Mateo 5:12 - Kashibo-Kakataibo Biblia

¹² Usaribi oquin ca an Nucën Papa Dios quicë bana uni ñuixuncë unicama unin bëtsi bëtsi ocëxa. Usaquin sinánquin camina cuëënquin, Nucën Papa Diosan ca mitsu upí oquin sinánxunquin aín nëtënu abë ꞌi upitax tsónun mitsu ꞌimiti ꞌicë quixun ꞌunani chuámarua tani cuëënti ꞌain.

Nukën 'Ibu Diosan ain unikama 'inan ain bana

¹² Usaribi oquin ca an Nucën Papa Dios quicë bana uni ñuixuncë unicama unin bëtsi bëtsi ocëxa. Usaquin sinánquin camina cuëënquin, Nucën Papa Diosan ca mitsu upí oquin sinánxunquin aín nëtënu abë 'i upitax tsónun mitsu 'imiti 'icë quixun 'unani chuámarua tani cuëënti 'ain.

Mateo 5:12 ပူးပေါင်းရင်းမြစ်များ

Génesis 15:1

Ënë ñukama ꞌatankëxa ꞌinúkë ꞌain ka Nukën ꞌIbun Abram namákin iskësokian isia kakëxa: —Kamina rakuë́tima ꞌain Abram, ꞌëx kana an mi bërúankë a ꞌain. Min biti ñu ax ka chaiira ꞌinuxun ꞌaia.

1 Reyes 18:13

¿Mi kara uínbi, ꞌën Jezabelnëan an Diosan bana ñuikë unikama këñúkëbëtan usokin ꞌakë a ñuixunkëma ꞌik? ꞌËn kana cien uni kini rabë́nu unëakën, unëkin kana cincuenta kini itsinu unëanan, cincuentaribi kini itsinu unëxun atún piti ꞌinánkën.

1 Reyes 18:4

an ka Jezabelnën aín suntárukama Diosan bana ñuikë unikama ꞌatabakin ꞌamikëbëtan, cien uni timëtankëxun, amo rabë́okin sëtë́natankëxun kini rabë́nu unë́nun ꞌimikin, cincuenta kini itsinu unë́nun ꞌimianan cincuentaribi kini itsinu unë́miakëxa, usoxun ka atu aín piti ꞌinánkëxa.

1 Reyes 19:2

Usakian ñuixunkëxun kuatankëxun ka Jezabelnën achúshi uni an Elías ësokin kaxuntanun kixun xuakëxa: “¡Mix kamina Elías ꞌain ꞌëx kana Jezabel ꞌain! Min kamina an Baalnu ꞌikë an bana ñuikë unikama rëtëmian, usa ꞌain ka dioskaman, imë́ishi ënë horanbi ka an Baalnën bana ñuikë unikama ꞌamikësaribi okin ꞌaiama ꞌë tëmëramiti ꞌikë kixun ka kamiakëxa.”

1 Reyes 21:20

Usokin katanua kakëx ka Elías kuankëxa. Kuanxun ka anua uvas ꞌapákë naë anua mërakëxun ami Ahabnën Elías nishkin kakëxa: —¿Mix ꞌëbë nishanankë uni ꞌaíshbi kaina ꞌë baribëtsini uax ꞌëbë mëranan? Kakëxun ka Elíasnën kakëxa: —Mibë bananuxun mi bari kana uan, min kamina Diosan upí iskëma ñuishi ꞌain.

1 Reyes 22:8

Kixun kakëxun ka Israel kaman ꞌapun Josafat kakëxa: —Anu ka achúshi aribi uisai kara Nukën ꞌIbu kia ñukátisa ꞌikën. Ax ka Micaías Imlá aín bakë bëchikë ꞌikën. ꞌAínbi kana ꞌën a uni istisama tanin an ka uínsaranbi upí bana kakinma, ꞌatima bana ishi ñuikin ꞌë kaia. Kakëxunbi ka Josafatnën kakëxa: —Usai kamina banatima ꞌain.

Nehemías 9:26

Usokinmi min ꞌakinkëxbi ka min kakësokinshi ꞌaíma a tanti bana kuaisama tani ꞌikankëxa. ꞌAnan ka an min bana ñuikë unikamaribi, mimia sinánun kakëxunbi kuaisatankin, kamaxunbi kuamainun mimisa ꞌatimai banaxa kixun këmëkin ꞌuchoxun rëkankëxa.

Salmos 19:11

ꞌIanan ka a banakamaxribi an ꞌë ꞌunánmikë ꞌikën, usa ꞌain kana ñu ꞌaisama ꞌaisa tankinbi, min uni ꞌixun ax kikësokinbi ꞌati ꞌain.

Jeremías 2:30

ꞌËn kana ñankáishibi mitsun bakë bëchikëkama tëmëramiakën, atun ka ꞌën bana ꞌunánkin ax kikësokin ꞌaisama tankëxa. Mitsúnbi kamina paru ꞌinúan raëkëma, ꞌain piti bitsi në́kësa usaribi ꞌikin, an ꞌën bana ñuikë unikama ꞌakankën.

Jeremías 26:8

Usa ꞌain ka Diosan a kakë banakama atu katankëxa sënënia, sacerdotekama ꞌimainun an këmëkinshi bana ñuikë unikama ꞌimainun kamabi unikaman, ñatankin bikin kakëxa: “¡Mix kamina ꞌakë ꞌiti ꞌain!

Jeremías 37:14

Kakëxunbi ka Jeremíasnën kakëxa: —¡Usama ka, asérabi kana kin ꞌëx kana Babilonio unikamanu abátankëx anu ꞌinamëti kuaniman! ꞌAínbi ka Iríasnën usakin kakëxunbi kuaisamatankin ñatanbiankin ꞌapun unikamanu buánkëxa.

Mateo 16:27

ꞌËx cana ꞌën Papa Diosan nëtënu cuantancëx anu abë ꞌApu ꞌiti ꞌain. ꞌËx ꞌApu ꞌaish utëcëncëbë ca ꞌën ángelcamaribi uti ꞌicën. Uxun cana unicama achúshi achúshi atun nuitu ꞌunánquin an ñu ꞌatima ꞌacë unicama a ꞌatimonan an upí ñu ꞌacë unicama ꞌëbë ꞌinúxa cuëënun ꞌimiti ꞌain.

Mateo 6:16

Mitsux Nucën Papa Diosbë upiti bananuxun piima camina an uni paráncë uníxa ꞌicësaribiti ꞌitima ꞌain. A unicamax ca —Nucën Papa Diosmi sinánquin picëma ꞌaish ca upí uni ꞌicë —quixuan raíri unin sinánun quiax picëma ꞌianan masá nuitucësa ꞌia. Usai ꞌia uni raírinën a rabiabi ca Nucën Papa Diosan a upí isima.

Lucas 13:34

Ësaquinribi ca Jesusan cacëxa: —Jerusalénu ꞌicë unicama, mitsu cana cain, mitsux camina an Nucën Papa Dios quicë bana uni ñuixuncë unicama ꞌanan a an aín bana ñuixunun xucë unicamaribi maxaxan ꞌá, mitsun raracama axa ꞌiásaribi ꞌain. ¿Uitishi oquin carana mitsu nuibaquin bërúanquin ꞌaquinsa tan? ꞌAtapanëan aín tuácama cuëntancëxun aín pëchin mapuxun bërúancësaribi oquin cana mitsu bërúanquin ꞌaquinsa tan. ꞌAquinsa tancëxbi camina mitsux cuëëncëma ꞌain.

Lucas 6:23

Camina ꞌunánti ꞌain, usaribi oquin ca an mitsu ꞌatimocë unin raracaman, an Nucën Papa Dios quicë bana uni ñuixuncë unicama bëtsi bëtsi oquin ꞌatimocëxa. Usaquin ꞌunani camina unin ꞌatimocëxbi —Nucën Papa Diosan ca nu sinánxunquin aín nëtënu abë upiti tsónun nu ꞌimiti ꞌicë —quixun sinani, chuámarua tani cuëënti ꞌain.

Lucas 6:35

Usa ꞌaínbi camina mitsun axa mitsumi nishcë uni nuibaquin ꞌaquinsa ꞌicë ꞌaquinti ꞌain. Unían mitsu ñu ñucácëxun camina —anribi ca ꞌë ꞌinántima ꞌicë —quixun ꞌunánquinbi, ꞌinánti ꞌain. Usaquin ꞌaia isquin ca Nucën Papa Dios, manámi ꞌicë, an cuëënun mitsu ꞌimiti ꞌicën. Mitsun usaquin ꞌai camina asérabi aín bëchicë ꞌaish an sináncësaribi oquin sináncë ꞌiti ꞌain. An ca uni ꞌaisama ꞌimainun an —asábi ca —quixun a cacëma uni aribi ñu ꞌinánan ꞌaquinia.

Hechos 16:25

Usoquian ꞌacëx ca Pablobë Silas imë́ naëx Nucën Papa Diosbë bananan a rabi cantacëxa. Usaría ꞌia ca anua ꞌicë sipuacë uni raírinën cuacëxa.

Hechos 5:41

Xucëxun ꞌapucama ëbiani ca —Jesúsnan cupí tëmëranun ca Nucën Papa Diosan nu caísaxa —quixun sinani cuëënquiani cuancëxa.

Romanos 5:3

Usaquin sinánquin cananuna uisai cara ñu ꞌicëbëtanbi ami sinánti ëníma cuëënin. Cananuna ꞌunanin, tëmëraquinbi tanshiquin cananuna upiti Jesucristomi catamëti ꞌunánti ꞌai quixun.

1 Corintios 3:8

Ainra paían uni bana ñuixuncë uni asaribi ca anribia uni bana ꞌunánmitëcëncë uni ax ꞌicën. Uisoquin cara aín ñu mëëti ꞌaxa istancëxun ca Nucën Papa Diosan a unicama cupíoti ꞌicën.

2 Corintios 4:17

Cananuna ꞌunanin, ënë nëtënuaxnu tëmëracë ꞌaínbi ca a ñucamax bënëtishi cëñutia. Tëmëracëbi ca nun sináncësamaira oquin Nucën Papa Diosan nux tëmëracë cupínu abë́ ꞌaish chuámarua tani cuëëinra cuëënun nu ꞌimiti ꞌicën.

Filipenses 1:29

Nucën Papa Diosan ca Cristomi catamënun mitsu ꞌimiaxa. ꞌImianan ca ami catamëtia unin mitsumi nishquin ꞌatimocëxbimi cuëënun mitsu ꞌimiaxa.

Filipenses 2:17

Mitsun camina tëmëraquinbi Jesucristomi catamëquin ax cuëëncësabi oquin ꞌaquin Nucën Papa Dios rabin. Mitsúxmi usai ꞌicëbë cana ꞌën mitsu ꞌaquincë cupí mitsux ꞌicësaribiti cuëënin. Cristomi sináncë cupí sapi cana bamati ꞌai quixun ꞌunanibi cana masá nuitutíma mitsúxmi ꞌicësaribiti cuëënin.

Colosenses 1:24

Mitsux ainan ꞌinun ꞌëx tëmëracë cupí cana cuëënin. Usai ꞌi cana Cristonëan camabi uni ainan ꞌinun tëmëra ꞌain, ꞌëxribi camabi menu ꞌicë unicama a ꞌunánti cupí tëmëraíbi cuëëinra cuëënin.

Colosenses 3:24

Usaquin ñu ꞌaquin camina ꞌunanin, ax Nucën ꞌIbu ꞌixun ca Cristonën mitsun a ñu mëëxuncë cupí, cuëënmiquin aín nëtënu abë xënibua ꞌaínbi tsónun mitsu biti ꞌicë quixun.

1 Tesalonicenses 2:15

Aín raran bëráma an Nucën Papa Dios quicë bana uni ñuixuncë uni raíri ꞌásaribi oquin ca Judeanu ꞌicë unin Nucën ꞌIbu Jesús ꞌacëxa. Usa ꞌixun ca nuribi nun bana cuaisama tanquin aín ëmanuax cuantánun quixun bëtsi bëtsi ocëxa. Usa ꞌaish ca Nucën Papa Dios cuëëncësa oquin ꞌati sinanima unicamamiribi nishia.

Hebreos 10:34

Usa ꞌixun camina Jesucristomi catamëcë cupía sipuacë unicama nuibaquin ꞌaquiancën. Mitsumi nishquian mitsun ñu bicancëbëbi camina masá nuitutíma usabi cuëëancën. —Ënë nëtënuax ñuñu ꞌaish cuëëncësamaira oi cana Nucën Papa Diosnan ꞌaish aín nëtënu nëtë́timoi abë ꞌiti ꞌai —quixun sinani camina cuëëancën.

Hebreos 11:26

Cuëënquin ca sináncëxa, Egiptonu ꞌicë unicamax ñuñu ꞌaish cuëëncësamaira oi cana ꞌëx Nucën Papa Diosmi sináncë ꞌaish tëmëraibi cuëënti ꞌain. Cristonan ꞌicëa unin ꞌatimocëx tëmëraibi aín unicama cuëëncësaribi oi ca Moisés tëmëraibi Nucën Papa Diosan unicamabë ꞌi cuëëancëxa. Ax ca —Nucën Papa Diosan ca ax quicësabi oquin nu ainan ꞌaish aín nëtënu abë ꞌinun ꞌimia —quixun ꞌunani ami catamëti cuëëancëxa.

Hebreos 11:33

Raíri unínribi ca Nucën Papa Diosmi catamëquin —an ca nu ꞌaquinia —quixun ꞌunánquin bëtsi ꞌapun suntárucamabë ꞌacananquin ñusmocëxa. Raíri uniribi ꞌapu ꞌixun ca Nucën Papa Diosmi sinánquin a unicama upiti bucunun, upí oquin ꞌaquiancëxa. Ami sinania ca a unicama ax quicësabi oquin Nucën Papa Diosan ꞌaquiancëxa. Raíriribi ca ami nishquian, unin ꞌinun pinun quixun aín cënënu niabi, Nucën Papa Diosan sinanën ꞌinúnbi piama ꞌicën.

Hebreos 11:6

Uicamax cara Nucën Papa Diosbë banatisa tania, uicamax cara ainan ꞌiisa tania, an ca —Nucën Papa Dios ca asérabi anu ꞌicë —quixun sinánti ꞌicën. Sinánan ca —an ca ꞌën ñucácëxun cuati ꞌicë —quixun sinánti ꞌicën. Usaía ax asérabi ami catamëcë uni anun cuni ca Nucën Papa Dios cuëënia. Axa ami catamëcëma unin ca Nucën Papa Dios cuëënmima.

Santiago 1:2

ꞌËn xucë́antu, cana mitsu cain, uisai caramina ꞌiti ꞌain, uisa ñu cara mitsumi ꞌicëbëbi camina upí oquinshi sinani cuëënti ꞌain.

Santiago 5:10

ꞌËn xucë́antu, camina an Nucën ꞌIbu Dios quicë bana uni ñuixuncë unicama ꞌiásaribiti ꞌiti ꞌain. Atun ca tëmëraquinbi bënë́quinma tanshiacëxa.

1 Pedro 4:13

Bënë́quinma camina sinánti ꞌain, ami nishquian unin bëtsi bëtsi ocë́xa Cristo tëmërasaribi oquin cananuna nunribi tëmërai quixun. Usaquin sinani camina tëmëraibi cuëënti ꞌain, usaribiti ꞌApuira ꞌaísha Cristo aia isi cuëënux.

Rut 2:12

¡Minmi ꞌakë ñukama kupín ka Diosan mi ꞌakinti ꞌikën! ¡Israel unibunën Dios kamina an mi ꞌakinun barian! ¡Usa ꞌain ka ꞌatapa tuañunëan aín tuákama bërúankin aín pëchinu atsímikësa obëtsinkin mi bëaxa. Usa ꞌain ka kamabi min ꞌakë ñukama kupí mi ꞌakinti ꞌikën!