquin cupíoi camina sipunubi ꞌiti ꞌain. Usaquin ꞌatin rabanan camina min cushinu bëbacëma pain ꞌaish axa mimi nishcë unibë mëníonanti ꞌain.

Nukën 'Ibu Diosan ain unikama 'inan ain bana

²⁶ Cana mitsu asérabi cain, sipuacë 'ixun camina min cushi quicësabi oquin curíquinën cupíoti 'ain. A pain ancëquin cupíoi camina sipunubi 'iti 'ain. Usaquin 'atin rabanan camina min cushinu bëbacëma pain 'aish axa mimi nishcë unibë mëníonanti 'ain.

Mateo 5:26 ပူးပေါင်းရင်းမြစ်များ

Mateo 10:29

ꞌIsáratsu ca cupíma ꞌicë unin curíqui ꞌitsamaratsu anun maruquin rabë́ biti ꞌicën. Chamaratsu ꞌaísha aín cupí ꞌitsamashi ꞌicëbi ca Nucën Papa Diosan camabi ꞌisá achúshi achúshi isia. Usaquian bërúancë ꞌaish ca Nucën Papa Dios cuëëncëbëma bamaima.

Mateo 18:34

Cai ami nishquin ca an ñu mëëmicë unin an sipu bërúancë uni caxa: An ꞌë ribíncë curíquicama cupíoquin sënë́ontamainun camina ënë uni sipunu tëmëraminun xëputi ꞌai —quixun.

Mateo 25:41

Usaquin catancëxun cana axa ꞌën mëmiu ꞌicë unicama cati ꞌain: Mitsux ꞌën unibuma ꞌaish ca ꞌë ꞌura cuantan. Cuanx ca manë tsi anua aín ꞌapubë ñunshin ꞌatimacama ꞌinun mënío anu ꞌitan.

Mateo 25:46

Usaquin ꞌën cacëx ca acamax anuxuan xënibua ꞌaínbi tëmërati anu cuanti ꞌicën. Cuancëbë ca ꞌën unicamax Nucën Papa Diosan nëtënu xënibua ꞌaínbi ꞌëbë ꞌi cuanti ꞌicën.

Marcos 12:42

Nancëbë uquin ca xanu casunamëcë ñuñuma, anribi manë curíqui rabë́ratsu nancëxa, axa cupímara ꞌicëbi.

Lucas 12:58

Bëtsi unían mimi nishquin, mitsun cushinu buáncëx, bain cuani camina anu bëbacëma pain ꞌaish, abë mëníonanti ꞌain. Mëníonancëxunma ca mimi nishcë uni axa mi ñui ami manáncëxun min cushin mi sipuati ꞌicën. Usa ꞌaíshmi sipuacë ꞌiti rabanan camina bëbacëma pain ꞌaish a unibë mëníonanti ꞌain.

Lucas 12:59

Cana mitsu cain, sipuacë ꞌixun camina min cushi quicësabi oquin curíquinën cupíoti ꞌain. A pain ancëquin cupíoi camina sipunubi ꞌiti ꞌain. Usaquin ꞌatin rabanan camina min cushinu bëbacëma pain ꞌaish axa mimi nishcë unibë mëníonanti ꞌain.

Lucas 16:26

ꞌImainun ca anu mix ꞌicë ꞌimainun anu nux ꞌicë nëbë́tsi nancë́cë nëmíinra ꞌicën. Usa ꞌain ca unix ënuax anu cuainsa tanibi anu cuancasmati ꞌicën, ꞌimainun ca uni anuax ënu uisa tanibi utima ꞌicën.

2 Tesalonicenses 1:9

Usoquian xënibua ꞌaínbi cëñútimoquin ꞌaisamaira oquin castícancë unicamax ca Nucën Papa Diosan nëtë upí, aín cushían pëcacë, anu Nucën ꞌIbu Jesúsbëma ꞌaish, a ꞌura ꞌianan aín cushin ꞌaquincëma ꞌiti ꞌicën.

Santiago 2:13

Anúan an camabi unin ñu ꞌacë isti nëtë anun ca Nucën Papa Diosan, an bëtsi uni nuibaquin ꞌaquincëma unicama a aín ꞌucha cupí uisa cara oti ꞌicë usoquin ꞌati ꞌicën. Usonan ca an bëtsi uni nuibaquin ꞌaquincë unicama ashi uisabi otima ꞌicën.