Mateo 5:15 - Kashibo-Kakataibo Biblia

¹⁵ Usaribi oquin ca unin lamparín bimitancëxun bunánti buinaxun anun mapuquin nanima. Usoquinma ca lamparinëan a xubunu ꞌicë unicama pëcatanun ñu manámi nania.

Nukën 'Ibu Diosan ain unikama 'inan ain bana

¹⁵ Usaribi oquin ca unin lamparín bimitancëxun bunánti buinaxun anun mapuquin nanima. Usoquinma ca lamparinëan a xubunu 'icë unicama pëcatanun ñu manámi nania.

Mateo 5:15 ပူးပေါင်းရင်းမြစ်များ

Marcos 4:21

Ësaquinribi ca Jesusan cacëxa: —¿Lamparín bëxun cara unin ñu tëmú an bëpánun nanti ꞌic? ¿Cara anu ꞌuxti tëmú nanti ꞌic? Anu nanquinma ca anu lamparín nanti anu nanti ꞌicën, ¿usa cat?

Lucas 11:33

Ësaquinribi ca Jesusan cacëxa: —Uinu ꞌicë unínbi ca lamparín bimitancëxun xubu amo unëquin nanima. ꞌImainunribi ca bunánti buinaxun anun mapuquin nanima. Usoquinma ca axa xubunu atsíncë unicaman upí oquin isnun bimitancëxun anu lamparín nanti anu nania.

Lucas 11:36

Usa ꞌaínbi camina Nucën Papa Diosmi sinania an ꞌimicëx min sinan upí ꞌixun Nucën Papa Diosan sináncësaribi oquin sinanin. Usa ꞌixun camina ax cuëëncësabi oquin upí oquin ñu ꞌati ꞌain, lamparínëan pëcacën isquin upí oquin ñu ꞌacësaribi oquin.

Lucas 8:16

Ësaquinribi ca Jesusan cacëxa: —Uinu ꞌicë unínbi ca lamparín bimitancëxun ñu tëmú an bëpánun nanan anu ꞌuxti tëmúribi nantima ꞌicën. Usaquin ꞌaquinma ca axa xubunu atsíncë unicaman upí oquin isnun, anu lamparín nanti, anu nanti ꞌicën.

Filipenses 2:15

bëtsi unicaman, mitsúxmi ñu ꞌaisama ꞌaíma Nucën Papa Dios cuëëncësabi oíshi ꞌia isnun. Usai ꞌia ca ꞌaisama ꞌaísha ax ami sináncëma unicaman, Nucën Papa Diosan bëchicë ꞌaíshmi mitsun nuitu upí ꞌicë isti ꞌicën. Usa ꞌaish camina mitsux ꞌispacaman bëánquibucë ꞌicëbi pëcacë usaribi ꞌain,

Hebreos 9:2

An Moisés cacësabi oquin ca judíos unicaman tabernáculo ꞌaquin, amo rabë́a aín namë́ ꞌitánun nëbë́tsi chupan bëpáncëxa. Anu paín atsínti anu ca anu lamparín nanti ꞌimainun curi mesa, anu uni itsin pitima pán nancë, acama ꞌiacëxa. Anu uni aín ꞌucha tërë́ncëma ꞌianan upiti mëníocacëma ꞌaish atsíntima ꞌain ca a ꞌiti Cata Upí cacë ꞌiacëxa.

Apocalipsis 2:5

Usa ꞌain camina uisairai caramina ꞌëmi sináancë quixun sinani usai ꞌëmi sinántëcënux ꞌëmi sinanatëcënti ꞌain. Usai ꞌëmi sinanaquin camina mitsúnmi ꞌëmi sinánquin ꞌëx cuëëncësabi oquin ꞌásabi oquin ꞌatëcënti ꞌain. Usai mitsux ꞌëmi sinanacëbëtanma cana a anu lamparín nanti mitsu ꞌunántioquin nancë, a raíri ꞌura ꞌinun nanti ꞌain.