Mateo 5:18 - Kashibo-Kakataibo Biblia

¹⁸ Cana mitsu asérabi cain, naí ꞌimainun mecama cëñúcëma pain ꞌain ca a banacama quiásabi oi ꞌiti ꞌicën. Usai ca ꞌiti ꞌicë quiáxa quiá ꞌain ca achúshi banabi usai ꞌicëma ꞌitima ꞌicën.

Nukën 'Ibu Diosan ain unikama 'inan ain bana

¹⁸ Cana mitsu asérabi cain, naí 'imainun mecama cëñúcëma pain 'ain ca a banacama quiásabi oi 'iti 'icën. Usai ca 'iti 'icë quiáxa quiá 'ain ca achúshi banabi usai 'icëma 'itima 'icën.

Mateo 5:18 ပူးပေါင်းရင်းမြစ်များ

Isaías 40:8

Usa ꞌain ka xubi ax ëski chushimainun ro ua axribi chushi xanania, ꞌaínbi ka Nukën ꞌIbu Diosan bana, ax xënibua ꞌaínbi usabi ꞌiti ꞌikën.”

Isaías 44:26

ꞌAínbi kana ꞌën unikamaxa usai ka ñu ꞌiti ꞌikë kikësaibia ñu ꞌinun ꞌimin, ꞌimianan kana ꞌën xukë unikaman sinánkësa oia ñu ꞌinun ꞌimin. ꞌËx kana Jerusalén ëmanu ka amiribishi uni tsótëkënti ꞌikë kin, ꞌianan ka Judá ëmanu ꞌikë ëmakama ka amiribishi birutëkënti ꞌikë kiax kin. ꞌËn kana an ñu mëëkë unikaman amiribishi axa ami nishkë unikaman aín kënëkama rurupa a birutëkënun ꞌaminuxun ꞌain.

Mateo 10:15

Asérabi cana ꞌën mitsu cain, Sodoma ëmanu ꞌicë unicama ꞌimainun Gomorra ëmanu ꞌicë unicama ca aín bana cuaisama tancë cupí Nucën Papa Diosan castícancëxa. Usamaira oquin castícancë ca an a ëmanu ꞌicë unicama mitsu bicëma cupí ax ꞌiti ꞌicën.

Mateo 10:23

Achúshi ëmanuxun bana ñuixuniabi unin mitsun bana cuaisama tanquin bëtsi bëtsi ocëx camina bëtsi ëmanu cuanti ꞌain. Anuxunribi bana ñuixunia unin mitsu bëtsi bëtsi ocëx camina anuaxribi bëtsi ëmanu cuanti ꞌain. ꞌËn cana asérabi mitsu cain, anu Israel unibu ꞌicë ëmacamanuxun mitsun unicama bana ñuixuncëma pain ꞌain cana ꞌëx uni ꞌinux Nucën Papa Diosnuax uá ꞌëx utëcënti ꞌain.

Mateo 10:42

Ax ꞌën uni ꞌaísha ꞌëmi upiti catamëcë ꞌicëmabi axa shimaia isquin —ax ca Jesucristonën uni ꞌicë —quixun sinánquin ꞌumpax ꞌináncë uni a ca Nucën Papa Diosan upí isia.

Mateo 11:11

Usaquin cuënëo bana ñuitancëxun ca Jesusan anu ꞌicë unicama cacëxa: —Asérabi cana ꞌën mitsu cain, an Nucën Papa Dios quicë bana uni ñuixuncë unicaman ñuixuncë bana ꞌiásamaira ca Juanën ꞌë ñuicë bana ꞌiaxa. Usa ꞌain ca a unicamax ꞌiásamaira Juan ꞌicën. Usa ꞌaínbi ca axa Nucën Papa Diosan nëtënu ꞌiti ꞌën unicamax, unían ñuumara iscë ꞌaíshbi Juan ꞌiásamaira ꞌicën.

Mateo 13:17

Asérabi cana mitsu cain, ꞌëx ucëma pan ꞌain ca bëráma an Nucën Papa Dios quicë bana uni ñuixuncë unicama ꞌimainun axa Nucën Papa Diosmi sináncë unicamanribi —Cristo ca uti ꞌicë —quixun ꞌë ñuiquin cuënëo bana ꞌunánquin, uisai cara ꞌiti ꞌicë quixun istisa tanquinbi isáma ꞌicën. Uisa bana carana ñuixunti ꞌai quixun cuaisa tanquinbi ca cuama ꞌicën.

Mateo 16:28

ꞌËn cana asérabi mitsu cain, axa ënu ꞌëbë ꞌicë uni raírinën ca bamacëma pain ꞌixun, uni ꞌinux Nucën Papa Diosnuax uá ꞌicë, ꞌëx cana asérabi ꞌën unicaman cushi ꞌai quixun isti ꞌicën.

Mateo 17:20

Cacëxun ca Jesusan cacëxa: —Mitsun camina uisaira cushi cara Nucën Papa Diosan cushi icë quixun sinaniman. Mostaza bëru ax ca chamaratsu ꞌicën. Asaribi ꞌaish ꞌitsamaratsushi Nucën Papa Diosmi sináncë ꞌixun, Ënë ñu cana ꞌatima ꞌai, quixun sinánquinbi asérabi ami catamëquin ñucáquin camina uisa ñu caramina ꞌaisa tani a ꞌati ꞌain. Mitsux ami ꞌitsamashi catamëcë ꞌixunbimi ënë matá, Ënuax ca ꞌuri tacút, cacëx ca ꞌuri tacúti ꞌicën.

Mateo 18:18

ꞌËn cana asérabi ꞌëmi catamëcë ꞌicë mitsu cain, asérabi ꞌën sinánmicë ꞌixunmi mitsun, ꞌën unicama uisai cara ꞌiti ꞌicë quixun sinánquin —ësa ñu ca ꞌati ꞌicë —quixun canan —ësa ñu ca ꞌatima ꞌicë —quixun cacëbëtan ca Nucën Papa Dios naínu ꞌicë, an —usa ca —quixun sinánti ꞌicën.

Mateo 18:3

—Asérabi cana mitsu cain, mitsux cha ꞌiisa tanquin usaquin ꞌë ñucati camina sinanati ꞌain. Sinanacëma ꞌianan tuácamaxa cha ꞌiti sinanima an a bërúancë unimi catamëcë, usaribiti ꞌëmi catamëcëma ꞌaish camina mitsux Nucën Papa Diosnan ꞌitima ꞌain.

Mateo 19:23

Usoquin cacë́xa cuancëbëtan ca Jesusan aín ꞌunánmicë unicama cacëxa: —ꞌËn cana asérabi micama cain, ꞌaisamaira ñuñu unix ca ainan ꞌiti ꞌaíshbi ñuñu ꞌitishi sinani Nucën Papa Diosnan ꞌitima ꞌicën.

Mateo 19:28

Cacëxun ca Jesusan aín ꞌunánmicë unicama cacëxa: —Asérabi cana ꞌën mitsu cain, uni ꞌinux anuax uá, ꞌëx Nucën Papa Diosan mëníosabi oi nëtë iótëcëncëbë ꞌapuira ꞌain camina, asérabi ꞌën bana cuacë ꞌaish mitsun ꞌëbë cushi ꞌixun Israelnën bëchicë mëcën rabë́ ꞌimainun rabë́ aín rëbúnqui judíoscamax cara atúan ñu ꞌacë cupí, uisai ꞌiti ꞌicë quixun cati ꞌain.

Mateo 21:21

Cacëxun ca Jesusan cacëxa: —ꞌËn cana asérabi mitsu cain, Nucën Papa Diosax ca cushiira ꞌianan ca ax quicësabi oquin ꞌaia quixun ꞌunáncë ꞌixun camina —ca ꞌatima ꞌicë —quixun sinánquinma —ca asérabi ꞌati ꞌicë —quixun sinánti ꞌain. Usaquin sináncë ꞌixunmi ꞌën ënë higuera ꞌacësoquinshi ñu ꞌaquinma ënë matáribi “ënuax ca parúmpapanu racati cuantan” quixun cacëx ca usai ꞌiti ꞌicën.

Mateo 21:31

¿Mitsun sináncëxun cara a uni rabë́ uinu ꞌicën aín papa cuëëncësabi oquin ñu ꞌax? Cacëxun ca cacëxa: An —cana cuanima —quixun caxbi cuancë, an ca aín papa cuëëncësabi oquin ꞌaxa. Cacëxun ca Jesusan cacëxa: —ꞌËn cana asérabi mitsu cain, mitsun ainan isamina ꞌai quixun caquinbi ax cuëëncësabi oquin ꞌacëma ꞌaíshmi Nucën Papa Diosan nëtënu ꞌitima ꞌaínbi ca ꞌitsa uni an ꞌapu buánmiti curíqui bicë, ꞌimainun ꞌitsa xanu mitsun sináncëx ꞌuchañu, acamax sinananti ꞌëmi sinánquin ax cuëëncësabi oquin ꞌacë ꞌaish Nucën Papa Diosan nëtënu ꞌiti ꞌicën.

Mateo 23:36

Usa ꞌain cana asérabi mitsu cain, mitsun raracama ꞌásaribi oquin ca Nucën Papa Diosan mitsu ꞌuchoti ꞌicën. Mitsúxmi usa ꞌicë ca Nucën Papa Diosan uisa cara oti ꞌicë usoquin ꞌati ꞌicën.

Mateo 24:2

Cacëxun ca Jesusan cacëxa: —Ënë xubu camina maxax ꞌacë ꞌaish upí isin. Usa ꞌaínbi cana mitsu cain, axa Nucën Papa Diosmi sináncëma unicaman ënë xubu camáxbi aín maxáxcamaribi rurupacëbë rurucubúti ꞌicën.

Mateo 24:47

ꞌËn cana asérabi mitsu cain, an upí oquin ñu ꞌacë ꞌicë ca an ñu mëëmicë unin ësaquin cati ꞌicën: Minmi ꞌën cacësabi oquin upí oquin ꞌacë cupí camina cushi unisa ꞌixun ꞌën ñucama minansa ꞌicë bërúanti ꞌain.

Mateo 25:12

Cacëxunbi ca caxa: Asérabi cana ꞌën ꞌunaniman, ui caramina mitsux ꞌain.

Mateo 25:40

Cacëxun cana ꞌëx ꞌApuira ꞌixun ꞌën unicama cati ꞌain: ꞌËn cana asérabi mitsu cain, mitsun ꞌën xucë́ncama achúshi, uni raíribë sënë́nmara ꞌicëbi ꞌaquinquin camina ashi ꞌaquincëma ꞌain, camina ꞌëribi ꞌaquian.

Mateo 25:45

Cacëxun cana ꞌëx ꞌApuira ꞌixun acama cati ꞌain: ꞌËn cana asérabi mitsu cain, ꞌën unicama achúshi, uni raíribë sënë́nmara ꞌicëbi, ꞌaquinquinma camina mitsun ꞌëribi ꞌaquincëma ꞌain.

Mateo 5:26

Cana mitsu asérabi cain, sipuacë ꞌixun camina min cushi quicësabi oquin curíquinën cupíoti ꞌain. A pain ancëquin cupíoi camina sipunubi ꞌiti ꞌain. Usaquin ꞌatin rabanan camina min cushinu bëbacëma pain ꞌaish axa mimi nishcë unibë mëníonanti ꞌain.

Mateo 6:16

Mitsux Nucën Papa Diosbë upiti bananuxun piima camina an uni paráncë uníxa ꞌicësaribiti ꞌitima ꞌain. A unicamax ca —Nucën Papa Diosmi sinánquin picëma ꞌaish ca upí uni ꞌicë —quixuan raíri unin sinánun quiax picëma ꞌianan masá nuitucësa ꞌia. Usai ꞌia uni raírinën a rabiabi ca Nucën Papa Diosan a upí isima.

Mateo 6:2

Usa ꞌain camina ñuñuma uni ñu ꞌinánquin an uni paráncë unicaman ꞌacësaribi oquin ꞌatima ꞌain. Unin atu rabiti cuëënquin ca anu judíos unicama timë́ti xubunuxun ñu ꞌinánan bainuxunribi camabi unin isnun ñuñuma uni ñu ꞌinania. Usoquian ꞌinania isquin ca an a iscë unicaman a rabiquin, ax ca upí uni ꞌicë quixun caia. Unicaman usa uni rabiabi ca Nucën Papa Diosan a upí isima.

Mateo 8:10

Usaía judíosma uni ꞌaíshbi a capitán quia cuaquin ca Jesusan an a nuibiancë unicama cacëxa: —Asérabi cana ꞌën mitsu cain, ënë uníxa ꞌëmi catamëcësaribitia ꞌia cana judío uni achúshibi iscëma ꞌain.

Marcos 10:15

Asérabi cana ꞌën mitsu cain, uix cara tuá xuratsua an bërúancë unimi catamëcësa usaribiti ꞌëmi catamëcëma ꞌicë ax ca Nucën Papa Diosnan ꞌitima ꞌicën.

Marcos 10:29

Cacëxun ca Jesusan aín ꞌunánmicë unicama cacëxa: —Asérabi cana mitsu cain, uinu ꞌicë unin cara camabi uníxa ꞌëmi catamëti Nucën Papa Diosnan ꞌinun ꞌaquinuxun aín xubu, aín xucën, aín chirabacë, aín tita, aín papa, aín bëchicë, aín naë ëanxa,

Marcos 11:23

Asérabi cana mitsu cain, unían —sapi ca ꞌatima ꞌicë —quixun sinánquinma —asérabi ca Nucën Papa Diosan ꞌati ꞌicë —quixun sinánquin, ënë matá —ënuax ca parúmpapanu racati cuantan —quixun cacëx ca usai ꞌiti ꞌicën.

Marcos 12:43

Nancëbëtan cuëncë́xa aia ca Jesusan aín ꞌunánmicë unicama cacëxa: —ꞌItsaira curíquiñu unicaman ca anun ñu maruquian tëxëocë curíqui anu curíqui nanti ñunu ꞌaruaxa. Usa ꞌaínbi ca xanu casunamëcë ënën asérabi cuëënquin ꞌaisa tanquin anúan ñu marutibi ꞌaíma ꞌitánun aín curíquicamaishi ꞌaruaxa. Usa ꞌain cana asérabi mitsu cain, curíquiñu unicaman ꞌacësamaira oquin ca a xanun aín curíqui ꞌinánxa.

Marcos 13:30

Asérabi cana mitsu cain, ënë nëtënu bucucë unicamax bamacëma pain ꞌain ca ꞌën mitsu ñuixuncë banacama quicësabi oi ꞌiti ꞌicën.

Marcos 14:18

Bëbatancëxun mesanuxun piia ca Jesusan atu cacëxa: —Asérabi cana ꞌën mitsu cain, an ꞌëbëtan picë micama achúshinën camina axa ꞌëmi nishcë unicama ꞌë ꞌinánuxun ꞌain.

Marcos 14:25

Asérabi cana mitsu cain, ënuxun cana uvas baca ꞌatëcëniman. Nucën Papa Dios anua ax aín unicaman ꞌApu ꞌicë, anuxun cuni cana ꞌatëcënti ꞌain.

Marcos 14:30

Quia ca Jesusan cacëxa: —Asérabi cana mi cain, mix camina usai quin, ꞌixunbi camina ënë ñantan rabëti ꞌatapa banatisama pan ꞌain min isamina ꞌë ꞌunáncëma ꞌai quixun rabë́ ꞌimainun achúshi oquin uni paránti ꞌain.

Marcos 14:9

Asérabi cana mitsu cain, uinuxun cara camabi menuxun ꞌën unibunën ꞌën bana, anúan uni Nucën Papa Diosnan ꞌiti, a ñuixunia, anuxun ca ënë xanúan ësoquin ꞌë ꞌacë ënëribi ñuixunti ꞌicën, camabi unían ꞌunánun.

Marcos 3:28

Asérabi cana mitsu cain, Nucën Papa Diosan ca unin ꞌatima ñu ꞌacë camabi tërë́nti ꞌicën, amia ꞌatimati banacëribi.

Marcos 6:11

Uinu ꞌicë ëmanu ꞌicë unicaman cara mitsu biisama tanan mitsun bana cuaisama tania, aín ëmanuax cuani camina anu ꞌicë unicaman, mitsun bana cuatíma ca Nucën Papa Diosan iscëx ꞌaisama ꞌicë quixun ꞌunánun, mitsun taxacanu ꞌicë me cupúcë tacabiani cuanti ꞌain. ꞌËn cana asérabi mitsu cain, Sodoma ëmanu ꞌicë unicama ꞌimainun Gomorra ëmanu ꞌicë unicama ca aín bana cuaisama tancë cupí Nucën Papa Diosan castícancëxa. Usamaira oquin castícancë ca a ëmanu ꞌicë unicama an mitsu bicëma cupí ax ꞌiti ꞌicën.

Marcos 8:12

Cacëxun ca munuma uínquin cacëxa: —¿Uisa cupí caramina ënu bucucë unicama, mitsun Nucën Papa Diosan cushin carana ñu ꞌai iscatsi quixun, ñu itsi ꞌanun quixun ꞌë cain? Asérabi cana mitsu cain, ꞌëmi ñucácëxunbi cana ꞌaiman.

Marcos 9:1

Jesusan ca ësaquinribi cacëxa: —Asérabi cana mitsu cain, axa ënu ꞌëbë ꞌicë uni raírinën ca bamacëma pain ꞌixun, ꞌëmi catamëtia ainan ꞌimicëxun, Nucën Papa Dios ca asérabi atun cushi ꞌicë quixun isti ꞌicën. Nucën Papa Diosan cushínbi ca usai ꞌiti ꞌicën.

Marcos 9:41

Asérabi cana ꞌën mitsu cain, uinu ꞌicë unin cara, Cristonan camina ꞌai quixun sinánquin ꞌumpax mitsu ꞌinania, an ca aín cupí biti ꞌicën.

Lucas 11:51

Abel pain ca ꞌacëxa. Usaribi oquin ca mitsun raracaman an Nucën Papa Dios quicësabi oquin ꞌacë unicama bari itsi bari itsi inúmiquin ꞌacëxa. ꞌA ꞌaían ca raírinënribi ꞌacëx Zacarías ax anuxun Nucën Papa Dios rabiti xubu rapasu bamacëxa. Mitsun raracaman ꞌásaribi oquin camina mitsun ꞌain. Usa ꞌain ca atu ꞌásaribi oquin Nucën Papa Diosan mitsu castícanti ꞌicën.

Lucas 12:37

A caíncëxuan an ñu mëëmicë unicaman ꞌuxcëma ꞌicë mëracëx ca an uni ñu mëëxuncë unicamax cuëëinra cuëënti ꞌicën. Cuëënia ca an atu ñu mëëmicë unin mesanu tsónun caquin piti ꞌinánti ꞌicën. Usaquin ꞌacëx ca an ñu mëëxuncë unicamax cuëëinra cuëënti ꞌicën. Ca usai asérabi ꞌiti ꞌicën.

Lucas 13:35

Usa ꞌain camina ꞌunánti ꞌain, ꞌën cana ꞌaquinquinma usabimi ꞌinun mitsu ënti ꞌain. ꞌËn cana mitsu cain, mitsun camina utëcënia isquin —Nucën ꞌIbu Diosan xucëxa ucë bërí aia, a ca camabi unin rabiti ꞌicë —quiax quiquin ꞌë rabiti ꞌain. A nëtë utámainun camina ꞌë istëcëntima ꞌain.

Lucas 16:17

Naí ꞌimainun mecama cëñúcëbëbi ca Nucën Papa Diosan bana aín unicaman cuënëo, axëshi —usai ca ꞌiti ꞌicë —quiá ꞌain, usabi ꞌiti ꞌicën.

Lucas 18:17

Asérabi cana ꞌën mitsu cain, uix cara tuá xuratsua an a bërúancë unimi catamëcësa usaribiti ꞌëmi catamëcëma ꞌicë ax ca Nucën Papa Diosnan ꞌitima ꞌicën.

Lucas 18:29

Cacëxun ca Jesusan aín ꞌunánmicë unicama cacëxa: —Asérabi cana ꞌën mitsu cain, uinu ꞌicë unin cara camabi uníxa ꞌëmi catamëti Nucën Papa Diosnan ꞌinun ꞌaquinuxun, aín xubu, aín xucë́antu, aín papa, aín tita, aín xanu, aín bëchicëcama ëbianxa,

Lucas 23:43

Cacëxun ca Jesusan cacëxa: —Asérabi cana ꞌën mi cain, ënë nëtë́nbi camina anu ꞌëx ꞌicë anu ꞌëbë ꞌiti ꞌain.

Lucas 4:24

Canan ca Jesusan cacëxa: —Mitsun usaquin ꞌë cati sináncë ꞌaínbi cana asérabi mitsu cain, an Nucën Papa Dios quicë bana uni ñuixuncë unían, anuaxa canicë menuxun bana ñuixunia, ca anu ꞌicë unicaman cuaisama tania.

Juan 1:51

Ësaquinribi ca Jesusan Natanael cacëxa: —Asérabi cana mitsu cain, naí panárabëcëbëtan camina uni ꞌinux ꞌëx anuax uá, ꞌë manáminuaxa Nucën Papa Diosan ángelcama cuaruanan ubutia isnuxun ꞌain.

Juan 10:1

Ësaquinribi ca Jesusan fariseo unicama cacëxa: —Asérabi cana ꞌën mitsu cain, axa anu carnero ꞌicë cënë aín xëcuën atsinima amo ꞌicë manámitan atsíncë uni ax ca an ñu mëcamacë uni ꞌicën, mëcamaxuan an ñu buáncë uni ca ax ꞌicën.

Juan 10:7

Usa ꞌain ca Jesusan amiribishi cacëxa: —Asérabi cana ꞌën mitsu cain, ꞌëx cana carneronën cënën xëcuësaribi ꞌain.

Juan 12:24

Asérabi cana ꞌën mitsu cain, me ꞌucë mëu ꞌapácëma ꞌaish ca ñu bëru aín nami ax usabi ꞌimainun aín napu axribi nëtëtima usabi ꞌia. Me ꞌucë mëu ꞌapácëxun cuni ca aín nami nëtë́cëbëbi aín napu ax cotancëxun upí oquin tuaia.

Juan 13:16

Asérabi cana ꞌën mitsu cain, “an uni ñu mëëxuncë uni an ca an a ñu mëëmicë uni inuíma”. Usaribiti ca a xucë uni, ax an xucë abë sënë́nma ꞌicën.

Juan 13:38

Cacëxun ca Jesusan cacëxa: —¿Asérabi caramina unin mi ꞌacascëxbi ꞌëbë cuanti ꞌain? Asérabi cana ꞌën mi cain, ꞌatapa banatisama pan ꞌain camina —ꞌën cana a uni ꞌunanima —quixun ꞌë ñuiquin rabë́ ꞌimainun achúshi oquin uni cati ꞌain.

Juan 14:12

Asérabi cana ꞌën mitsu cain, ꞌëx Nucën Papa Diosnu cuancë cupí ca axa ꞌëmi catamëcë uni, an ꞌën ꞌacë ñuribi ꞌati ꞌicën, ꞌanan ca ꞌën ꞌacësamaira oquin ñu ꞌati ꞌicën.

Juan 16:20

Asérabi cana ꞌën mitsu cain, ꞌë cupí camina masá nuituti bëunan mëscúcanti ꞌain. Mitsúxmi usai ꞌimainun ca an Nucën Papa Diosan bana cuacëma unicama cuëënti ꞌicën. Masá nuitutáncëxbi camina mitsux ꞌë cupí chuámarua tani cuëënti ꞌain.

Juan 16:23

A nëtën camina uisai quicë cara ꞌën mitsu cacë bana ënëx ꞌicë quixun ꞌë ñucánuxunma ꞌain. Asérabi cana mitsu cain, ꞌëx quicësabi oquinmi a ñucácëxun ca Nucën Papa Diosan mitsu ꞌaxunti ꞌicën.

Juan 21:18

Asérabi cana ꞌën mi cain, bëná ꞌaish camina minbi chupa pañuanan uinu caramina cuainsa tani anu cuancën. Usa ꞌaínbi ca xëniira ꞌaíshmi mëshpatia uni itsin chupa pañumixun uinu caramina cuainsama tani anubi mi buánti ꞌicën.

Juan 3:11

Asérabi cana mi cain, nun ꞌunáncë ñu ñuianan nun iscë ñuribi ñui cananuna nux quin. Quiabi camina nun bana ca asérabi ꞌicë quixun sinaniman.

Juan 3:3

Cacëxun ca Jesusan cacëxa: —Asérabi cana ꞌën mi cain, axa aín cushin bacë́ntëcëncëma uni ax ca Nucën Papa Diosnan ꞌitima ꞌicën.

Juan 3:5

Nicodemonën cacëxun ca Jesusan cacëxa: —Usama ca. Asérabi cana ꞌën mi cain, ꞌunpax ꞌimainun Nucën Papa Diosan Bëru Ñunshin Upitan bacë́ntëcëncëma uni ax ca Nucën Papa Diosnan ꞌitima ꞌicën.

Juan 5:19

Usa ꞌain ca Jesusan atu cacëxa: —Asérabi cana mitsu cain, ꞌëx Nucën Papa Diosan Bëchicë ꞌixunbi cana ꞌënbi ñu ꞌaiman. ꞌËn Papan ñu ꞌaia isquin cuni cana ꞌënribi ꞌain. ꞌËn Papan bëtsi bëtsi ñu ꞌacëbëtan cana ꞌëx aín Bëchicë ꞌixun ꞌënribi an ꞌacësaribi oquin ꞌain.

Juan 6:26

Cacëxun ca Jesusan cacëxa: —Asérabi cana ꞌën mitsu cain, ꞌën pán pimicëx puchonx camina a sinánbëtsini ꞌë bari uan. Ui carana ꞌëx ꞌai quixunmi mitsun ꞌunánun, uni itsían ꞌacëma ñu ꞌën ꞌacë a isunbi camina ui carana ꞌëx ꞌai quixun sinaniman.

Juan 6:32

Cacëxun ca Jesusan cacëxa: —ꞌËn cana asérabi mitsu cain, an naínua ꞌibúmiquin unicama pán ꞌinan ax ca Moisésma Nucën Papa Dios ꞌiacëxa. An a pán ꞌinan ꞌaínbi ca Ñucën Papa Diosan bërí ꞌináncë ax ca anúan uni asérabi upiti tsóti a ꞌicën.

Juan 6:47

Asérabi cana ꞌën mitsu cain, axa ꞌëmi sinani ꞌëmi catamëcë unicamax ca ainan ꞌaish xënibua ꞌaínbi Nucën Papa Diosbë ꞌia.

Juan 6:53

Usai canania ꞌunánquin ca Jesusan cacëxa: —Asérabi cana ꞌën mitsu cain, uni ꞌinux anuax uá ꞌain, ꞌëmi catamëquinma ꞌën nami picëmasa ꞌianan ꞌën imiribi xëacëmasa ꞌaish camina asérabi xënibua ꞌaínbi Nucën Papa Diosnan ꞌitima ꞌain.

Juan 8:34

Cacëxunbi ca Jesusan catëcë́ancëxa: —Asérabi cana ꞌën mitsu cain, an ꞌatima ñu ꞌacë unicama an ca ꞌëx cuëëncësa oquin ꞌaisa tanquinbi aín sinan ꞌatima ꞌixun anbi ñu ꞌatimashi ꞌaia.

Juan 8:51

Asérabi cana ꞌën mitsu cain, an ꞌën bana cuacë uni ax ca xënibua ꞌaínbi Nucën Papa Diosbë ꞌia.

Juan 8:58

Quia ca Jesusan cacëxa: —ꞌËn cana asérabi mitsu cain, Abraham ꞌicëma pain ꞌain cana ꞌëx ꞌiacën.

1 Pedro 1:25

Usa ꞌaínbi ca Nucën ꞌIbu Diosan bana xënibua ꞌaínbi usabi ꞌia. Ënë banax ca —Jesucristomi catamëti ca uni Nucën Papa Diosnan ꞌiti ꞌicë —quixuan aín unicaman mitsu ñuixuncë a ꞌicën.

Apocalipsis 20:11

Usaquin istancëxun cana anua ꞌapu tsóti uxua chaira isan, anu tsócë aribi cana isan. Iscëxbi ca ax anu ꞌain, me ꞌimainun naícama ꞌimainun anu ꞌicë ñucama nëtë́axa, nëtëti ca anua ax ꞌiti ꞌaíma ꞌiaxa.